Новости за 27.03.2020

Нью-Йоркто жашаган белгилүү кыргызстандык музыкант, Кыргыз-Америка фондунун негиздөөчүсү Азамат Сыдыков фортепиано боюнча онлайн мастер-класстарды, арт-ишкерлик боюнча семинарларды өткөрөт. Ага Кыргызстандагы 14 жаштан 25 жашка чейинки пианисттер катыша алышат. Муну менен Сыдыков коронавируска байланыштуу карантинде отурган пианисттердин билимин өркүндөтүүгө өз салымын кошкусу келет. Сабактар 1-апрелден 1-майга чейин Zoom тиркемеси аркылуу видеоконфереция уюштуруу менен өткөрүлөт. Толук маалыматты аталган фонддун сайтынан тапса болот. Читать дальше...

Орусиянын президенти Владимир Путиндин администрация мүчөсү коронавирус жугузуп алганын Кремль билдирди. Бирок ал орус лидери менен түз байланышта болбогонун Путиндин басма сөз катчысы Дмитрий Песков 27-мартта айтты. Ал илдетке кабылган адамдын аты-жөнүн ачыкка чыгарган жок. «Коронавирустун жайылышын ооздукташ үчүн бардык тийиштүү санитардык жана эпидемиологиялык чаралар көрүлдү. Ооруп калган адам президент менен байланышта болгон эмес», - деди ал. Орус бийлиги өлкөдө COVID-19 илдетине кабылган адамдардын саны миңден ашканын билдирди. Читать дальше...

Кыргызстандын Тышкы иштер министрлиги Казакстандын Тышкы иштер министрлигине кайрылып, Кыргызстандан барган казакстандыктардан коронавирус аныкталганы жана башка жагдайлар боюнча маалымат берүүнү сурады. Муну министрлик Кыргызстандын аймагында алар менен байланышта болгон адамдардын чөйрөсүн аныктоо максаты менен байланыштырды. ТИМ тараткан маалыматка караганда мындай кайрылууга кошуна өлкөнүн айрым маалымат каражаттарында Кыргызстандан барган казакстандык жарандардан коронавирус аныкталып жаткандыгы тууралуу маалыматтар негиз болгон. Читать дальше...

Вьетнамдын Нячаң шаарында мейманкаларда иштеген 20дан ашуун кыргызстандык учурда мекенге кайта албай турат. Бул тууралуу алардын бири Кутман Молдакунов «Азаттыкка» билдирди. Анын айтымында, алар иштеген мейманканалар коронавируска байланыштуу жабылып, ишсиз калышкан. «Кыргызстанга кайталы деп болгон акчабызга билет алганбыз. 26-мартта Вьетнамдан Новосибирскиге, ал жактан Бишкекке учмакпыз. Аэропортко барганыбызда, «S-7 Airlines» компаниясы «алгач бортко орусиялыктарды гана алабыз, орун калса силерди батырабыз» деп айтышты. Читать дальше...

Кыргызстандын Орусиядагы элчилиги бул өлкөнүн аймагында мекенине кайта албай жаткандарга жардам бериш үчүн мобилдик топтор түзүлгөнүн, алардын тамак-ашын камсыздоо жана медициналык жардам жагынан көмөк көрсөтүлүп жатканын маалымдады. Элчилик 27-мартта билдирүү таратып, бул багытта иш күнү-түнү жүрүп, штабдын өкүлдөрү «Домодедово» жана «Шереметьево» аэропортторунда орус тарап жана авиакомпания өкүлдөрү менен тийиштүү иш улантып жатканын билдирди. «Бүгүнкү күндө «Шереметьеводо» 40ка жакын кыргызстандык жалпы зонада... Читать дальше...

Дүйнөдө коронавируска чалдыккан адамдардын саны жарым миллиондон ашты. Бейшембиде АКШ оору катталган өлкөлөрдүн сап башына чыкты.

Швейцария өкмөтү Кыргызстандын медицина мекемелерине коронавируска каршы каражаттарды өткөрүп берди. Бул өлкөнүн элчилиги кабарлагандай, 27-мартта гуманитардык жардам Чүй облустук жана Бишкек шаарынын Биринчи май райондук үй-бүлөлүк медицина борборлорунун көчмө бригадаларына тапшырылды. Алар жалпы баасы 3 миллион сомдук эпидемияга каршы коргонуучу костюмдар, беткаптар, көз айнектер, мээлейлер, антисептиктер жана башка каражаттар менен камсыз болду. Кыргызстанда 27-марттын 14:00үнө карата коронавирус жуккан дагы 14 киши аныкталып... Читать дальше...

