Новости за 19.04.2024

Быел Тукай премиясе лауреатларын игълан итү чарасы 26 апрельдә Казан Кремлендә үткәреләчәк. Дәүләт премиясен Татарстан Республикасы Рәисе Рөстәм Миңнеханов тапшырачак.

Татарстанда 2007 елдан 2023 елга кадәр 146 проблемалы объект файдалануга тапшырылды, аларда 18664 алданган өлешче торак алган. Бу хакта Татарстан Дәүләт Советының 53нче утырышында республика Премьер-министры Алексей Песошин хәбәр итте.

Узган төндә ашыгыч хезмәтләрне чакыру буенча бердәм 112 номерына Әмәттә бер егетнең чокырга төшеп китүе турында хәбәр килгән. Бу турыда «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә белдерделәр.

22 апрельдән 26 апрельгә кадәр Казан авиатөзелештә һөнәри осталык буенча Россиядә иң зур чемпионатны кабул итә. Бу вакыйга турында Татарстан Рәисе Рөстәм Миңнеханов телеграм-каналында язды.

Күп татар язучысы үзләренең хезмәт юлын башлаган «Яшь ленинчы» газетасының юбилее уңаеннан Язучылар берлегендә «Канат куйдың безгә, «Яшь ленинчы!» дип аталган әдәби-музыкаль кичә үтте. Кичә газетаның 100 еллыгына багышланган иде.

Татарстан Дәүләт Советының 53нче утырышында мировой судьялар сайланды. Кандидатларны Татарстан Югары суды рәисе вазифасын башкаручы Эдуард Каминский тәкъдим итте. Парламентарийлар өч мировой судья кандидатурасын хуплады.

Татарстан Рәисе Рөстәм Миңнеханов Төркия Президенты Администрациясе каршындагы Инвестицион офис җитәкчесе Бурак Даглыоглу белән очрашты. Алар Россия-Төркия мөнәсәбәтләре кысаларында хезмәттәшлекне алга таба үстерү турында фикер алышты. Бу турыда Татарстан җитәкчесе матбугат хезмәте хәбәр итә.

Башкортстанда җитди авария булган, анда 5 кеше һәлак булган.

Фото: © социаль челтәрләр

Социаль челтәр кулланучылары юл-транспорт һәлакәте урыныннан фотолар куя. Шаһитлар мәгълүматлары буенча, Уфадан чыгу юлында су сибә торган машина белән җиңел автомобиль бәрелешкән.

Юл-транспорт һәлакәтендә 3 егет һәм 2 кыз үлгән, тагын 2 кешене җәрәхәтләр белән хастаханәгә алып киткәннәр.

2025 елда төзекләндереләчәк иҗтимагый киңлекләрне сайлау өчен Татарстан халкының 10 көннән бераз артык вакыты калды. Онлайн-тавыш бирү 30 апрельдә тәмамлана.

25 апрельдә Бөгелмәнең «Юность» спорт мәктәбендә махсус хәрби операция геройлары истәлегенә бокс буенча республика турниры башлана. Турнирда 100гә якын боксчы катнашачак.

Ел саен 19 апрельдә Россиядә Кырым, Тамань һәм Кубаньны Россия империясе составына кабул итү көне билгеләп үтелә. Татарстан хәрби комиссары вазифасын вакытлыча башкаручы Руслан Мөхәммәтшин татарстанлыларны истәлекле дата белән котлады.

18 апрель көнне «Пирамида» концертлар залында узган гала-концертта «Яңа татар җыры – IV» бәйгесенең җиңүчеләрен игълан иттеләр. Бәйге быел дүртенче тапкыр Ваһапов фонды тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе, Татарстан Республикасы Рәисе һәм Мәдәният министрлыгы ярдәме белән оештырыла.

VI чакырылыш Татарстан Дәүләт Советының 53нче утырышы 19 апрельдә уза. Анда республиканың Премьер-министры Алексей Песошин депутатларга Татарстан Министрлар Кабинетының 2023 елдагы эшчәнлеге нәтиҗәләре турында хисап тәкъдим итә. Бу хакта парламент президиумы утырышында билгеле булды.

Казан мэриясе эшлекле татар теленә өйрәтү буенча бушлай яңа курс җыя. Уку 12 дәресне үз эченә ала. Ул берничә әзерлек дәрәҗәсенә исәпләнгән: башлангыч һәм дәвам итүчеләр. Катнашучылар тел, грамматика һәм сөйләм нигезләрен үзләштерәчәк. Шулай ук дәресләрдә эшлекле стиль үзенчәлекләренә, татар әдәби теле нормаларына һәм сөйләм этикетына өстенлек биреләчәк. Бу хакта Казан мэриясе матбугат хезмәте хәбәр итә.

Саклану министрлыгы мәгълүматлары буенча, Россия Һава-космос көчләренең Ту-22М3 очкычы Ставрополь краенда хәрби миссия үтәп, базага кайтканда һәлакәткә очраган.

Бөгелмә районында үлемгә китерүче юл-транспорт һәлакәте булган, дип хәбәр итәләр республика Дәүләт автоинспекциясендә.

Җомга көнне, 19 апрельдә, Татарстанда +22...+27 градуска кадәр җылы фаразлана.

Томск шәһәрендә «Татар кызы 2024» матурлык һәм талант бәйгесе узды. Бу хакта Томск шәһәре Татар мәдәни үзәге матбугат хезмәте хәбәр итә.

3 майда 17 сәгать 30 минутта Чаллының «Энергетик» мәдәният сараенда «Сабан туе гүзәле - 2024» шәһәркүләм бәйгесенең 30нчы юбилей сайлап алу туры узачак. Бу хакта «Шәһри Чаллы» хәбәр итә.

Лаеш экстрим-паркы I Бөтенроссия парк премиясендә «Кече шәһәрләр»ел паркы» номинациясендә җиңде. Бу хакта «Кама ягы» сайтында Людмила Никифорова хәбәр итә.

Апас Туган якны өйрәнү музее бүләкләр кабул итү акциясен башлап җибәрде. Бу хакта «Апастово-информ» сайтында Ләйлә Шиһабиева хәбәр итә.

Әлмәт районында яшәүче Анна Панкратова 103 яшен билгеләп үтә. Аны котларга Татарстан вице-премьеры, республиканың Россиядәге Тулы вәкаләтле вәкиле Равил Әхмәтшин килде. Бу хакта «Әлмәт таңнары» Татарстанның Тулы вәкаләтле вәкиллеге Телеграм-каналына сылтама белән хәбәр итә.

Әлки районы Базарлы Матак кызы, бүгенге көндә КФУның Чаллы филиалында икенче елын укучы Лиана Мәрдегалләмова «Россиядә сәнгать атнасы» заманча сәнгатьнең халыкара күргәзмә-бәйгесендә җиңү яулады. Бу хакта «Әлки хәбәрләре» яза.