Новости за 09.04.2024

Татарстан Төркия бизнесының алга таба да төбәктә үз проектларын үстерүе һәм республиканы Россия һәм Евразия базарларына чыгу өчен мәйданчык буларак куллануы белән кызыксына. Бу хакта бүген Татарстан Республикасы Рәисе Рөстәм Миңнеханов Россия һәм Төркия эшкуарлары ассоциациясе делегациясе белән очрашуда белдерде.

Россия Президенты Владимир Путин һәм Кытай Рәисе Си Цзиньпин Казанда очрашырга тели. Очрашу октябрьгә планлаштырылган, бу айда Татарстан башкаласында БРИКС саммиты узачак. Шул ук вакытта, лидерлар июньдә Астанадагы Шанхай хезмәттәшлек оешмасы саммитында да кайбер мәсьәләләр буенча фикер алышырга ниятли. РФ тышкы эшләр министры Сергей Лавров шулай дип белдерде.

Россия гадәттән тыш хәлләр министры Александр Куренков Оренбург өлкәсенә су баскан территорияләрне карарга китте. Бу хакта РФ Россия Гадәттән тыш хәлләр министрлыгының матбугат хезмәте хәбәр итә.

Ульяновскиның «Өмет» газетасында Димитровград шәһәреннән Мәрьям Хәйбуллованың «Уйнагыз, гармуннар!» дигән язмасы чыкты.

Спам-шалтыратулар өчен зур күләмдәге штрафлар аларның санын вакытлыча киметәчәк, әмма кирәкмәгән реклама җибәргәннәре өчен Монополиягә каршы федераль хезмәткә шикаятьне дөрес бирү мөһим, диде Россиянең атказанган юристы Иван Соловьев «Прайм» агентлыгына биргән интервьюсында. Бу хакта РИА Новости агентлыгы хәбәр итә.

Татарстан мөфтие Камил Сәмигуллин якынлашып килүче Ураза гаете уңаеннан мөселманнарга мөрәҗәгать итте.

«Россия – Ислам дөньясы: KazanForum» ХV Халыкара икътисади форумында «Хатын-кыз карашы» трегы үз мәйданчыгына дөньяның 80гә якын иленнән танылган чит ил спикерларын җыячак.

10 апрельдә Татарстан шәһәрләрендә һәм районнарда Ураза гаете уңаеннан гомумшәһәр балалар һәм гаилә бәйрәмнәре узачак. Быел ул Россиядә игълан ителгән – Гаилә елы, шулай ук Татарстан мөфтияте тарафыннан игълан ителгән Гаилә һәм хәләл яшәү рәвеше елы кысаларында үткәреләчәк, дип хәбәр итә ТР Диния нәзарәте.

Татарстан Рәисе Рөстәм Миңнеханов рәхмәт белдерү турында кайбер боерыкларны имзалады. Документлар хокукый мәгълүмат порталында урнаштырылган.

Татарстан Рәисе Рөстәм Миңнеханов Казанда «БРИКС илләре спорт уеннары» Халыкара мультиспорт чарасына әзерлек һәм аны үткәрү буенча республика оештыру комитетының составын үзгәртү турындагы указны имзалады. Документ хокукый мәгълүмат порталында урнаштырылган.

Габдулла Тукай исемендәге премия иясе, шагыйрь, «Безнең мирас» журналы баш мөхәррире Ләбиб Лерон Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышуда катнашты.

Махсус хәрби операциядә катнашучы әтисе үлгән очракта, түләүләрне аның балигъ булган балалары алачак. Кичә Россия Президенты Владимир Путин шул хактагы указны имзалады.

10 апрель көнне мөселман дөньясы Ураза гаетен билгеләп үтәчәк. Әлеге мөбарәк бәйрәм Татарстан Республикасының шәһәр мәчетләрендә 6:30 сәгатьтә Коръән аятьләрен укып башланачак һәм 7:00 сәгатьтә гает вәгазьләре белән дәвам итәчәк. Гает намазы 7:30 сәгатьтә укылачак.

Түбән Новгородның шәһәренең Хөсәен Фәезханов исемендәге ислам институты бинасында 26 март көнне II милләтара ифтар узды. Быелгысын өлкә Диния нәзарәте булышлыгында төбәк татарларының милли-мәдәни һәм Азәрбайҗан автономияләре, Дагыстан һәм Карачай-Черкас якташлыклары, таҗиклар оешмасы оештырды, дип хәбәр итә Бөтендөнья татар конгрессы матбугат хезмәте.

7 апрельдә Ульяновск өлкәсе Димитровград шәһәрендә Бөтендөнья татар конгрессы бүләкләренә «Рамазан Кубогы» узды. Турнирны сәламләү сүзе һәм дога белән Димитровград Җәмигъ мәчете имам-хатыйбы Ильяс Мөхетдинов ачып җибәрде. Бу хакта Бөтендөнья татар конгрессы матбугат хезмәте хәбәр итә.

Бүген, 9 апрельдә, Татарстанда температура фонының күтәрелүе фаразлана. Бу хакта ТР Гидрометүзәге хәбәр итә.

Әлмәт халкы Оренбург өлкәсенең Орск шәһәрендә су басудан зыян күргән кешеләргә актив ярдәм итә. Район башлыгы Тимур Нагуманов инициативасы белән Әлмәттә күрше төбәкнең зыян күрүчеләренә гуманитар ярдәм җыю оештырылды. Бу хакта «Әлмәт таңнары» хәбәр итә.

11 апрельдән 14 апрельгә кадәр Җиңел атлетика манежында ир-атлар һәм хатын-кызлар арасында билбау көрәше буенча Татарстан чемпионаты узачак. Бу хакта «Алабуга нуры» хәбәр итә.

Апас районы башлыгы Айрат Җиһаншин «Ува-молоко» директоры Александр Емшанов белән заводның эшчәнлеге хакында фикер алышты. Бу хакта «Апастово-информ» хәбәр итә.

Түбән Камада яңартылган «Сәламәтлек трамвае»н эшләтеп җибәрделәр. Бу хакта http://nkamsk-rt.ru сайтында хәбәр ителә.

Балтач волонтерлары кабат гуманитар ярдәм белән юлга кузгалган иде. Алар райондашларына исемле посылкалар, азык-төлек, җылы киемнәр, төзелеш материаллары һәм хәрбиләр сораган кирәк-яраклар алып барды. Бу хакта «Хезмәт» сайтында хәбәр ителә.