Новости за 19.09.2023

«РЕН ТВ» телеканалында «У мангала» тапшыруын алып баручы Сталик Ханкишиев Буа районының Яңа Чәчкап, Вольнистан авылларына килгән. Кулинарлык буенча мастер-класс уздыручы алып баручы районның авыллары буенча татар халык ризыклары турында танышып йөри икән. Бу хакта «Байрак» сайтында хәбәр ителә.

16 сентябрьдә «Томская писаница» музей-тыюлыгының гасырлар буе үскән карагайлар гөмбәзе астында «Кузбасс мәдәнияте калейдоскобы» Себер халык традицияләре фестивале узган. Бу хакта Бөтендөнья татар конгрессы матбугат хезмәте хәбәр итә.

Татарстанда Казаннан ерак түгел урнашкан Питрәч һәм Лаеш районнарының авыл җирлекләре өчен территориаль планлаштыру һәм шәһәр төзелешен зоналаштыру буенча бердәм документ төзиячәкләр.

Сентябрь башыннан республикада Татарстан Сәламәтлек саклау министрлыгының бердәм элемтә-үзәге эшли башлады. Аны медицина хезмәте сыйфатын яхшырту өчен булдырганнар. Бу хакта «Татар-информ»да узган матбугат конференциясендә Республика медицина мәгълүмати-аналитик үзәк директоры Аида Коростелева хәбәр итте.

«Эшләячәкбез. Алга!» — дип язган үзенең telegram-каналында Россия Дәүләт Думасы депутаты Әлфия Когогина. Татарстан Рәисе Рөстәм Миңнехановның Татарстан Республикасы Дәүләт Советына юлламасында куелган бурычларга ул шулай дип җавап биргән.

Синоптиклар татарстанлыларны 19 сентябрьдән 20сенә каршы төндә һәм чәршәмбе иртәсендә һава шартларының начарлануы турында кисәтә. Бу хакта ТР Гидрометеорология үзәге матбугат хезмәте хәбәр итә.

Таулы Карабахтагы киеренкелек һәм сугыш хәрәкәтләрнең кискен эскалациясе Россиядә җитди борчылу тудыра. Бу хакта Россия Президентының матбугат сәркатибе Дмитрий Песков белдерде. Ул билгеләп үткәнчә, Россия тынычлык урнаштыручылары хәзер «хәлне сәяси-дипломатик юнәлешкә борырга» омтыла.

Бүген Татарстанда йөк машинасы баланы бәрдерә, бала һәлак була. Бу хакта Татарстан прокурорының өлкән ярдәмчесе Руслан Галиев хәбәр итте.

Татарстанда махсус операциядә катнашучы яки катнашкан хәрбиләрнең балаларына бер тапкыр бирелә торган түләү кертергә планлаштыралар. Аның күләме 20 мең сум тәшкил итәчәк. Бу мәгълүмат Татарстан Хезмәт министрлыгы тарафыннан эшләнгән Татарстан Министрлар кабинеты карары проектында күренә.

«Интертат» сайтының уникаль укучылары саны 1 миллионнан артып китте. Яндекс.Метрика күрсәткечләре буенча, 1 гыйнвардан 18 сентябрьгә кадәр сайтны 1 миллион 50 мең уникаль укучы укыган. Бу – бер айпи адрестан кергән укучылар саны. Сайтка гомуми кереп укулар (просмотр) саны 12 миллион 100 мең тәшкил итә.

Татарстан мөфтие урынбасары, Россия ислам институты һәм Казан ислам университеты ректоры Рәфикъ хәзрәт Мөхәммәтшин дини уку йортларында уку түләүле булу гадәти күренеш, дигән фикердә. Бу турыда ул дини уку йортларының финанс проблемаларына багышланган түгәрәк өстәлдә әйтте.

