Новости за 22.03.2023

Түбән Кама шәһәренең 37нче лицей укучылары бүген төрки халыкларының милли ашлары белән сыйланды. Нәүрүз бәйрәмен мәктәп күләмендә шулай бәйрәм иттеләр. Җыр-биюләр турында да онытмадылар.

Болгарда психик авырулы яшүсмер әбисенә ташланган һәм аны кыйнаган.

Фаҗига яшүсмернең әнисе кибеткә чыгып киткәч була, егет әбисе белән кала. Хатын-кыз фаҗига булырга мөмкин булуын күз алдына да китермәгән, улының үз-үзен тотышы бернинди шик уятмаган.

Егет бик тиз агрессивланган. Ул 75 яшьлек әбисенә йодрыклары белән ташлана. Ана кеше килеп керүгә үк ашыгыч ярдәм чакырта.

Берничә көннән соң олы яшьтәге хатын-кыз хастаханәдә үлә. Билгеле булганча, ул ашказаны-эчәк органнарының... Читать дальше...

Татарстан Рәисе Рөстәм Миңнеханов «Россия — Ислам дөньясы: KazanForum» форумын әзерләү һәм үткәрү буенча республика оештыру комитеты составына үзгәрешләр кертте. Карар Татарстан Республикасы җитәкчесе сайтында урнаштырылды.

Уфада Рәми Гарипов исемендәге премия лауреатларын ачыкладылар. Бүләкләү тантанасы Рәми Гарипов исемендәге 1 нче гимназия-интернатында узды. «Башинформ» шул турыда яза.

Татарстан Рәисе Рөстәм Миңнеханов телеграмдагы каналына язылучыларны изге Рамазан ае башлану белән котлады.

Бүген Казан Кремлендә Татарстан Рәисе Рөстәм Миңнеханов мәдәният тармагындагы күренекле хезмәткәрләргә республика дәүләт бүләкләре тапшырды. Татарстанның 32 кешесе дәүләт бүләкләренә лаек булды.

Казан консерваториясендә 2022 елдан Татар музыкасы кафедрасы мөстәкыйль бүлекчә булып эшли башлады. Югары уку йортының әлеге һәм башка яңалыклары белән ректор, музыка белгече, профессор Вадим Дулат-Алеев журналистларны таныштырды. Ул шулай ук консерватория бинасы буйлап экскурсия уздырды

Иртәгә, 23 мартта, Татарстан территориясендә алмашынучан болытлы һава, төнлә һәм иртән томан көтелә. Бу хакта республика Гидрометеорология үзәге хәбәр итә.

Татарстан Рәисе Рөстәм Миңнеханов Идел буе таможня идарәсе җитәкчесе Агепсим Ашкалов белән очрашты. Яклар Татарстан таможнясы эше, шулай ук процедураларны һәм операцияләрне камилләштерү мөмкинлекләре турында фикер алышты. Бу хакта Татарстан Республикасы җитәкчесенең матбугат хезмәте хәбәр итә.

Россия Президенты Владимир Путин Россия Федерациясендә телләр күптөрлелеген саклау өчен ярдәм формаларын уйларга тәкъдим итте. Аны саклауның мөһимлегенә ул Татарстан режиссеры Айдар Җаббаров сүзләреннән соң игътибар юнәлтте, Җаббаров республикада театр сәнгате үсеше турында сөйләде.

«Кеше хакында язу юк. Җитәкчеләр һәм артистлар турында язу модада», - диде ул.

Башкорт телен саклау һәм үстерү фонды Башкорт телендә халыкара диктант акциясе вакытында укылачак текстларга бәйге башлануы турында игълан итте. «Башинформ» шул турыда яза.

«Татмедиа» акционерлык җәмгыяте генераль директоры Шамил Садыйков хәзерге заман журналисты блогер булырга тиеш дип саный. Ул бу турыда «Татмедиа»ның «Кәеф» медиалабораториясендә «Шәп блогер» медиамәктәбен тәкъдим итү чарасында әйтте.

