Новости за 30.03.2023

ТР Архив эше буенча дәүләт комитеты тарафыннан үткәрелә торган «Тарихта без эзлебез» республика фестиваленең зона этабында финалистлар билгеләнә, алар 15 майда, Халыкара гаилә көнендә, Казанның Г.Камал театрында республика этабын тантаналы рәвештә бәйрәм итәргә киләчәк. Бу хакта Бөтендөнья татар конгрессының матбугат хезмәте хәбәр итә.

Бүген Татарстан мөселманнары Диния нәзарәте журналистлар өчен ифтар уздырды. Анда ислам финанслары турында мәгълүмат җиткерелде.

Эчке базарда үзебездә җитештерелгән даруларның өлешен арттыру өчен Россия фарминдустриясе үсүен дәвам итәргә тиеш. Россия Президенты Владимир Путин Калининград, Саранск һәм Санкт-Петербургта яңа фармацевтика заводлары ачылышында шулай дип белдерде.

Иртәгә, 31 мартта, Татарстан территориясендә бераз явым-төшем фаразлана: төнлә яңгыр һәм җепшек кар явачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Европа валютасы бәясе Мәскәү биржасындагы сатуларда 2022 елның 20 апреленнән соң беренче тапкыр 84 сумнан артты. Бу хакта ТАСС агентлыгы хәбәр итә.

Россия Президенты Владимир Путин армиягә язгы чакырылыш турындагы указны имзалады. Документ хокукый мәгълүмат порталында урнаштырылган.

Илкүләм рейтинг нигезендә, Казан федераль университеты һәм Казан дәүләт медицина университеты Россия югары уку йортлары Премьер-лигасына керде. Югары белемне бәйсез бәяләү агрегаторы рейтингы биш ел рәттән бастырып чыгара.

Бүген «Казан Кремле» музей-тыюлыгы лекториенда 350 чакрым озынлыгындагы «Идел сукмагы» җәяүлеләр маршрутын тәкъдим иттеләр. Анда Татарстанның 100дән артык мәдәни һәм тарихи һәйкәле, шулай ук аеруча саклана торган 26 территориясе керәчәк.

Изге Рамазан аенда Мәскәү Җәмигъ мәчете территориясендә Россия мөселманнарының рухи лидеры, мөфти шәех Равил Гайнетдиннең хәер-фатихасы белән ачык һавада «Имин Рамазан - 2023» дигән фотокүргәзмә эшли башлады. Бу хакта Россия мөселманнары Диния нәзарәтенең матбугат хезмәте хәбәр итә.

Бүген интерент киңлекләрендә «СалаваTik»ларның «Бармаклар биюе» дигән җырга яңа видео чыкты. Җырның сүзләрен һәм көен Равилә Гатина һәм Фирая Батыршина иҗат иткән.

Татарстанда «Йолдызлык» республика эстрада сәнгате яшьләр фестиваленең зональ этаплары төгәлләнде. 8 һәм 12 апрель көннәрендә Казанда суперфинал узачак.

Ата-аналар балалары балигъ булган вакытта еш кына аны болай гына яратуларын оныта һәм бу ялгыш фикер. ТР Сәламәтлек саклау министрлыгының медицина психологиясе буенча баш балалар белгече, Республика балалар клиник хастаханәсенең психология бүлеге мөдире Лилия Горохова «Татар-информ» агентлыгында узган матбугат конференциясендә шундый фикере белән уртаклашты.

Фатиха Аитова исемендәге 12 нче гимназиядә инде унынчы ел җәмәгать эшлеклесе, халык язучысы Туфан Миңнуллинның иҗади мирасын тирәнтен өйрәнү, популярлаштыруны максат иткән республика конференциясе уздырылып килә. Елдан ел колачлырак була барган конференция эшендә быел барлыгы 362 кеше катнашты. Бу хакта «Мәгариф» һәм «Гаилә һәм мәктәп» журналларының берләштерелгән порталында хәбәр ителә.

