Новости за 21.04.2023

Бүген, 21 апрельдә, Ураза гаете көнне, Чүпрәледә Гаилә бәйрәме оештырдылар. Чара «Чүпрәле» паркында узды. Чара Коръән уку белән башланып китте. Район мөхтәсибе Данир хәзрәт Шәрәфетдинов һәм район Башкарма комитеты җитәкчесенең икътисад мәсьәләләре буенча урынбасары Илмир Измайлов бәйрәмгә килүчеләрне сәламләп, изге теләкләрен җиткерделәр, Ураза гаете белән котладылар. Бу хакта «Туган як»  сайтында хәбәр ителә.

Бөгелмә районы башлыгы Линар Закировка «Бөгелмә йөгерүчеләре» җәмгыяте вәкилләре мөрәҗәгать итте. Алар шәһәр традициясен яңартуны - 9 Майга багышланган җиңел атлетика эстафетасын Җиңү көнен бәйрәм итү көнендә уздыруны сорый.

Бүген Казан хоккейчылары «Ак Барс» - ЦСКА плей-офф сериясенең өченче уенында оттырды. Мәскәүдә узган матчның исәбе – 3:2.

Бүген, 21 апрельдә, Әлки районының Базарлы Матак авылында «Өмет» мәчете янында Ураза бәйрәме уңаеннан гаилә бәйрәме узды. Ул икенче ел оештырыла. Быел аның программасы тагы да баетылган иде.

«Рамазан Фест» фестивалендә быел «Игелек дөньясы» сәламәтлекләре чикле кешеләргә ярдәм күрсәтү үзәге каршында оештырылган ансамбль катнашты. Ансамбльгә ишетү һәм күрү сәләте чикле булганнар йөри.

Үзмәшгуль Айсинә Минһаҗева «Рамазан Фест» бәйрәменә өй өчен агачтан дини бизәкләр ясаган.

Фестивальнең оештыручысы, идея авторы - Вахитов һәм Идел буе районнары мөхтәсибе Йосыф хәзрәт Дәүләтшин «Рамазан Фест» бәйрәменең быел Каюм Насыйри урамында - «татар каймагы» яшәгән урында оештырылуын әйтте.

Ютазы районы Урыссу авылында сәламәтлек саклау министры Марсель Миңнуллин килде. Сәфәр Урыссу үзәк район хастаханәсе, бүлекчәләрнең эшчәнлеге белән танышу максатыннан оештырылды.

Уфадагы 65нче Татар гимназиясе ишеген ачып керүчеләр көн саен милли костюмлы ир-ат һәм хатын-кыз фигураларын күрә. Быел гимназия бинасында урнаштырылган әлеге фигураларны Мәләвез районында яшәүче оста балавыздан ясаган. Бу хакта «Башинформ» агентлыгы хәбәр итә.

Бүген Татарстан Республикасының җыелма пунктында язгы чакырылыш буенча армиягә алынган егетләрнең беренче төркемен озаттылар.

Истанбулда биш ел дәвам иткән реставрация эшләреннән соң Солтанәхмәт мәчете (ул күбрәк Зәңгәр мәчет буларак билгеле) ачылды. Бу хакта РИА Новости агентлыгы хәбәр итә.

https://tatar-congress.org/

Себер җирендә янә татар-башкорт җыры яңгырады. Бу хакта Бөтендөнья татар конгрессының матбугат хезмәте хәбәр итә.

Күркәм гадәткә кергәнчә, бәйрәм кунакларын «Шатлык» татар-башкорт ансамбле һәм аның җитәкчесе Раилә Юмагулова сәламләде. «Югра башкортлары», «Ватан» ансамбльләре, гармунчы Шәйдуллиннар дуэты башкаруында шаян һәм лирик татар-башкорт җырлары яңгырады. Югра шәһәр-бистәләреннән килгән күпсанлы кунаклар - «Сандугач» (Сургут шәһәре), «Йолдыз»... Читать дальше...

