Новости за 01.09.2022

РФ Цифрлы үсеш, элемтә һәм массакүләм коммуникацияләр министрлыгы «Дәүләт хезмәтләре»ндә көнкүрештә таләп ителгән очракта шәхесне тиз арада расларга мөмкинлек бирә торган сервис ачарга тәкъдим итте. Бу хакта «Российская газета» яза.

Казанның «Батыр» спорт мәктәбе дзюдочысы Дарья Баскакова Россия укучыларының XI җәйге Спартакиадасында көмеш медаль яулады. Ярышлар 25-30 август көннәрендә Саранскида узды, 17 комплект медаль өчен 18 яшькәчә егетләр һәм кызлар көч сынашты.

2 сентябрьдә Горький һәм Шаляпин музеенда «Татар аргамагы» күргәзмәсе ачыла. Анда Татарстанның һәм Россиянең 40 тан артык рәссамының рәсем сәнгате, график һәм скульптура эшләре, декоратив-гамәли сәнгать әйберләре тәкъдим ителәчәк.

Дагыстан Хөкүмәте Махачкалада Гайсә пәйгамбәр исемендәге рухи үзәк төзүгә ярдәм итәчәк, ул 2015 елда төзелә башлады, дип хәбәр итә төбәкнең Министрлар кабинеты матбугат хезмәте. «Интерфакс» шул турыда яза.

Башкалада яшәүчеләрдән күп санлы шикаятьләр килгәч, Татарстан экологлары Казандагы атмосфера һавасын тикшерүгә алды. Әмма үткәрелгән тикшерү пычрата торган матдәләрнең артык күләмен ачыкламады, дип хәбәр итте Татарстанның Экология һәм табигый байлыклар министрлыгының Үзәк территориаль идарәсе башлыгы урынбасары Руслан Аллахвердеев.

Киләсе атнада Казанда температура климатик нормадан шактый түбән булачак. Бу хакта бүген КФУ профессоры, география фәннәре докторы Юрий Переведенцев «Татар-информ»га хәбәр итте.

«Татнефть» компаниясе коллективы «Лукойл» компаниясе директорлар советы рәисе Равил Магановның туганнарының һәм якыннарының кайгысын уртаклашты.

Бүген Татарстан Республикасы Президенты Рөстәм Миңнеханов Алабуга муниципаль районында яңа футбол манежы ачты. Республика җитәкчесенең матбугат хезмәте шул турыда хәбәр итә.

Быел Татар яшьләре көннәренә Россиянең 23 төбәгеннән 150 делегат катнаша.

Татарстан Президенты Рөстәм Миңнеханов Чаллыга эш сәфәре кысаларында «Мастеровые» рус драма театрын ачу тантанасында катнашты. Рөстәм Миңнехановны республиканың мәдәният министры Ирада Әюпова һәм Чаллы шәһәре мэры Наил Мәһдиев озата йөрде. Татарстан Республикасы Президентының матбугат хезмәте шул турыда хәбәр итә.

Татарстанның беренче Президенты, Дәүләт Киңәшчесе Минтимер Шәймиев Әлмәттә «Адымнар» яңа белем бирү комплексын ачуда катнашты. Белем көнендә аның бусагасын 800дән артык бала атлап керде.

Белем көнендә Татарстан Президенты Рөстәм Миңнеханов Алабугада мәдәни үсеш үзәген ачу тантанасында катнашты. Объект ике ел эчендә — 2020 елдан 2022 елга кадәр – «Мәдәният» илкүләм проекты буенча төзелгән.

Казан халкы социаль челтәрләрдә урамда көек исе сизелүе турында яза. Татарстан Гидрометеорология һәм әйләнә-тирә мохитне күзәтү идарәсенендә белдерүләренчә, мондый күренеш томанлы һава (мгла) буларак квалификацияләнә. Ул Татарстан белән күрше төбәкләрдәге урман янгыннарына бәйле.

Татарстан Президенты Рөстәм Миңнеханов Тукай районында газүткәргеч ачу тантанасында катнашты. Социаль газлаштыру программасы буенча төзелгән объект Круглое Поле бистәсендәге 120 җир кишәрлегенә бушлай газ җибәрергә мөмкинлек бирә.

«Татарча онлайн мәктәп» проекты балаларга юнәлдерелгән һәм татар мәктәпләрендә эшләүче укытучыларга методик ярдәм чарасы булачак.

Россиядә техник карау процедурасын узганда мәҗбүри таләпләр саны кимеде. Россия Хөкүмәте раслаган үзгәрешләр 1 сентябрьдән гамәлгә керә.

Сентябрь ае Казанда кинәт суыту белән башланып китте, әмма җылылык шәһәргә әбиләр чуагы белән әйләнеп кайтачак. Бу хакта «Татар-информ»га Казан федераль университеты профессоры, география фәннәре докторы Юрий Переведенцев сөйләде.

Казанның Шиһабетдин Мәрҗани исемендәге 2нче татар гимназиясе директоры Рамил Гайнуллин, уку йортына ихтыяҗ зур булу сәбәпле, тагын бер бина кирәклеген әйтте.

Равил Маганов Россиянең нефть тармагында танылган профессионал, зур белгеч, җитәкче иде. Ул туган төбәген дә беркайчан да онытмады. Бу хакта Татарстан Президенты Рөстәм Миңнехановның «Татнефть» генераль директоры Наил Магановка – һәлак булган Равил Магановның бертуган энесенә юлланган телеграммасында әйтелә.

Бүген Чаллыга эш сәфәре кысаларында Татарстан Республикасы Президенты Рөстәм Миңнеханов капиталь ремонттан соң «Родник» халыклар дуслыгы йортын карады.

Стопкоронавирус.рф порталы мәгълүматларыннан күренгәнчә, Татарстанда коронавирус инфекциясен йоктыручылар арта – соңгы тәүлектә тагын 366 кеше әлеге вирусны иярткән.

Чаллыда, яңа уку елының беренче көнендә яңа заманча мәктәп – «Белем бирү үзәге 62» ачылды. Автокаладагы иң зур мәктәпне ачу тантанасында ТР Дәүләт Советы Рәисе Фәрит Мөхәммәтшин катнашты.

Татарстан Республикасы Президенты Рөстәм Миңнеханов Түбән Кама район үзәк хастаханәсенең яңа ашыгыч медицина ярдәме үзәген ачты. Бу турыда Татарстан Президентының матбугат хезмәте хәбәр итте.

Татарстан Президенты Рөстәм Миңнеханов Түбән Камага эш сәфәре кысаларында инженерлык лицеен һәм балалар бакчасын ачуда катнашты. Бу хакта республика Президентының матбугат хезмәте хәбәр итә.

2 сентябрьдә “Казан утлары” журналы “Татмедиа” агентлыгының конференцзалында Рафис Корбанның “Тәүбә көне” китабын тәкъдим итә.