Нохчийчохь вайна Умаров Мовсар полисхоша лаьцна вац аьлла Оьрсийчоьнан Iедало; Таймусханов ДаIишан могIарш дуза гIертар бакъдина кхелахоша; Оьрсийчоьно схьавоьхучу нохчийн мухIажирна тховкIело ца ло Украино
Швецин парламентехь Европан кхерамзаллин а, цхьаьна болх баран а организацин (ОБСЕ-н) Парламентан ассамблеян вице-президентаца Маргарет Седерфельтца кхаарин дийнахь цхьаьнакхетта Нохчийчоьнан Ичкерин дозанал арахьарчу куьйгаллин векал Закаев Ахьмад. Дийцаредина Нохчийчохь Iедалан агIор дуьйлу зуламаш а, Оьрсийчоьно уьш тергал цадар а. Алссам тидам тIеберзийра Швецин парламентан декъашхоша а, Седерфельта а бутт хьалха нохчийн къоначу оппозиционерна Тепсуркаев Салманна оьзда доцу таIзар кхачор а, и 19 шо долу жима стаг доьза вар а. Читать дальше...
Нохчийн цIерметдешнашкахь (местоимение - pronoun) массарел а дукха ду яххьийн цIерметдешнаш (хьо, иза, уьш). Церан хьокъехь ю вайн рогIера дарс.
Шабаев Мансур Гезгамашин-беттан 19-чу дийнахь Кадыров Рамзана махкарчу информацин министраца къамел деш, хьахаделира социалан машанашкахула Нохчийчоьнан куьйгалхо, цо ша ма-аллара, винчу дийнахь мехкаршца сакъоьруш гойту суьрташ. Шен дахарна юкъагIерта цхьаьнненан а яц бакъо, бохура цо – дукха хан яра из оццул халахетта ганза. 43 шо долчу Нохчийчоьнан куьйгалхочо бохура, "ду дера къинош-м", шена уьш долуш новкъа ду, ша "доьху Веза-Воккхачуьнга уьш тIера дахар". Оцу юккъехула элира, ша мехкаршна юкъахь лаьтташ гойту и суьрташ хазахета шена. Читать дальше...
ТIаьххьарчу дийнахь-буса Къилбаседа Кавказехь коронавирусан уьнах кхелхина 16 дархо, цомгаш хиларца къаьстина кхин а 633 стаг. Эпидеми ца яржийта Iалашонца вовшахтоьхначу оперативан штабо динчу зерашца, Дагестанехь велла исс пациент, Ставрополан кIоштахь виъ, Краснодаран махкахь а, Кхарачой-Чергазийчохь а, ГIебарта-Балкхарочохь а цхьацца велла. Верриг а Къилбаседа Кавказехь COVID-19 вирусах хьалха ца ваьлла 1 635 стаг. ТIаьххьарчу 24 сахьтехь хIоттийначу статистикаца, Ставрополан кIоштахь дукха бу ун даьлларш- 148 стаг... Читать дальше...
Нохчийчохь вайначу Умаров Мовсаран хьокъехь Европан адамийн бакъонийн кхело (ЕСПЧ) хьовсийначу хеттаршна жоьпаш делла Оьрсийчоьнан векало Гальперин Михаила. Цо бахарехь, Оьрсийчоьнан талламчашна къаьстина, Умаров Нохчийчохь полисхоша лаьцна воцийла а, цхьана а ницкъаллийн структурийн декъе валийна цахилар а, я цунна тIехь шогалла лелийна яцар а. Бакъоларъярхошна тешам болуш ца хета церан дIахьедар, цара тIедожийна 39-чу бакъонех пайдаэцар, хаамбинаКаспаров.Ru гIирсо "Iазапна дуьхьало латторан комитето" (КПП). Читать дальше...
Оьрсийчоьнан эскарша Шемара "Исламан пачхьалкх" шех олу ерриг а организаци хIаллакйина пхеа шерачохь аьлла, дIахьедина тIеман министро Шойгу Сергейс "Красная звезда" газетана еллачу интервьюхь. Цо билгалдаьккхина, Шемахь Оьрсийчоьнан мисси оьшуш хилла хилар а, тIеман операци йолош бина сацам а нийса бара аьлла. "Пхи шо хьалха Лакхарчу эскарийн коьртачу хьаькамо хIоттийна Iалашо, еррриг а кхочушйина. Дуьненаюкъара террорхойн "Исламан пачхьалкх" шех олу тоба Шемахь лелаш яц, цхьа террорхо Оьрсийчу сехьаваьлла а вац, аьлла Шойгус. Читать дальше...
Террорхошна гIо латтош хилла ву аьлла, набахтехь даккха ялх шо хан кхайкхорна Ноьвран-кIоштарчу Калиновская эвлан вахархочо Таймусханов Султанан латкъамбар хийцанза дитина тIеман апелляцин кхело. Мангал-беттан 8-чохь Ростоврчу тIеман кхело терроризманна бехке а вина, Таймусханов 6 шарна набахте хьажорах яздира Кавказ.Реалиино. Цуьнан адвокато арз динера Къилбаседан гонашкарчу тIеман кхеле, амма Апелляцин тIеман кхелан коллегино ша ма-хиллара битина хьалхарчу кхелехь бина сацам аьлла, дийцина "Кавказский узел" агенталле кхелан белхахочо. Читать дальше...
Миграцин хьукмато Нохчийчуьрчу вахархочунна Илаев Амхьмадна тховкIело ца луш биначу сацамна духьал бина латкъам жоп доцуш битина Украинан кхелаша. Илаевс бина и хаам Кавказ.Реалиига. Цунна мухIажиран статус цаялар тIечIагIдина, нохчочун интересаш Iалашъеш хиллачу адвокато Ангелин Ивана а. "Лакхарчу кхело ур-атталла листа а ца долийра цуьнан арз, хьалхарчу инстанцехь дина вердикт ша ма-дарра дитира, - аьлла цо. Ангелина бахарехь, гергарчу хенахь цуьнан клиент юха а кхеле вала дагахь ву, шен гIуллакхехь цхьацца хилла хийцамаш чоьте а эцна. Читать дальше...