Кытай лидеры Си Цзиньпинның Россиягә дәүләт визиты Кытай Халык Республикасының кем ягында булуын аңлата. Татарстан сенаторы Александр Терентьев «Татар-информ»га шундый фикер белдерде.

«Татар-информ» базасында чыгучы «Энҗеле көрәш» проекты балалар арасында узган көрәш ярышыннан яңа чыгарылыш тәкъдим итә. Көрәш турниры Лаеш районы Комлы Кәвәл авылында Казан медицина җиһазлары заводы призларына үткәрелде.

Манту пробасын, киң таралган фикергә карамастан, юешләргә ярый, иң мөһиме – кашымаска. Бу хакта «Татар-информ» га Татарстан Сәламәтлек саклау министрлыгының баш балалар фтизиатры Рәмзия Фатыйхова сөйләде.

Россия Дәүләт Думасы Рәисе Вячеслав Володин төбәкләрнең закон чыгару органнары җитәкчеләре белән видео-конференц-элемтә режимында киңәшмә үткәрде. Киңәшмәдә Татарстан Республикасы Дәүләт Советы Рәисе Фәрит Мөхәммәтшин катнашты.

Мәскәү югары уку йортлары студентлары һәм аларны тәмамлаучылар Татарстан Республикасының Россия Федерациясендәге Тулы вәкаләтле вәкиллегендә булды.

Сишәмбе, 21 мартта, Мәскәүдә Россия Федерациясе мөселманнарының Диния нәзарәте рәисе, Россия Мөфтиләр шурасы мөфтие шәех Равил Гайнетдин һәм Катар Дәүләтенең Россия Федерациясендәге Гадәттән тыш һәм Тулы вәкаләтле Илчесе шәех Әхмәт Бин Насера Әл Тани очрашты. Очрашу Катар Дәүләтенең Илчелегендә узды. Россия Мөфтиләр шурасы шул турыда хәбәр итә.

10 ел дәвамында Чиләбе татар конгрессы «Нәни энҗеләр» балалар милли проекты гамәлгә ашыра. 7-9 яшьлек кызлар-малайлар бу бәйгедә катнашып, жюри каршында үзләренең чын татар егете, чын татар кызы булуын исбатлый, дип хәбәр итә Чиләбе өлкәсе татар конгрессы.

Россия Президенты Владимир Путин Галиәсгар Камал театры режиссеры Айдар Җаббаровка дәүләт башлыгы гамәлгә куйган яшь мәдәният эшлеклеләре премиясен тапшырды. Тантана Мәскәү Кремлендә узды.

Татарстанда татар галиме, этнограф һәм мәгърифәтче Каюм Насыйриның ике гасырлык юбилеен бәйрәм итүгә багышланган чаралар планы әзерләнәчәк. Татарстан Рәисе Рөстәм Миңнеханов шул хактагы карарны имзалаган.

Ульяновск өлкәсенең Барыш районы Калда авылында Татар теле һәм мәдәнияте көне башланып китте. Өлкә татар милли мәдәни автономиясе рәисе Рамис Сафин җитәкчелегендәге делегатлар И. Беркутов исемендәге мәктәптә әзерләнгән чарада катнашалар. Алар мәктәп фойесындагы аш-су, кул эшләре күргәзмәләре белән таныштылар, төркемнәргә бүленеп ачык дәресләр карадылар, "түгәрәк өстәл" артында телебез язмышы турында фикер алыштылар, дип хәбәр итте оештыручылар.

Татарстан Рәисе Рөстәм Миңнеханов Россия Өзлексез һөнәри белем бирү медицина академиясе ректоры Дмитрий Сычев белән очрашты. Бу хакта республика җитәкчесенең матбугат хезмәте хәбәр итә.

Яшел Үзән районы башлыгы Михаил Афанасьев телеграм-каналда Яшел Үзән шәһәренең бер урамына Сара Садыйкова исемен бирергә ниятләүләре турында сөйләде.