Бүген Казан метрополитенының икенче тармагында «Зилант» станциясеннән «Академия» станциясенә кадәр уң як тоннельне казу эшләре төгәлләнде. Татарстан Рәисе Рөстәм Миңнеханов һәм Казан мэры Илсур Метшин тоннель казу машинасының җир өстенә чыгуын күзәтте.

Татарстаннан журналистлар делегациясен Ульяновск өлкәсе губернаторы Алексей Русских кабул итте. Очрашу губернатор сараенда үтте. «Татмедиа» җитәкчесе Айдар Сәлимгәрәев губернаторга истәлекле бүләкләр һәм түбәтәй бүләк итте.

Россия миллионерларыннан мобилизацияләнгән гражданнар һәм аларның гаиләләре файдасына 2 процент күләмендә өстәмә салым алырга тәкъдим итәләр. «Гадел Россия – Дөреслек өчен» партиясе депутатлары Дмитрий Кузнецов һәм Олег Нилов шундый инициатива белән чыкты. Алар елына 12 миллион сумнан артык керем алучы һәм «НДФЛга өстәмә рәвештә 2 процент түләргә сәләтле» барлык кешеләргә салым салу үтенече белән РФ Премьер-министры Михаил Мишустинга хат юллаган.

Быел бөек татар шагыйре Габдулла Тукайның (1886-1913) тууына 137 ел тула. Тукай – бөек шагыйрь генә түгел, ә татар халкының тарихы һәм язмышы символы да.

Ураза бәйрәме уңаеннан Мәскәү мәчетләрендә – 350 меңнән артык, Мәскәү өлкәсендәге Аллаһ йортларында 200 меңгә якын мөселман гает намазында катнашты. Бу хакта «Российская газета» Россия мөселманнары Диния нәзарәтенә сылтама белән хәбәр итә.

Татарстанда шәхси ярдәмче хуҗалыкта үстерелгән җимеш һәм продукция сатудан алынган чиста керем нормативын аена бер сутые өчен 385 сумнан 421,1 сумга кадәр арттырырга мөмкиннәр.

Татарстанда кыска вакытлы тәнәфестән соң коронавирус инфекциясен йоктыручылар янә кими башлады. Соңгы тәүлектә республикада 39 кеше әлеге инфекцияне йоктырган, 16 пациент хастаханәгә озатылган. Бу хакта стопкоронавирус.рф порталы хәбәр итә.

Татарстан Язучылар берлеге рәисе Ркаил Зәйдулла тәнкыйтьче һәм әдәбият галиме Ибраһим Нуруллинны төп Тукайчы дип атады.

3 майда Казанда Мостай Кәрим повесте буенча төшерелгән «Ярлыкау» фильмының премьерасы була. Бу хакта ТР Мәдәният министрлыгының матбугат хезмәте хәбәр итә.

Бүген Менделеевск мөселманнары Ураза бәйрәме уңаеннан «Таң» мәчетенә җыелды. Ураза Рамазан аеның тәмамлануын аңлата. Бүген таң ату белән барлык мәчетләрдә азан тавышы яңгырады.

26 апрельдә 16:00 сәгатьтә Казанда «Мин татарча сөйләшәм!» акциясе нәтиҗәләрен игълан итү һәм чараның гала-концерты узачак. Быел ул 18+ тамгасы белән уздырыла.

Казанлылар һәм шәһәр кунаклары ТР Дәүләт сынлы сәнгать музееның «Хәзинә» милли сәнгать галереясына бушлай керә алачак. Акция 22 апрельдән 1 майга кадәр дәвам итәчәк. Бу хакта Казан мэриясе матбугат хезмәте хәбәр итә.

Бүген республиканың барлык районнарында Ураза бәйрәмен билгеләп үтәләр. Бәйрәмдә 918 дини объект (шуларның 67се – Казанда) җәлеп ителгән.