Бишкекте Түркия куруп берген ооруканада 21 реанимациялык орун, жасалма дем алдыруучу 22 атайын аппарат бар. Бул тууралуу 27-мартта Түркиянын Кыргызстандагы элчилиги кабарлады.  Элчилик билдиргендей, мындан тышкары эки операция залы, бейтап жатып дарыланчу 51 орун бар. Бишкекте курулушу 2016-жылы аяктап, бирок башкаруу боюнча эки тараптуу келишим ратификация болбогондуктан ачылбай турган кыргыз-түрк ооруканасы кыргыз өкмөтүнө берилгенин элчилик 25-мартта билдирген. Мындай чечим COVID-19 оорусуна... Читать дальше...

Чет өлкөлөрдө окуп, иштеп жүргөн мекендештердин айрымдары коронавируска байланыштуу жашаган жеринде бир нече аптадан бери карантинде. Алар үйдө отуруп, эмне менен алектенип жатканын бул видеодон көрүңүз.

“Чоң жыйырманын” саммитинде Владимир Путин санкцияларды ала турууну сунуш кылды. Мекенге келе албай, аэропорттордо түнөп жаткан кыргызстандыктардын көйгөйү чечиле элек. Орусия 27-мартта бардык чет өлкөлөр менен авиакаттамын токтотту.

Кыргызстанда коронавирус жугузуп алгандар дагы 14 кишиге көбөйүп, 27-мартка карата ооругандардын жалпы саны 58 адамга жетти. СOVID-19 вирусу жаңы табылгандардын көпчүлүгү илдетти өлкө ичинде жугузуп алган.

Британиянын премьер-министри Борис Жонсондон коронавирус табылды. Бул тууралуу 27-мартта ал өзү кабарлады. Өкмөт башчынын айтымында, анда оорунун жеңил белгилери байкалган. Абалы канааттандырарлык. Ошондуктан 55 жаштагы Жонсон өкмөттү башкарууну резиденциясынан чыкпай уланта берет. Буга чейин Британиянын ханзадасы Чарлз да ушул илдетке кабылган. Бир күн мурда Орусиянын Эл артисти Лев Лещенко COVID-19 илдетине чалдыкканы маалым болгон. Анын абалы оор экени кабарланууда. Ошондой коронавирус жугузуп... Читать дальше...

Кыргызстандын Мамлекеттик ипотека компаниясы насыя боюнча төлөмдөрдүн мөөнөтүн узартуу шарттары тууралуу маалымат берди. Компаниянын расмий сайтындагы маалыматка караганда, коронавирустан улам өлкөдө түзүлгөн абалга байланыштуу ипотекалык насыясын төлөй албай жаткан кардар жеке өзү арыз менен кайрылышы керек. «Ар бир зайымчынын кайрылуусу өзүнчө каралат. Бирок насыяны кайтаруу мөөнөтүн узартуу деген бир нече төлөмдү кечүү дегенди түшүндүрбөй турганын эске алыш керек», деп айтылат мекеменин билдирүүсүндө. Читать дальше...

Нарындык ордочулардын бул жолку мелдешине жети команда катышкан. Алар Ат-Башы, Кочкор жана Нарын районунун ордочулары. Ар жылы уюштурулган бул таймаш алты айга созулат. Жыйынтыгы жаз айында чыгат.

Кыргызстан чет жактан келе албай жаткан жарандарына жардам берүү жолдорун караштырып жатат. Бул тууралуу «Азаттыкка» 27-мартта Тышкы иштер министрлигинин расмий өкүлү Уланбек Дыйканбаев билдирди: «Жардам, албетте болот. Бирок бул бир күндө же бир саатта чечиле турган маселе эмес. Республикалык штабга бардык мамлекеттик органдар тартылган. Кандай негизде жардам беребиз, баары макулдашылып, такталып чечилет».  Дыйканбаев Кыргызстандын чет өлкөлөрдөгү элчиликтери жана консулдуктары менен байланышта болуп туруу керек экенин кошумчалады. Читать дальше...

«Дос күйдүрүп, душман сүйдүрүп айтат». Кыргыз эл макалы.

