Новости за 18.09.2023

Яңа каравайны эшлекле дүшәмбедә Бөгелмә районы башлыгы урынбасары Фәнис Мөхәммәтов «Төньяк Нива Татарстан» ҖЧҖнең җитештерү хуҗалыгы директоры Илдар Шәйхетдиновка тәкъдим итте. Традиция буенча беренче икмәк башкалардан алданрак урып-җыюны төгәлләгән хуҗалыкка тапшырыла. Компания моны беренче булып эшләде, өстәвенә иң югары күрсәткеч ирешкән, гектардан 26,8 центнер ашлык чыккан.

Татарстан Рәисе Рөстәм Миңнехановның ТР Дәүләт Советына юлламасы – республикабызның алга таба динамик үсешенә, кешеләрнең тормыш сыйфатын яхшыртуга юллама. Россия Дәүләт Думасы депутаты Айдар Метшин Телеграм-каналында шундый фикер белән уртаклашты.

Бүген Татарстан Республикасы Рәисе Рөстәм Миңнеханов һәм Үзбәкстан Премьер-министры Абдулла Арипов Бәшир Рәмиев исемендәге Казан IT-паркында булды. Бу хакта «Татар-информ»га Татарстан Республикасы Рәисенең матбугат хезмәте җитәкчесе Лилия Галимова хәбәр итте.

Россиядә шәхесне раслый торган документларны мобиль кушымта ярдәмендә күрсәтү аларның кәгазь нөсхәсен күрсәтүгә тиңләштереләчәк. Россия Президенты Владимир Путин шундый карар имзалады, документ хокукый актларны рәсми чыгару порталында урнаштырылган.

Ростов өлкәсе Татар мәдәни үзәге теләге булган һәр кешегә татар телен өйрәнергә мөмкинлек булдырды. Бу хакта Бөтендөнья татар конгрессы сайты яза.

Татарстан Рәисе Рөстәм Миңнеханов Телеграм-каналына язылучыларны Казан федераль университетының астрономия обсерваторияләренең ЮНЕСКО Бөтендөнья мирасы исемлегенә кертелү белән котлады.

Татарстанның Яшел Үзән районында урнашкан Казан федераль университетының В.П.Энгельгардт исемендәге Астрономия обсерваториясе ЮНЕСКО Бөтендөнья мирасы исемлегенә кертелде. Бу хакта район башлыгы Михаил Афанасьев хәбәр итте, ул хәзер Согуд Гарәбстанында.

Киләсе «Россия-Ислам дөньясы: KazanForum» халыкара икътисади форумы 2024 елның 16-17 маенда узачак. Бу хакта Россия вице-премьеры Марат Хөснуллин чараны оештыру комитеты утырышында хәбәр итте. Мәскәүгә эш сәфәре барышында узган фикер алышуда Татарстан Рәисе Рөстәм Миңнеханов катнашты. Бу хакта республика җитәкчесенең матбугат хезмәте хәбәр итә.

Татарстан Рәисе Рөстәм Миңнеханов «Стрела» командасы җитәкчелеген һәм уенчыларын регби буенча Россия Кубогында җиңүләре белән котлады.

Үзбәкстан Премьер-министры Абдулла Арипов Татарстанга эш сәфәренә килде. Татарстан Рәисе Рөстәм Миңнеханов белән алар «Алабуга» махсус икътисадый зонасын караган. Бу хакта «Татар-информ»га республика җитәкчесе матбугат хезмәтендә хәбәр иттеләр.

Россия мәгариф министры Сергей Кравцовка педагогларның үзләренә директорны билгеләргә мөмкинлек бирергә тәкъдим иттеләр. Шул ук вакытта тәкъдим ителгән кандидатураны укытучылар составының кимендә 75 проценты хупларга тиеш. Дәүләт Думасының профиль комитеты рәисенең беренче урынбасары Яна Лантратова шундый инициатива белән чыгыш ясады.

Татарстанда әбиләр чуагы һәм аномаль җылылык ким дигәндә бу атна ахырына кадәр тоткарланачак. Ял көннәрендә Казанда көндезге сәгатьләрдә һава температурасы +24..+25 градуска кадәр күтәреләчәк. Бу хакта Казан федераль университеты профессоры, география фәннәре докторы Юрий Переведенцев хәбәр итте.

