Тутмакхаш карзахбовлар охьатаIийна Владикавказерчу № 1 колонехь
Ницкъаллин структурийн белхахоша юхатоьхна Владикавказерчу № 1 йолчу колонехь хилла къепедацарш, хаам бина РИА Новости агенталло, цIеххьана цхьаъ хилча болх бан йолалучу сервисийн векална тIе а тевжаш.
"Колониехь 600 гергга стаг ву, церан меттахбовлар аьтто баьлла охьатаIо", - аьлла цо.
Агенталлина хаам бинчу хьасто дийцарехь, инцидент хилла Владикавказерчу Карабулакан урамехь йолчу колонехь. Къепедацаршкахь эшам хиллачу нахах лаьцна хаамаш толлуш бу.
Къилбаседа ХIирийчоьнан омбудсмена Цгоев Тамерлана дийцарехь, хьал караэцна ду, колони гоне лаьцна ю.
"Штаб болх беш ю.. периметр гоне лаьцна.. хьал тергонехь латталуш ду", - билгалдаьккхина омбудсмена.
Оьрсийчоьнан ФСИН-н Къилбаседа ХIирийчуьрчу урхалло дийцарехь, къепедацаршна хилла шина тумакха питана тасар бахьана долуш.
"Хьалха дуьйна хиллачу планаца чубоьхкинчарна талламаш беш, ШИЗО-хь (гIуданан изолятор) латтош волу ши стаг дуьхьалваьлла колонин белхахоша шайга де бохучунна", - дийцина хьукматехь. -И шиъ гIоьртина колонин болх бохо, кхечу тутмакхашка къепедацарш доладе аьлла, кхайкхам а бина. Оцу питано меттахбаьхначу цара массо а хIума хIаллакхдан долийра, керташ а кегйеш, видеокамерш а йохош".
РИА Новости агенталло билгалдоккху хьал куьйгакIелла эцна хилар ФСИН-ан куьйгалхоша а, бакъонашларъярхоша а. Москварчу Юкъараллин тIехьажаран комиссин секретара Мельников Алексейс бинчу хаамца, Владикавказехь чубоьхкинчу нехан латкъамаш тIеоьцуш бу цара телефонехула.