Новости за 18.04.2023

Мәскәүдә 10-11 сыйныф укучылары арасында сайлау хокукы һәм сайлау процессы мәсьәләләре буенча Бөтенроссия олимпиадасы финалы узды. Россиянең 96 укучысы белемнәрен сынап карарга килде. Анда Түбән Кама укучысы Анастасия Тузеева ярышта җиңүче булды. Бу хакта Түбән Кама муниципаль районы рәсми сайтында хәбәр ителә.

Нурлатта яшәүче күпбалалы әти Фәнил махсус хәрби операциягә китәргә боерык көтә. Кичә ул хәрби комиссариатка контракт буенча хезмәткә керешү турында гариза язган.

https://dumrt.ru/

Татарстанда «Рамазан – изге гамәлләр ае» хәйрия марафоны дәвам итә. Изге ай әле тәмамланмаса да, «Зәкят» хәйрия фонды битараф булмаган кешеләр булышлыгы белән 450 аз керемле гаиләгә азык-төлек җыелмалары өләшкән. Бу турыда ТР Диния нәзарәте матбугат хезмәте хәбәр итә.

Шулай ук Татарстанның 34 мәчетендә һәм мәдрәсәсендә 3840 мохтаҗ өчен ифтар мәҗлесләре оештырылган һәм 20 авыру баланы дәвалау өчен акча җыелган. Шулай ук мохтаҗлар өчен «Ханума» кафесыннан ифтар җыелмалары таратылган. Читать дальше...

22 апрельдә Татарстанда «Профессионалитет» федераль проектының Бердәм ачык ишекләр көне уза. Укучыларны ихтыяҗ булган һөнәрләр белән таныштыруга юнәлтелгән чаралар комплексы планлаштырылган.

Россия педагогика югары уку йортларын тәмамлаучыларның күбесе мәктәпкә килгәннән соң эшләрен тиз алыштыра. Төп сәбәпләрнең берсе, түбән хезмәт хакы. Бу турыда Федерация Советы спикеры Валентина Матвиенко сөйләде. Ул Россия Президенты Владимир Путинга укытучыларга хезмәт хакы түләүнең яңа системасын кертү үтенече белән мөрәҗәгать итәргә тәкъдим итә.

«Россия - Ислам дөньясы: KazanForum 2023» XIV икътисади форумы кысаларында Russia Halal Market хәләл индустрия халыкара ярминкәсе узачак. Ул 19-21 майда «Казан» агросәнәгать паркында була. Татарстан Республикасы Авыл хуҗалыгы һәм азык-төлек министрлыгы матбугат хезмәте шул хакта хәбәр итә.

Россиядә коронавирусның «арктур» штаммын йоктыру очраклары ачыкланды. Бу хакта РИА Новости Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенә (Роспотребнадзор) сылтама белән хәбәр итә.

Бәйгедә катнашучылар Габдулла Тукайның музейда саклана торган шәхси әйберләре турында проза, поэзия номинацияләренә иҗади эшләр җибәрергә тиеш булган.

Ульян өлкәсенең Николаевка шәһәре технология техникумы базасында 13 апрель көнне Рөстәм Ямбаев истәлегенә VII өлкә шахмат турниры узды. Анда өлкәнең дистәдән артык районыннан 79 укучы ярышты, дип хәбәр итә өлкәнең «Өмет» («Надежа») газетасы ВКдагы үз битендә.

19 апрельдә Татарстан территориясендә алмашынучан болытлы һава торышы вәгъдә итәләр. Көндез урыны белән яңгыр көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Татарстанда күпбалалы аналар пенсиягә вакытыннан алда чыга ала. Бу хакта Социаль фондның Татарстан буенча бүлеге искәртә.

Бүгенге көндә 40 ил «Россия - Ислам дөньясы: KazanForum» халыкара икътисади форумында катнашырга теләк белдерде. Бу хакта Татарстан Республикасы Инвестицион үсеш агентлыгы башлыгы Талия Миңнуллина РБК-Татарстан порталына биргән интервьюсында сөйләде.

Бүген көндез социаль челтәрләрдә Казанның Рихард Зорге урамындагы йортларның берсендә күзәтү камерасы төшергән видеоязма таралды.

Рамазан аеның 25нче көнендә (16 апрельдә), Байлар Сабасы бистәсендә меңгә якын кеше катнашында районкүләм ифтар мәҗлесе үткәрелгән. Ифтар мәҗлесенә Татарстанның баш казые Җәлил хәзрәт Фазлыев, Саба муниципаль районы башлыгы Рәис Миңнеханов килгән. Бу хакта ТР Диния нәзарәте матбугат хезмәте хәбәр итә.

Казан шәһәренең Вахитов һәм Идел буе районнары имам-мөхтәсибе Йосыф хәзрәт Дәүләтшин Рамазан гаетен «Ураза бәйрәме» дип әйтү дөрес түгел, дип саный. Бу турыда ул «Татар-информ» мәгълүмат агентлыгында «Рамазан Фест» бәйрәменә багышланган матбугат конференциясендә әйтте. 

Татарстанның атказанган мәдәният хезмәткәре Гали Габдрахмановны соңгы юлга озату мәрасиме иртәгә – 19 апрельдә 11 сәгатьтә Казанның 7 нче хастаханәсе янында булачак.

Татарстанда Идел буе Болгар дәүләтендә ислам динен рәсми кабул итү көненә багышланган «Изге Болгар җыены» бәйрәменә әзерлек һәм уздыру планы расланды. Бу карарны бүген Татарстан Премьер-министры Алексей Песошин имзалады.

20 апрельдә Казан телеманарасында бәйрәм утлары кабына. Анда якынлашып килүче Ураза гаете белән котлау да булачак. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

Казанда 21 апрель көне Гает уңаеннан «Рамазан Фест» бәйрәме узачак. Алдангы елларда ул Максим Горький исемендәге үзәк мәдәният һәм ял паркында үткәрелсә, быел Каюм Насыйри урамында узачак. Бу турыда «Татар-информ» мәгълүмат агентлыгында «Рамазан Фест» бәйрәменә багышланган матбугат конференциясендә «Иске шәһәр» махсус территориясе перфекты вазифаларын башкаручы Нияз Усманов әйтте.

Озак еллар халык иҗатын оештыру өлкәсендә эшләгән Гали Габдрахманов вафат. Мәгълүматны ТР Мәдәни ресурслар үзәге җитәкчелеге раслады.

Бүген социаль челтәрдә Казанда Камал театры янында янгын чыккан дигән хәбәр таралды. Шаһит шартлау тавышы ишетүе турында әйткән.

Хезмәт ветераны Ислам Әхмәтҗанов «Татар Автономияле Совет Социалистик Республикасы оешуга 100 ел» медале белән билгеләп үтелде. Республика Рәисе Рөстәм Миңнеханов аны бүләкләү турындагы указны имзалады.

Быел Россиядә «Үлемсез полк» акциясе традицион форматта үткәрелми, ул 9 Майда катнаш форматта узачак. Бу хакта ТАСС агентлыгы «Россиянең үлемсез полкы» гомумроссия иҗтимагый хәрәкәтенең үзәк штабы рәистәше, РФ Дәүләт Думасы депутаты Елена Цунаевага сылтама белән хәбәр итә.

Бүген көн урталарында ут белән көрәшүчеләргә Буадагы ашлык складының түбәсе януы хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Тикшерүчеләр Түбән Кама районындагы бер балалар бакчасында сабыйга суккан тәрбиячегә карата кузгатылган җинаять эшен судка тапшырды. Бу хакта Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.