Хәрби хисапның бердәм реестрын тулысыныча кулланылышка кертү 2025 елдан да иртәрәк булмый. Бу хакта Россия Цифрлы үсеш, элемтә һәм массакүләм коммуникацияләр министрлыгы җитәкчесенең урынбасары Олег Качанов белдерде. РИА Новости шул хакта хәбәр итә.

Ютазы районы Урыссу шәһәр тибындагы бистәсенең «Фәнис» мәдрәсәсе директоры Марат хәзрәт Мәрданшин уку йортының чыгымнары артуы һәм җиһазларның искерүе турында сөйләде.

Казанның Зур концертлар залында Рәшит Ваһапов исемендәге XX Халыкара татар җыры фестиваленең Гала-концерты узды. Концертта чыгышында Рәшит Ваһапов исемендәге Халыкара татар җыры фестиваленың генераль продюсеры, Татарстан Республикасының продюсерлар берлеге рәисе Рифат Фәттахов фестивальнең юбилеен үткәрү турында сөйләде.

Мегион шәһәре «Болгар» иҗтимагый татар-башкорт җәмгыяте активлары Сургут районы «Акъяр» бистәсендә милләтара фестивальдә катнашкан.

Яңа ягып җылыту сезоны башлануга, Татарстанда торак-коммуналь хезмәтләргә түләү кәгазьләрендә җылылык өчен түләү барлыкка киләчәк. Бүген Татарстан Хөкүмәте Йортында узган брифингта республика төзелеш, архитектура һәм торак-коммуналь хуҗалыгы министры Марат Айзатуллин җылылык өчен түләү иң югары булган айларны искә төшерде.

Киров өлкәсенең Малмыж районы Исаково авылында 17 сентябрьдә тантаналы рәвештә мәчет ачылган. Уңайлыклары булган яңа бер катлы мәчет Исаково авылы халкы инициативасы белән төзелгән.

Татарстанның Арча районы Югары Пошалым авылында яшәүче Рөстәм Зыятдинов җирлек буасын төзекләндерү белән шөгыльләнә. Моның өчен ул 2,5 млн сум акчасын сарыф иткән.

Россия Президенты Владимир Путин Ленинград камалышында калучыларга һәм шәһәрне яклаучыларга 50 мең сум күләмендә бер тапкыр бирелә торган түләү турында карар имзалады. Әлеге документ хокукый мәгълүмат рәсми порталында чыкты.

Татарстан мөфтие урынбасары, Россия ислам институты һәм Казан ислам университеты ректоры Рәфикъ хәзрәт Мөхәммәтшин дини уку йортларына кирәкле бюджет турында сөйләде.

Бүген Сочида «Бөтен Россия» заманча журналистика форумында «Татмедиа» филиалы «Мамадыш-информ» журналисты, «Иң яхшы журналист әсәре-2023» Бөтенроссия конкурсында җиңүче Эльмира Миңнекәева Россия төбәкләреннән килгән хезмәттәшләре өчен сторителлинг буенча мастер-класс үткәрде.

Татарстан Рәисе Рөстәм Миңнеханов 2023 елда А.Н.Туполев исемендәге халыкара премияне бирү турында карарны имзалады. Документ республика җитәкчесе сайтында чыкты.

Бүген Татарстан Дәүләт Советы Рәисе Фәрит Мөхәммәтшин гражданнарны кабул итте. Ул партия рәисе Дмитрий Медведевның Төбәк иҗтимагый кабул итү бүлмәсендә узды. Бу хакта Татарстан Дәүләт Советының матбугат хезмәте хәбәр итә.

Кичә Казанда Зур концертлар залында Рәшит Ваһапов исемендәге фестивальнең егерменче юбилей концерты узды. Анда Рәшит Ваһапов исемендәге XX Халыкара татар җыры фестивале лауреатлары билгеле булды.

Азәрбайҗан Саклану министрлыгы террорчылыкка каршы локаль характердагы чаралар башлануы турында игълан итте. ТАСС шул хакта хәбәр итә.