Кадыровн хIусамнанойн бахамах лаьцна тIаьхьо жоп лур аьлла Кремло
"Бакъдерг дийцича, суна ца евза и материал, цундела дала жоп дац сан. Ца хаьа суна, и хIун таллам бу а", - аьлла, жоп делла Песковс, журналисташа шега цунах лаьцна хаьттича, яздо ТАСС агенталло.
Жоп далале хьалха, бинчу талламах лаьцна хаа деза шена аьлла пресс-секретаро. ТIедогIучу еарин дийнахь, Охан-беттан 8-чохь, жоп лур ду аьлла, дIахьедина Песковс.
"Проект" гIирсан хаамашца, Нохчийчоьнан куьйгалхочун Кадыров Рамзанан хIусамненан Кадырова Меднин а, "виртуалан зудчун" Мусаева Меднин а, иштта ю бохучу, шолгIачу хIусамненан, Нохчийчохь 2006-чу шарахь дIаяьхьначу хазаллин конкурсан декъашхо хиллачу Хазуева Фатимин а долахь 800 миллион соьмана бахам бу.
Хьалхо журналисташна гучуделира, пачхьалкхан даржашкахь болчу Кадыровн гергарчийн цIартIехь Москвахь уггар а езачу меттигашкахь хIусамаш хилар. Ткъа хIора шарахь чулучу декларацешкахь и бахам хьахийна а бац.