Новости за 02.04.2024

«Алабуга» махсус икътисади зонасына пилотсыз оча торган аппаратлар һөҗүме сәбәпле, 13.00 сәгатькә булган мәгълүматлар буенча, 13 кеше зыян күргән. Бу турыда Татарстан Республикасы Сәламәтлек саклау министрлыгында хәбәр иттеләр.

«Татарстанның чиста урманнары» табигатьне саклау акциясенең язгы этабы 22 апрельдән 22 июньгә кадәр узачак. Ике ай эчендә урманнардан кыш буена җыелган чүп-чар, корыган агачлар, чыбык-чабыклар җыеп чыгарылачак.

Махсус хәрби операция максатлары тулысынча үтәлергә тиеш, моны «Алабуга» махсус икътисади зонасы тулай торагына һөҗүм иткән пилотсыз очу аппаратларының җиһазландырылуы раслый. Бу хакта «Татар-информ»га Татарстанның Җәмәгать палатасы әгъзасы Ольга Павлова әйтте.

2024 елның 1 февраленнән 18 февральгә кадәр Бөтендөнья татар конгрессы, «Татарлар» газетасы белән берлектә, «Солдат альбомы» конкурсын үткәрде. Бәйгегә барлыгы 70 кә якын язма килде. Катнашучылар Туган иле сагына баскан авылдашлары, әтиләре, ирләре, якыннары турында бик матур, җылы иншалар юллады. Бу хакта Бөтендөнья татар конгрессы матбугат хезмәте хәбәр итә.

Россия Федераль Җыенының Дәүләт Думасы депутаты Максим Топилин Татарстан оешмаларына беспилотник белән һөҗүм итеп, нацистлар үз йөзләрен күрсәтте, дип саный.

Казанда Мөхәммәт Мәһдиевның «Кеше китә – җыры кала» повесте буенча төшереләчәк сериал өчен кастинглар узды

Татарстаннан Дәүләт Думасы депутаты Айдар Метшин фикеренчә, Татарстан предприятиеләренә һөҗүмнәрнең максаты – ил гражданнарының бердәмлеген һәм оешканлыгын какшату. Бу хакта ул үзенең Телеграм-каналында язган.

Казанның Адоратский урамында биш яшьлек малай тәрәзәдән егылып төшеп һәлак булган. Бу хакта «Татар-информ»га ТР буенча Тикшерү идарәсендә хәбәр иттеләр.

Татарстанда «Алабуга» махсус икътисади зонасына пилотсыз очу аппаратлары һөҗүме аркасында зыян күрүче кешеләр саны 12гә җитте. Бу хакта республика Рәисенең матбугат хезмәте хәбәр итә.

Дәүләт Советы депутаты, Казан инновация университетының беренче проректоры Игорь Бикеев «Татар-информ»га Татарстанга беспилотниклар һөҗүме турында фикерләрен әйтте.

22 март көнне Мәскәү өлкәсенең Красногорск шәһәрендәге «Крокус Сити Холл» концертлар залында атыш булды. Тарих фәннәре кандидаты Илнар Гарифуллин әлеге терактка карата үз фикерен белдерде.

2024 елның беренче кварталында Россиядә якынча 365 мең яңа җиңел машина сатылган. Бу 2023 елның шул вакыты белән чагыштырганда ике тапкырга артык, дип яза РБК.

Түбән Кама мэры Рамил Муллин җирле оешмаларга пилотсыз очу аппараты һөҗүме турында сөйләде. Аның сүзләренчә, дрон иминлек системасы белән зарарсызландырылган, оешманың технология процессы өзелмәгән. Бу хакта ул үзенең Телеграм-каналында хәбәр итте.

Казан аэропортында иминлек чараларын көчәйттеләр. Шул сәбәпле пассажирларның иртәрәк килүләрен сорыйлар. Кисәтү «очып китү комплексы» сайтында чыккан.

2024 елның октябрендә Казанда узачак БРИКС саммитына Сөембикә манарасына реставрация ясала. Бу хакта Төбәк белән идарә итү үзәгендә оештырылган туры элемтә барышында Татарстанның мәдәни мирас объектларын саклау комитеты рәисе Иван Гущин сөйләде.

Чаллыдагы «КАМАЗ» гаммәви акционерлык җәмгыяте Татарстандагы предприятиеләргә дроннар һөҗүм иткәннән соң гадәти режимда эшли. Бу мәгълүмат оешманың Телеграм-каналында чыккан.

Урта диңгездән Мәскәүгә 20 градус җылылык алып килгән циклон Татарстанга якынлаша. Бу хакта Казан федераль университеты профессоры Юрий Переведенцевка сылтама белән «Челнинские известия» газетасы яза.

Мәскәүнең Татар мәдәни үзәгендә татар әдәбияты классигы Әмирхан Еникинең 115 еллыгына багышланган әдәби-музыкаль кичә узды. Бу хакта Мәскәү Татарлары автономиясе хәбәр итә.

Драматургия өлкәсендә чираттагы «Яңа татар пьесасы» конкурсы игълан ителде. Гаризалар 2024 елның 1 октябренә кадәр кабул ителә. Җиңүче әсәрләр 2024 елның 22 декабрендә игълан ителәчәк.

Бүген иртән Татарстанның Түбән Кама шәһәрендә нефть эшкәртү комплексына пилотсыз очу аппараты һөҗүм иткән. Бу хакта РИА Новостига экстрен хезмәтләрдә хәбәр иткәннәр.

Дача хуҗаларына үз участокларындагы балтырган өчен, хәтта ул койманың икенче ягында үссә дә, 5 меңгә кадәр штраф салырга мөмкиннәр. Бу хакта «Бердәм Россия» партиясеннән Дәүләт Думасы депутаты һәм балтырган белән көрәш буенча закон проекты авторларының берсе Алексей Говырин сөйләде дип яза РИА Новости.

Алабуга һәм Түбән Кама предприятиеләренә пилотсыз очу аппаратлары һөҗүме аркасында алты кеше зыян күргән, дип хәбәр итә Татарстан Сәламәтлек саклау министрлыгы. Барлык зыян күрүчеләргә кирәкле ярдәм күрсәтелә.

«Алабуга»га һөҗүм иткән БПЛАлар НАТО илләре җиһазлары белән җиһазландырылган. Бу хакта «Алабуга» махсус икътисади зона генераль директоры Тимур Шаһивәлиев белдерде.

Бүген иртән республиканың Алабуга һәм Түбән Кама предприятиеләренә пилотсыз очу аппаратлары һөҗүме ясалды. Бу хакта ТР Рәисе матбугат хезмәте хәбәр итә .

Советлар Союзы Герое Гали Мәҗитов бюсты Санкт-Петербург шәһәреннән Ялтага җибәрелә. Бюст 16 апрель көнне ачылачак. Бу хакта Бөтендөнья татар конгрессы матбугат хезмәте хәбәр итә.