Новости за 16.03.2023

15-16 март көннәрендә Әлмәттә барлык шәһәр хезмәтләре белән команда-штаб өйрәнүләре үткәрелә. Гадәттән тыш хәлләр комиссиясе утырышында гражданнарны яклау идарәсе башлыгы җаваплы кешеләрнең эш-гамәлләрен башкарып карау планын тәкъдим итте. Бу хакта «Әлмәт таңнары» хәбәр итә.

19 мартта Казан ипподромында Нәүрүз бәйрәме (төрки һәм Иран халыкларында – Яңа ел) узачак. Татарстан халыклары Ассамблеясы милли-мәдәни автономияләре бәйрәмне әзерләү һәм оештыруда актив катнаша. Азәрбайҗаннар, әфганнар, башкортлар, казахлар, кыргызлар, дагыстанлылар, таҗиклар, төрекләр, төрекмәннәр, үзбәкләр һ.б. милләт вәкилләре бер мәйданда үз халыкларының мәдәни күптөрлелеген һәм традицияләрен тәкъдим итәчәк. Бу хакта ТР Мәдәният министрлыгының матбугат хезмәте хәбәр итә.

Җылы гаражның бәясе 4,2 млн сумга төшкән.

https://dumrt.ru/

15-16 март көннәрендә Татарстан мөфтиятенең Аксакаллар шурасы рәисе Айрат хәзрәт Әюпов җитәкчелегендә республика аксакаллары Әтнә, Арча, Кукмара районнарындагы дини-туристик маршрутлар буенча күчмә киңәшмә уздырды.

Дини-туристик маршрутлар борынгы мәчет биналары белән танышу, татар дин әһелләре һәм галимнәренең исемнәре белән бәйле урыннарда булу, милләт зыялылары җирләнгән каберлекләргә барып дога кылуны күздә тота. Бу хакта ТР Диния Нәзарәте матбугат хезмәте хәбәр итә. Читать дальше...

Казанда 22 яшьлек чит ил кешесен тоткарлаганнар, ул хатын-кызны үтерүдә шикләнелә. Бу хакта «Татар-информ» агентлыгына Россия Эчке эшләр министрлыгының Казан шәһәре буенча идарәсе матбугат хезмәтеннән хәбәр иттеләр.

Иртәгә, 17 мартта, чираттагы атмосфера фронты Татарстанда һава шартларының үзгәрүенә китерәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

2023 елда Санкт-Петербург мөселманнары мөһим вакыйганы - Россия империясе башкаласында Җәмигъ мәчете төзелү һәм анда беренче гыйбадәт кылуны искә ала. Әлеге истәлекле датага багышланган чаралар кысасында 15 мартта Җәмигъ мәчете бинасында «Мөселманнарның Россиядәге роле: тарих һәм перспективалар» дип аталган фәнни-гамәли конференция узды. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Татарстан белән Ульяновск өлкәсен элек-электән яхшы партнерлык мөнәсәбәтләре бәйли. Бу хакта бүген Татарстан Республикасы Рәисе Рөстәм Миңнеханов Ульяновск өлкәсе Губернаторы Алексей Русских белән очрашуда белдерде. Очрашу Казан Кремлендә узды, дип хәбәр итә Татарстан җитәкчесе матбугат хезмәте.

Бурятия татарлары автономиясе республикада татарлар яшәгән урыннар буйлап этнотурларны үз эченә алган «Байкалда татар бизәкләре» дип аталган проект гамәлгә ашыра башлый. Әлеге проект социаль юнәлешле коммерцияле булмаган оешмаларга субсидия бирү бәйгесендә җиңү яулады. Бу хакта Бөтендөнья татар конгрессының матбугат хезмәте хәбәр итә.

Россиядә хезмәткә түләүнең минималь күләме өстәмә рәвештә индексацияләнәчәк. РФ Президенты Владимир Путин тарафыннан Федераль Җыенга юлламаны гамәлгә ашыру нәтиҗәләре буенча расланган күрсәтмәләр исемлегендә шулай диелә.