«Мөхәммәдия» мәдрәсәсендә «Мәдрәсәгә игелек кыл» яки мөселман уку йортларын финанслау мәсьәләләре» дип аталган түгәрәк өстәл узды. Хәзрәтләр сәдака итеп бирелгән хәләл булмаган акчаның ничек кулланылуын сөйләде.

Авыл хуҗалыгында инвестиция проектлары булмаган өчен Татарстан Рәисе Рөстәм Миңнехановның республиканың берничә районы башлыкларын тәнкыйтьләве уңаеннан Татарстан Журналистлар берлеге рәисе, Татарстан Дәүләт Советы депутаты Илшат Әминов үз фикере белән уртаклашты.

Россия Монополиягә каршы федераль хезмәт (ФАС) операторларның «зур дүртлеген» мобиль җайланмалардан интернет-трафик тараткан өчен алган түләүне гамәлдән чыгарырга мәҗбүр итте. Бу хакта ТАСС хәбәр итә.

Автокаланың «Җәмигъ» мәчете төзелешендә витраж ясарга керештеләр. Бу хакта шәһәр мэриясенең телеграм-каналында хәбәр ителә.

Кремльдә ОРВИ, грипп һәм коронавирус белән авыручыларның сезонлы артуы фонында әлегә битлек режимы кертергә җыенмыйлар. РФ Президентының матбугат секретаре Дмитрий Песков журналистларның соравына шулай дип җавап бирде. Бу хакта РИА Новости агентлыгы хәбәр итә.

Татарстанда шәхси клиникаларда аборт ясауны тыю инициативасы республикада яшәүчеләрнең бу процедура өчен күрше төбәкләрдәге клиникаларына мөрәҗәгать итүенә китерергә мөмкин. Бу фикерне «Республика Татарстан» газетасы хәбәрчесе белән әңгәмә вакытында Россия Дәүләт Думасы депутаты һәм Татарстанның элеккеге сәламәтлек саклау министры Айрат Фәррахов белдерде.

«Мөхәммәдия» мәдрәсәсе директорының беренче урынбасары Рөстәм хәзрәт Хәйруллин укытучыларының хезмәт хакы турында сөйләде. Уку йортында «Мәдрәсәгә игелек кыл» яки мөселман уку йортларын финанслау мәсьәләләре» дип аталган түгәрәк өстәл узды.

Татарстан Сәламәтлек саклау министрлыгы әнисе кыйнаган алты айлык баланың хәле турында «Татар-информ» агентлыгына сөйләделәр.

Татарстан Диния нәзарәтенең «Зәкят» хәйрия фонды мөселман уку йортларына ярдәм күрсәтү өчен «Мәдрәсәгә игелек кыл» онлайн-сервисын булдырган. Өч айда 425 мең сум ярдәм җыелган. Бу хакта фонд җитәкчесе Булат хәзрәт Мәрданов сөйләде.

Казаннан Антальяга оча торган самолетның пассажиры вафат булган. Бу хакта TourDom.ru порталы турагентлыкка сылтама белән хәбәр итә.

Буа районыннан махсус хәрби операция зонасына гуманитар ярдәмнең чираттагы партиясен – маска-халатлар, УАЗ машинасы, маскировка челтәрләре һәм посылкалар китерделәр. Хәрбиләр үзләре әзерләгән төшке ашның видеосы белән уртаклашты – итле шулпаны Буада үстерелгән яшелчәдән пешергәннәр. Район башлыгы Рәнис Кәмәртдинов телеграм-каналында шуның видеосын урнаштырган.

ТР Премьер-министры урынбасары Роман Шәйхетдинов Россия Фәннәр академиясе академигы Александр Габибовка фосфор-органик химия өлкәсендә Халыкара Арбузов премиясен тапшыру тантанасында катнашты. Тантана Россия Фәннәр академиясенең Казан фәнни үзәгендә узды. Бу хакта Татарстан Республикасы Хөкүмәтенең рәсми сайтында хәбәр ителә.

Калининград өлкәсенең Зур Исаково бистәсендә Явер хәзрәт җитәкчелегендә Өлкән яшьтәге кешеләр көнен үткәрделәр. Бу хакта Бөтендөнья татар конгрессының матбугат хезмәте хәбәр итә.