Новости за 04.04.2024

Башкортстан Республикасына эш сәфәре кысаларында Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Әнгам Атнабаев каберенә чәчәкләр салды. Бу хакта Бөтендөнья татар конгрессы матбугат хезмәте хәбәр итә.

Казанда берничә яңа җәмәгать бәдрәфе төзергә ниятлиләр. Объектларны проектлау буенча бирем дәүләт сатып алулары порталында урнаштырылган.

Омск өлкәсендә «Минем шәҗәрәм» төбәк генеалогик тикшеренүләр бәйгесенә гаризалар кабул итү башлана. Бу хакта Омск татарларының «ВКонтакте» социаль челтәрендәге төркемендә хәбәр ителә.

1 апрельдә Татарстан Республикасының Арча, Апас, Чүпрәле, Кукмара, Мөслим, Балык Бистәсе, Саба муниципаль районнары авыл мәдәният йортлары базасында «Мәхәллә» иҗат киңлеге» проекты башланды. Бу хакта ТР Мәдәният министрлыгының матбугат хезмәте хәбәр итә.

Кичә кич Подгорный бистәсендә кеше үлеменә китергән фаҗига булган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Азнакай районының Тымытык һәм Башкортстанның Бакалы районы Яңа Тымытык бистәләре арасында Ык елгасы ярларыннан ташып чыккан һәм тәбәнәк күперне су баскан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Кичә Мәскәүдә, РФ ФС Федерация Советы бинасында «Идел буе халыкларының традицион костюмы» тарихи-этнографик проекты күргәзмәсе ачылды. Күргәзмәне Россия парламентының югары палатасында уздыру инициативасы белән Дәүләт Советы Рәисе Фәрит Мөхәммәтшин чыккан иде. Бу турыда Татарстан Дәүләт Советы матбугат хезмәте хәбәр итте.

Бүген, 4 апрельдә, Татарстанда җылы, коры һәм җилле һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстанда «Фермер мәктәбе»нең дүртенче агымын иң яхшы тәмамлаучы Людмила Кияева (Кайбыч районы) грант алуга сертификат белән бүләкләнде. Кайбыч районында җиләк-җимеш культурасын җитештерү, саклау һәм сату буенча проект финанс ярдәме алачак. Бу турыда Татарстан Авыл хуҗалыгы һәм азык-төлек министрлыгы хәбәр итте.

Ульяновскиның «Өмет» газетасында Урта Терешка авылыннан Равилә Фазлованың «Тату һәм эшчән гаилә - милләтебез горурлыгы» дигән язмасы чыкты.

«Самара татарлары» порталында «Әлифба»ның «әнисе» Рәмзия Вәлитованың тууына – 110 ел» дигән язма чыкты.

Яшел Үзән районы Юдино бистәсендә балалар бакчасында сәламәтлеге мөмкинлекләре чиклеләр өчен беренче төркем барлыкка киләчәк. Казан мэриясендә хәбәр итүләренчә, анда 12 бала йөри ала. Бу хакта «Яшел Үзән» сайтында хәбәр ителә.

27 апрельдә 18:30 һәм 28 апрельдә 17:00 сәгатьтә С.Сәйдәшев исемендәге Дәүләт Зур концерт залында «Кави-Сәрвәр» операсы күрсәтеләчәк. Бу турыда Татарстан Мәдәния министрлыгы хәбәр итте.

Туембаш мәдәният йортында «Туембаш итекләре» эксперименталь мәйданчыгы ачылды. Проектның максаты — өлкән буын белән үсеп килүче буын арасында тәҗрибә уртаклашу, халкыбызның милли үзенчәлекләрен, гореф-гадәтләрен өйрәнү. Бу хакта «Хезмәт даны» сайтында Гөлия Нигъмәтуллина яза.

Дәүләт Советы депутаты Фоат Вәлиев Әлки район ыавылларында бер-бер артлы ифтарлар оештырды. Бу хакта «Әлки хәбәрләре» яза.

Чирмешән музеенда яңа күргәзмә эшли. Биредә ветераннарының кул эшләре урын алган. Бу хакта «Безнең Чирмешән» сайтында Гөлсирә Шәрифуллина яза.

Акхуҗа урта мәктәбе коллективы хәрбиләргә токмач әзерләгән. Бу хакта «Апастово-информ» хәбәр итә.