7-11 апрельдә Башкортстан Милли симфоник оркестры Татарстанда гастроль туры белән чыгыш ясаячак. Музыкантлар Казан, Чаллы һәм Түбән Кама тамашачысына дөнья классикасы шедеврларын, Башкортстан һәм Татарстан милли композитор мәктәпләре вәкилләренең әсәрләрен тәкъдим итәчәк. ТР мәдәният министры урынбасары Ленар Хәкимҗанов «Татар-информ» агентлыгында узган матбугат конференциясендә шулай дип белдерде.

Кичә озакка сузылган авырудан соң ТР Сәламәтлек саклау министрлыгы икенче бүлегенең элеккеге башлыгы Наил Сафин вафат булды. Бу хакта министрлыкның матбугат хезмәтеннән хәбәр иттеләр.

Россия Президенты Владимир Путин Хөкүмәткә сәнәгать ипотекасы буенча ташламалы кредитлау срогын 7 елдан 15 елга кадәр озайту идеясен карарга тәкъдим итте. Бу хакта RT хәбәр итә.

Оренбург өлкәсе Соль-Илецк шәһәреннән Сәкинә Бикеева бизнес ярдәмендә милләттәшләрне туплый алган.

Төркиядә тагын җир тетрәгән. Бу хакта РИА Новости агентлыгы төрек сейсмологларына сылтама белән хәбәр итә.

Дәүләт Думасы Советлар Союзы һәм Россия Геройларына айлык акчалата пособиене заявка бирмичә түләү тәртибе турында закон кабул итте. Бу хакта «Российская газета» яза.

​​​​​​​Әлбир Крганов Чувашия халкын җирдән чәчрәп чыккан су белән чагыштырды.

Татарстан Рәисе Рөстәм Миңнеханов РФ мөселманнары Диния нәзарәте һәм Россия Мөфтиләр шурасы рәисе Равил Гайнетдин белән очрашты. Очрашу ТР Хөкүмәте йортында узды, дип хәбәр итә республика җитәкчесенең матбугат хезмәте.

Ай календаре нигезендә, 2023 елда Рамазан ае 22 мартта кояш батканнан соң башлана. Уразаның беренче көне – 23 март, соңгы көне – 20 апрель. Быел Ураза гаете 21 апрельгә туры килә. Тәравих намазы 22 марттан 19 апрельгә кадәр укыла. 2023 елның 15 мартында РФ мөселманнары Диния нәзарәтенең Голәмәләр шурасы утырышында кабул ителгән «Рамазан аенда ураза тоту (2023)» дип аталган дини бәяләмәдә шундый мәгълүматлар китерелә. Бу хакта Россия мөселманнары Диния нәзарәтенең матбугат хезмәте хәбәр итә.

«Татар пычагы» бренды тарихи яктан рәсмиләштерелгән.

Мәскәүнең Татар мәдәни үзәгендә «МАЕМ» клубының беренче очрашуы булды. «МАЕМ» клубы балаларга үз тамырларын яхшы белү, алар белән кызыксыну, белемнәрне баету мөмкинлеге бирү, киләчәктә уңышлы тормыш алып бару өчен таяныч итү максатыннан гамәлгә куелган. 

23 мартта Татарстан Милли китапханәсендә Татарстанның халык шагыйре Илдар Юзеевнең тууына 90 ел тулуга багышланган искә алу кичәсе була.

«Милли тормыш белән Ислам дине үрелеп барган татар авыллары - һәрвакыт үсештә», - диде Данис Шакиров.

16 мартта Россиянең киң прокатына Сарик Андреасянның «На солнце, вдоль рядов кукурузы» фильмы чыга. Фильм 2019 елның августындагы чын вакыйгалар буенча төшерелгән: ул вакытта герой-очучы, татар егете Дамир Йосыпов ашыгыч рәвештә самолетны кукуруз кырына утыртып, 200дән артык пассажирны коткара.

Үзгәргән эчке һәм тышкы шартларда венчур инвестицияләре базарын уңышлы үстерү өчен дәүләт белән элемтәне динамик саклап калу нигез булып тора. Бу тармак катнашучыларына кирәкле хокукый һәм көйләү шартларын тәэмин итәргә мөмкинлек бирәчәк, инвесторларны һәм стартапларны бергәләп активрак эшләргә этәрәчәк. Казанда Россия венчур форумының пленар сессиясендә Татарстан Республикасы Рәисе Рөстәм Миңнеханов шундый фикер әйтте.