Новости за 30.04.2023

Саба районының Шәмәрдән авылында Җиңүнең 78 еллыгы уңаеннан узган йөгерештә өч йөзгә якын кеше катнашты .Йөгерү буенча ярышлар башланганчы «Яшьлек» үзәге хезмәткәрләре һәр катнашучыга һәм җанатарга Георгий тасмасын өләште.

Бүгенге көндә Зәйдән 28 кеше Волгоград өлкәсендә эзләнү экспедициясендә катнаша. Казу эшләренең беренче дүрт көнендә үк Зәй эзтабарлары Сталинград янындагы сугышларда һәлак булган 14 хәрбинең җәсадын тапкан.

Әлмәттә триатлон ярышлары 10 июньдә уза. Бу хакта «Әлмәт таңнары» район башлыгының матбугат хезмәтенә сылтама белән хәбәр итә.

«Ковер» яшьләр инициатива үзәгендә Бөтендөнья хезмәтне саклау көненә багышланган хезмәтне саклау белгечләре командалары арасында осталык бәйгесе узды. Бәйгене Түбән Кама муниципаль районы Башкарма комитеты һәм «Хезмәт иминлеге» өстәмә һөнәри белем бирү шәхси белем бирү учреждениесе оештырды.

29 апрельдә, шәүвәл аеның 9нчы көнендә, Татарстанның Азнакай шәһәрендә ир-атлар арасында алтынчы тапкыр Коръән укучылар арасында «Әсләм» республика бәйгесе узды. Бу хакта Татарстан мөселманнары Диния нәзарәтенең матбугат хезмәте хәбәр итә.

Бүген Татарстанның Кама Тамагы районында юл-транспорт һәлакәте булуы турында хәбәр килде.

Бүгенге көндә Татарстанда язгы культураларны чәчү планы 60 процентка үтәлгән – алар 1 миллион 112 мең гектарда (фаразланган күләм – 1,8 миллион гектар) чәчелгән. Шуның 70 процентын – язгы бөртекле культуралар, 81 процентын – шикәр чөгендере, 55 процентын – рапс, 51 процентын көнбагыш тәшкил итә. ТР вице-премьеры – авыл хуҗалыгы һәм азык-төлек министры Марат Җәббаров Хөкүмәт йортында узган традицион киңәшмәдә шулай дип белдерде.

Хәрби хезмәткә чакырылучыларның электрон шәхси эшләре Дәүләт хезмәтләре порталы мәгълүматлары нигезендә формалаштырылачак. РФ Саклану министрлыгы тарафыннан әзерләнгән Хәрби хезмәткә чакыру турындагы нигезләмәгә үзгәрешләр норматив хокукый актлар проектлары порталында урнаштырылган.

Бүген Үзбәкстанда ил Конституциясенә үзгәрешләр кертү буенча референдум башланды. Сайлау участоклары җирле вакыт белән иртәнге 8дә (Мәскәү вакыты буенча 06.00 сәгатьтә) ачылды.

Шимбә көнне, 29 апрельдә, Башкортстанның Чишмә бистәсендә республика Башлыгы Радий Хәбиров Җиңү паркында булды, анда тантаналы төстә Ми-24 сугышчан вертолетына һәйкәл ачылды. Бу хакта «Башинформ» агентлыгы хәбәр итә.

Тикшерү органы хезмәткәрләре танышына сигез тапкыр пычак белән кадаган Азнакай районы кешесенә карата җинаять эше кузгатты. Бу хакта РФ Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Иртәгә, 1 майда, көндез һәм кич Татарстанның көнбатыш районнарында урыны белән яшенле яңгыр көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Казанның Юлиус Фучик урамында урнашкан парковка вакытлыча ябылачак. Бу метроның икенче линиясен төзү кысаларында җылылык үткәргеч трасса салу белән бәйле.

1 майдан минималь ставка буенча ипотека бүтән булмаячак: Үзәк банк кагыйдәләрне катгыйландыра. Дәүләт идарә университеты Икътисад һәм финанслар институтының «Финанслар һәм кредит» кафедрасы доценты Николай Кузнецов «Прайм» агентлыгына биргән интервьюсында шулай дип белдерде. Бу хакта РИА Новости агентлыгы хәбәр итә.

Татарстанда коронавирус инфекциясен йоктыручылар кимүен дәвам итә. Соңгы тәүлектә республикада 29 очрак ачыкланган, кичә ул – 30, ә 27 һәм 28 апрельдә 31 иде. Бу хакта стопкоронавирус.рф порталы хәбәр итә.

11 яшьлек җырчы кыз «Qazaqstan Даусы. Балалар» проектында катнашып дүрт остазның да игътибарын җәлеп итте.

Бүген 112 бердәм номерына Казанның «Алтын-Т» сәүдә комплексы янында янгын чыгуы турында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Хәзерге вакытта Татарстан аграрийлары 5 миллиард сум күләмендә дәүләт ярдәме алды, май аенда авыл хуҗалыгы җитештерүчеләренә тагын 1,3 миллиард сум субсидия бирергә ниятлиләр. ТР вице-премьеры – авыл хуҗалыгы һәм азык-төлек министры Марат Җәббаров Хөкүмәт йортында узган традицион киңәшмәдә шулай дип белдерде.

РФ Эчке эшләр министрлыгының Казан шәһәре буенча идарәсе метрополитенда полиция бүлеге башлыгы, полиция полковнигы Айрат Хәйруллинга «Татарстан Республикасы буенча Эчке эшләр органнарының атказанган хезмәткәре» дигән мактаулы исем бирелде. Шул хактагы указны ТР Рәисе Рөстәм Миңнеханов имзалаган.

28-29 апрельдә Самарада  IV халыкара фестиваль – татар мәдәниятенең «Мирас» (Наследие) бәйгесе узды, бүген аның Гала-концерты уза, дип хәбәр итә Самара татарлары милли-мәдәни мөхтәрияте.

Чиләбе өлкәсе Йөрүзән шәһәрендә яңа мәчет һәм мәдрәсә нигезенә таш салынды, дип хәбәр итә Чиләбе татар конгрессы. Мәчет өчен урын 1996 елда ук бирелгән булган. 

Татарстан Республикасы Рәисе Рөстәм Миңнеханов үзенең Telegram-каналында Гагарин Кубогының финал матчында «Ак Барс» командасының ЦСКАга оттыруына карата үз фикерен белдерде.

ТР Яшьләр эшләре министрлыгында бер үсмернең Казандагы экстрим-паркта муенын ничек имгәтүе хакында сөйләделәр.

Махсус хәрби операциядән Чаллыгы кыска вакытлы ялга кайткан Айрат икенче тапкыр әти булды. Алай гына да түгел, ул яңа туган улын иң беренче кулына алды. Хәрби хатыны бала тапканда, коридорда видеодан карап тора.

Россия Президенты Владимир Путин дәүләт бүләкләре бирү турында карарны имзалады. Күренекле Россия кешеләре арасында Түбән Кама хезмәткәрләре дә бар. Бу хакта Түбән Кама муниципаль районы рәсми сайтында хәбәр ителә.