Новости за 31.03.2023

Түбән Кама һәм Чаллы шәһәрләрен урап уза торган юл төзелешенең беренче этабында Чулман елгасы аша технологик күпер төзелеше тәмамланды.

Башкортстанда Стәрлетакмак актеры, Башкортстанның халык артисты Фаим Әхмәтҗановны искә алалар. Искәртик, 2022 елның 29 мартында Белорецк районында йөк машинасы белән бәрелешү аркасында җиңел автомобиль йөртүчесе һәм пассажир һәлак була.

Нижневартовск шәһәренең психоневрология хастаханәсендә мөселманнар өчен намаз бүлмәсе ачылды. Бөтендөнья татар конгрессы сайты шул турыда хәбәр итә.

Иртәгә, 1 апрельдә, Татарстанда җилле һәм тотрыксыз һава торышы саклана.

Бөтендөнья татар конгрессы «Борец» көрәш клубы белән берлектә «Рамазан Кубогы» көрәш фестивале оештыра. Анда татар яшьләре катнашачак. Бөтендөнья татар конгрессы сайты шул турыда яза.

2 апрельдә Татарстан башкаласында автомобильнең һәм велосипедның тузган шиннарын җыю буенча экологик акция узачак. Җыелган икенчел чималны эшкәртәләр һәм аннан резин плитә ясыйлар. Аерым алганда, ул балалар мәйданчыкларына җәю өчен кулланыла.

2 апрельдә ТР Милли китапханәсе Халыкара балалар китабы көнен бәйрәм итүгә кушылачак. Кунаклар өчен бушлай программа әзерләнгән, анда китап ярминкәсе, лекцияләр, күргәзмә ачу һәм башка чаралар кергән, дип хәбәр итә ТР Милли китапханәсенең матбугат хезмәте

Иркутскида «Ангара таңнары» татар сәнгате фестиваль-конкурсы, шулай ук балалар арасында «Алтын кәләпүш» бәйгесе узды.

Төмән мөселманнары Диния нәзарәтенең «Татар мәдәнияте мирасы» клубы «Әбиемә багышлап» акциясен үткәрергә тәкъдим итте. Ул әбиләрнең балаларны һәм яшүсмерләрне тәрбияләүдә зур ролен исәпкә алып, мөфти Зиннәт хәзрәт Садыйков фатихасы белән үткәрелә.

Композитор, пианист, аранжировщик һәм автор-башкаручы Азат Гыймадиев туган көнендә җыр-моң яратучы тамашачыларны җыя. 7 апрельдә 19:00 сәгатьтә Татар китабы йортында ул альтернатив татар музыкасын neoclassical һәм acoustic pop жанрында башкарачак.

Мордовиянең Азюрка (Белозорье) авылы Җәмигъ мәчетендә азан әйтүчеләрнең традицион бәйгесе узды. Катнашучылар биш яшь категориясенә бүленде. Азан әйтүчеләрне ислам уку йортларын тәмамлаучылар, якшәмбе мәктәпләре имамнары һәм укытучылары жюри составында бәяләде. Россия Мөфтиләр шурасы шул хакта яза.

Җәлилче Зиннәт Хәсәновның бертуганының улы Зиннәтулла Хәсәнов Сарман районы Иске Кәшер авылында каһарман исемен йөрткән урам кирәк дип саный.

Грипп таралган вакытта Татарстанда бер кеше шул инфекциядән үлгән.

«Кызганычка, хастаханәдә грипптан һәм аннан соң сәламәтлек какшавыннан бер үлем очрагы булды», – дип сөйләде «Татар-информ» матбугат конференцясендә Татарстан сәлаәмтлек саклау министрының урынбасары Владимир Жаворонков.

Аның сүзләренчә, грипптан соң сәламәтлек какшый. Алардан кеше вафат булырга мөмкин, диде табиб.

«Татар-информ» хәбәр иткәнчә, Татарстанда сулыш юлларында вируслы кискен инфекция (ОРВИ) һәм грипп белән авыручылар азайды... Читать дальше...