Бүген Түбән Камада кеше үлеменә китергән юл-транспорт һәлакәте булган. Бу хакта республика Дәүләт автоинспекциясе үзенең Telegram-каналында хәбәр итте.

Татарстанның Россиядәге Вәкаләтле вәкиллеге матбугат хезмәте

Бөек Ватан сугышы ветераны Фатыйх Хәмидуллин кичә бер гасырлык юбилеен билгеләп үтте. Бу хакта Татарстанның Россиядәге Вәкаләтле вәкиллеге матбугат хезмәте хәбәр итә.

Фатыйх Хәмидуллинны юбилее белән Татарстанның Россиядәге Вәкаләтле вәкиллеге хезмәткәрләре Наилә Акмаева һәм Фикус Мортазина котлады. Алар ТР Премьер-министры урынбасары - Татарстанның Россиядәге Вәкаләтле вәкиле Равил Әхмәтшин исеменнән юбилярга изге... Читать дальше...

Прокуратура Алексеевск районындагы авариядән соң (анда яшь велосипедчы һәлак булды) җинаять эше кузгатуны таләп итә. Бу хакта ТР прокурорының өлкән ярдәмчесе Руслан Галиев хәбәр итте.

Татарстанда махсус хәрби операциядә катнашучылар һәм аларның гаилә әгъзаларына ярдәм күрсәтү мәсьәләләре буенча ведомствоара комиссия оештырылды. Бүген республика Премьер-министры Алексей Песошин шул хактагы боерыкны имзалады.

ТР Җыр һәм бию дәүләт ансамбле халкыбызның музыкаль мирасы булган әсәрләрне киң җәмәгатьчелек өчен интернетка урнаштыра башлый.

Буа районы Аксу урта мәктәбенең 8 сыйныф укучысы Искәндәр Гобәйдуллин Муса Җәлил белән әсирлектә булган райондашының туганын эзләп тапкан. Әхмәт Рәшит исемендәге фәнни-гамәли конференциядә ул тикшеренү эшен тәкъдим иткән иде.

Хәрби хезмәткә чакырылучыларның яшен этаплап үзгәртү турындагы проект язгы чакырылышка кагылмаячак. Бу хакта РИА Новости агентлыгы Дәүләт Думасының оборона комитеты башлыгы Андрей Картаполовка сылтама белән хәбәр итә.

Россия инде быел ук берничә ил, шул исәптән Согуд Гарәбстаны, Көньяк Корея һәм Көньяк Африка Республикасы белән авиаочышларны яңадан башларга мөмкин. Бу хакта ТАСС агентлыгы Росавиация башлыгы Александр Нерадькога сылтама белән хәбәр итә.

4 майда «Ярлыкау» хәрби драмасы прокатка чыгачак. Фильм башкорт совет әдәбияты классигы Мостай Кәримнең шул исемдәге повесте буенча төшерелгән. Картинаның премьерасы Мәскәү, Уфа һәм Казанда була. Бу хакта «Башинформ» агентлыгы Мостай Кәрим исемендәге фондның матбугат хезмәтенә сылтама белән хәбәр итә.

ТР Җыр һәм бию дәүләт ансамбле Казан дәүләт циркы белән берлектә «Җиде энҗе» этно-цирк спектакле әзерли.

Җомга көннәрен кыскартылган эш көне итүгә кагылышлы сорауга Россия Президентының матбугат сәркатибе Дмитрий Песков җавап бирде. Аның сүзләренчә, Кремльдә әлеге инициатива турында фикер алышулар алып барылмый. Бу хакта РИА Новости хәбәр итә.

Мәскәүдә 2023 ел Сабантуенда күренекле хәрби җитәкче – армия генералы Мәхмүт Гәрәевнең 100 еллыгына аерым игътибар биреләчәк. Милли бәйрәм Мәхмүт Гәрәев исеме белән узачак. Бөтендөнья татар конгрессы шул турыда яза.