24-мартта Эл аралык олимпиада комитети коронавирус пандемиясынан улам жайкы Олимпиада оюндарын кийинки жылга жылдыруу боюнча чечим кабыл алган.

Кыргызстандын спортчулары Токио Олимпиадасы жылдырыларын күтүп жатканын, бирок ага карабай расмий чечими чыкканга чейин катуу даярдык көрүп келгенин айтып беришти. Айрым спортчулар мындай кабарды укканда шок абалында калган.

Коронавирус коркунучунан улам Кыргызстанга өзгөчө абал киргенден бери аярлуу катмар, тышта жүргөн мигранттар кыйналып жатышат.

Тажисктандын президенти Эмомали Рахмондун уулу, Дүйшөмбү шаарынын мэри Рустам Эмомали парламенттин жогорку палатасы Сенатка мүчө болуп шайланды. Мыйзамга ылайык, Тажикстанда парламенттин жогорку палатасынын 25 мүчөсүн жергиликтүү кеңештердин депутаттары шайлашат. Ал эми сегиз сенаторду президент өзү дайындайт. Президенттин уулунун талапкерлиги бир добуштан жактырылды. Рустам Эмомали 30 жашында 2017-жылы Дүйшөмбү шаарынын мэрлигине дайындалган. Ага чейин Тажикстандын бажысын, Коррупцияга каршы күрөш кызматын жетектеп келген. Читать дальше...

Кыргызстанда коронавирустан улам түзүлгөн кырдаал социалдык төлөмдөрдүн тартибине тоскоолдук жараткан жок. Бул тууралуу 27-мартта өткөн басма сөз жыйынында финансы министри Бактыгүл Жээнбаева билдирди.  «Ушу тапта Кыргызстандын өкмөтү эмгек акы, жөлөкпул боюнча бардык төлөмдөрдү жана бюджеттин башка чыгашаларын өз убагында каржылоодо. Мындан ары да биз бул милдеттенмелерди аткарууга бардык күчүбүздү жумшайбыз», - деди министр.  Буга чейин өлкө жетекчилиги дүйнөдөгү коронавирус пандемиясы Кыргызстандын... Читать дальше...

Дүйнөлүк банк Кыргызстанда башка долбоорлорго жумшалчу каражаттын бир бөлүгүн саламаттык сактоо түзүмүн колдоого бөлүштүрмөй болду. Бул тууралуу президент Сооронбай Жээнбековдун Дүйнөлүк банктын Кыргызстандагы кеңсесинин башчысы Болормаа Амгаабазар менен жолугушуусунда айтылды. Жээнбеков аймактагы башка өлкөлөр менен катар Кыргызстандын экономикасы да коронавирустун дүйнөгө жайылышынан улам терс таасирге кабылганын билдирди. Бул кырдаал өлкөнү өнүктүрүү пландарынын убагында ишке ашырылышын кыйындатып... Читать дальше...

АКШ президенти Дональд Трамп менен Кытай лидери Си Цзиньпиң 27-мартта телефон аркылуу коронавирус пандемиясын талкуулашты. Сүйлөшүүдөн кийин Трамп «Твиттерге» Вашингтон менен Бээжин бул илдетке каршы күрөштө тыгыз кызматташып жатканын жана алар жемиштүү сүйлөшүү жүргүзүшкөнүн жазды. Андан бир нече саат мурда АКШ лидери журналисттерге Кытай дагы эле ооругандардын реалдуу санын жашырып жатканын айткан. Эки лидердин сүйлөшүүсү тууралуу Кытайдын маалымат каражаттары да жазып, анда Си Трампка баардык маалыматтар ачык экенин айтканын маалымдашты.

Кыргызстанда коронавируска байланыштуу айыл чарбасындагы абал кандай?

Кошмо Штаттар Венесуэланын президенти Николас Мадурого баңгизат аткезчилиги жана арам акчаны адалдаштыруу боюнча айып койду. Бул тууралуу маалымат АКШнын Юстиция министрлигинин сайтында жарыяланды. Айыптар ошондой эле Венесуэланын бир катар жогорку даражалуу аткаминерлерине да коюлду. Алардын арасында Жогорку соттун төрагасы жана коргоо министри да бар. Министрликтин версиясына караганда, Мадуро 1999-жылдан бери Колумбиядан Венесуэла аркылуу АКШга кокаин жөнөтүп турган наркокартелдин лидерлеринин бири болгон. Читать дальше...