Новости за 21.03.2020

Къилбаседа Кавказерчу базаршкахь цIеххьала хьалабаьлла биича коронавирус ца кхета бохуш халкъалахь буьйцучу хьонкин мах. Соьлжа гIалахь оцу ораматан кийлан мах бу 200 сом, 3-4 де хьалха исс туьма доьхуш хиллехь а. Кхин а шозза сов доьху хьонкех БуьритIехь – 450 сом. "Оха ца бестийна мах. ЛартIахь болчу мехах дIалора оха хьонка кIира хьалха а. Амма йохкархой са яккха арабевлла, ажиотажах пайда оьцуш, уьш бу коронавирусах ларло бохуш хьийзачу наханна мах а бестийнарш», - элира "Кавказ.Реалиига" Пригородан кIоштарчу Сунжа юьртарчу яхархочо. Читать дальше...

Ставропол-махкахь девнаш айдина карантинан хьелаш талхийначу наханна дуьхьал. Ишта хаам баржийна коронавирусна дуьхьалоечу махкан кхеташонан куьйгалхочун гIовса Скворцов Юрийс. И девнаш бехктакхаман ду, я административан ду, билгал ца даьккхина цо. Цкъачунна динчу зераша (тесташа) гайтарехь, COVID-19 ун гучудаьлла I2 ставрополхочуьнгахь. Регионан могашаллин министралло, Ставрополехь коронавирус кхетта ву цхьа стаг, элира еарийдийнахь. «Коронавирус яьржинчу пачхьалкхера цIаеана» зуда ю бохура иза. Читать дальше...

Коронавирус махка цакхачийта йолчу Iалашонца карантине хьажийна ву Нохчийчохь 193 стаг. Уьш массо а бу дозанал арахьара цIабаьхкина нах. Оцу бахархошца ца карийна цамгаран битамаш, яздо "ЧеченИнфо" портало, республикерчу Роспотребнадзоран урхаллин хаамна тIе а тевжаш. Махкарчу эпидемиологаша а, медицинан кхечу говзанчаша а чIагIдарехь, цкъачунна стагга а вац Нохчийчохь коронавирус кхетта.

Дуьненаюкъара могашаллин организаци: дуккха а молханаш ду кхуллуш коронаврусна дуьхьал 20 гергга молха кхуллуш ду коронавирусан COVID-19 кепанна дуьхьал. Оцу тIехь къахьоьгу массех пачхьалкхерчу Iилманчаша. Оцу молханех цхьадерш цкъачунна зен долош бен дац, цундела даржаза ду шуьйра. Иштта ду Дуьненаюкъара могашаллин организацино дина дIахьедар. Дарба кхуллуш болчу говзанчаша бахарехь, молха цомгушчарна тIехь зен а, иза дохка доло а оьшур йолу хан ю 18 батте кхоччуш. Молха наханна тIехь зен... Читать дальше...

Юкъараллин лидерна бехкедо хьарамло ян гIортар Москварчу Басманный кхело Стигалкъекъа-беттан 18-гIа дийне кхаччалц цIахь латточу кепехь лаьцна кхаба сацам бина «Кавказан къаьмнийн Оьрсийчоьнан конгресс» юкъараллин куьйгалхо Паскачев Асламбек. Иза бехкево хьарамло ян гIортарна, аьлла кхелан пресс-векало Морозова Иринас, хаамбо ТАСС агенталло. Цуьнца декъахь хиларх шеко йолуш лаьцна, изоляторе хьажийна Оьрсийчоьнан ял гулъяран министраллин белхахо лаьттина Шайдаев Рахьман а, билгалдоккху «Коммерсант» газето. Читать дальше...