«Аналитика юк, проблемалы язмалар сирәк. Халыкны укымаска өйрәтеп бетерәбез кебек тоела», - диде журналист.

Мәскәүдә КПССның Татарстан өлкә комитеты беренче секретаре Фикрәт Табиевның (1928-2015) хатыны Динә Мөхәммәт кызы Табиеваны (1929-2023) җирләделәр. Хушлашу мәрасимендә Татарстанның Россиядәге Тулы вәкаләтле вәкиле Равил Әхмәтшин катнашты. Россия Мөфтиләр шурасы рәисе урынбасары Рушан хәзрәт Әббәсов Мәскәүнең Җәмигъ мәчетендә җеназа догасы һәм җыелган халык белән бергә җаназа намазы укыды.

Мәскәүдә «Мир» киноконцерт залында Россиянең «Алтын каләм» журналистика өлкәсендә югары дәрәҗәдәге бүләкләр тапшыру тантанасы узды. Татарстанның танылган фотографларының берсе Фәрит Гобәев «Алтын киштә» номинациясендә җиңү яулады.

25, 26, 27 апрельдә Уфада Туфан Миңнуллин исемендәге Түбән Кама дәүләт татар драма театрының гастрольләре узачак. Ул Татарстанда Милли мәдәниятләр һәм гореф-гадәтләр елы кысаларында оештырыла.

Бүген, 31 мартта, танылган Россия тарихчы-тюркологы, Татарстан Фәннәр академиясенең Ш.Мәрҗани исемендәге Тарих институтының тарих фәннәре докторы һәм мактаулы докторы Вадим Трепавлов каты авырудан соң Мәскәүдә вафат булды. Аңа 62 яшь иде. Бу хакта институт сайтында хәбәр ителә.

«Modest Covered» проекты авторы, әхлаклы мода өлкәсендә эксперт Җәннәт Минһаҗева сүзләренчә, «Fashion Iftar»ны башка шәһәрләрдә үткәрү мөмкинлекләре уйланыла.

«Изгелек янәшә» хәйрия фонды җитәкчесе Радик Габдрахманов фикеренчә, киләсе елда Fashion ифтар тагын да зуррак мәйданда үтәргә тиеш. Бу хакта ул «Татар-информ»да узган матбугат очрашуында әйтте.

Татарстанда Covid-19 инфекциясе белән авыручылар саны кими. Бу хакта «Татар-информ»да матбугат конференциясендә Роспотребнадзорның Татарстан буенча идарәсенең җитәкчесе урынбасары Любовь Авдонина сөйләде.

Быел Казанда узачак «Fashion Iftаr»да 100гә якын модель катнашачак. Бу хакта ифтарны оештыручылар «Татар-информ» мәгълүмат агентлыгында узган матбугат очрашуында әйтте. 

Министрлар Кабинетының 30 марттагы яңа карары нигезендә, янгынга каршы махсус режимны 17 апрельдән кертергә карар кылынды. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

28 мартта Истанбулда Төркиянең югары уку йортларында укучы студентлар һәм актив яшьләр өчен ифтар узды. Чарага Истанбул, Әнкара, Гәбзә, Бурса һәм башка шәһәрләрдән 70-тән артык студент катнашты. Чараны Татарстанның Төркиядәге вәкаләтле вәкиллеге белән «Татарстан» Сәүдә Йорты берлектә оештырды.

Төрле милли диаспора вәкилләре Белоруссия территориясендә уңайлы шартларда гомер итә, дип белдерде дәүләт башлыгы Александр Лукашенко. Бүген халыкка һәм парламентка юллама белән мөрәҗәгать итеп, ул биредә күп кенә татарларның да куркынычсыз һәм үзләре өчен кадерле урын табуын билгеләп үтте. Белоруссия лидерының юлламасын Беларусьның Беренче Милли каналы YouTube видеохостингында трансляцияләде.