Новости за 23.07.2020

Алдын ала маалымат боюнча, беттеш 8 раунддан турат. Бул таймаш Калифорния штатынын спорттук комиссиясы тарабынан макулдашылган.

Саламаттык сактоо министрлиги "коронавирустан өлгөндөрдүн саны боюнча Кыргызстан дүйнөдө алдыңкы орунга чыкты" деген маалымат боюнча түшүндүрмө берди.

Мурдагы элчи Кылычбек Султан 23-июлда кечке жуук сурактан чыкканын, 24-июлда түшкө чейин жана кечке маал дагы Улуттук коопсуздук боюнча мамлекеттик комитетке (УКМК) бара турганын "Фейсбуктагы" баракчасына жазды. “Тилекке каршы, сурактын маңызы тууралуу азырынча айтууга тыюу салынды. Бирок соңку күндөрү болуп жаткан тенденция аркылуу өзүңөр деле түшүнсөңөр болот”, - деди мурдагы элчи. Буга чейин Кылычбек Султан “Азаттык” радиосуна социалдык тармактарда бийликти сындап жазганы үчүн суракка чакырылып жатышы мүмкүн экенин айткан. Читать дальше...

23-июлда Жумгал районунун Куйручук айылынын жанынан өткөн түндүк-түштүк альтернативдүү жолунун курулушунун сапатына нааразы болуп жыйырмадан ашуун жергиликтүү жашоочулар чогулушту. Марат Оторбаев аттуу “Фейсбук” колдонуучу жайгаштырган видеодо тургундар саздак жердеги жол курулушунда тийиштүү технология колдонулбай жатканын айтууда.   “Жаштар көтөргөн маселени эң туура деп эсептейм. Бул жердин саздак экенин баарыбыз билебиз. Эч кандай технология колдонулган жок. Жолду туурасынан чоңойткондо болжолдуу 10 метрдей сазга кирди. Читать дальше...

Билим берүү министрлиги Саламаттык сактоо министрлиги менен чогуу айрым медициналык адистиктер боюнча бюджеттик квоталарды көбөйттү.

Беларус президенти Александр Лукашенко чет элдик маалымат каражаттарын жана алар таандык болгон мамлекеттердин расмий адамдарын сындап, элди “майданга чыгууга чакырган” журналисттерди өлкөдөн чыгарууга үндөдү. Бул тууралуу "БелТА" мамлекеттик агенттиги кабарлады. 23-июлда Минскидеги жыйында сүйлөп жатып президент аткаминерлерди өз ишин жакшы аткарып, элге болуп жаткан окуяларды жакшырак түшүндүрүүгө чакырды. Лукашенко асыресе "Би-Би-Си", "Эркин Европа/Азаттык" радиосун жана Интернет сайттарды... Читать дальше...

"Азаттык" аймактардагы кабарчылар жиберген сүрөт жана видеолор топтомун жарыялоону улантат. Жалал-Абад Чаткал районунун Кайын-Суу айылында 150 орундукка ылайыкталган эки кабаттуу мектептин курулушу башталды. Пайдубалын түптөөгө арналган иш-чара бүгүн, 23-июлда жергиликтүү тургундардын катышуусунда өттү. Райондун акими Жуманалы Накетаев "Азаттык" радиосуна билдиргендей, мектептин курулушу 54 миллион сомго бааланып жатат. Аны районду өнүктүрүү фонду каржылайт жана типтүү мектеп алдыдагы үч жыл аралыгында курулуп бүтөт. Читать дальше...

Өкмөттүн божомолунда 2020-жылдын октябрь айына чейин Токтогул суу сактагычында 14,9 млрд. куб метр суу топтолот. Бул өткөн жылдын ушул мезгилине салыштырмалуу 2,3 млрд. куб метрге аз. Бул тууралуу кышка даярдануу боюнча жыйында белгилүү болгонун өкмөттүн басма сөз кызматы маалымдады. Жыйында биринчи вице-премьер-министр Алмазбек Баатырбеков быйыл суунун аз топтолгонуна көңүл бурду. Ал күз-кыш мезгилинде туруктуу электр энергиясы болушу үчүн Токтогул суу сактагычындагы сууну рационалдуу пайдалануу... Читать дальше...

Транспорт жана жолдор министри Жанат Бейшенов Интернетте тарап жаткан ар кандай фейк кабарларга ишенбөөгө элди чакырды. Бейшенов 23-июлдагы онлайн брифингде социалдык тармактардагы “өлкөдө тик учактар химиялык уулуу заттарды чачып жүрөт” деген маалыматтарга түшүндүрмө берди. “Мен социалдык тармактардагы “кичинекей тик учактар ар кандай химиялык каражаттарды чачып же санитардык иштерди кылып жатат” деген маалыматтарга токтолуп кетейин. Мындай маалыматтарга ишенбөөгө чакырам. Кыргызстанда бир дагы... Читать дальше...

Өзбекстанда коронавируска чалдыккандардын саны кескин көбөйө баштады.

Сузакта ашар ыкмасы менен жугуштуу оорулар үчүн бейтапкана ачуу демилгеси ишке ашууда. Ага ылайык 304 орундуу эски имаратты капиталдык оңдоо иштери башталды. Жалпы коомчулук колдоосуна алынган кесиптик лицейдин жатаканасын райондук штаб ооруканага айландыруу боюнча чечим кабыл алган. 21-июлда бул багытта марафон да уюштурулду. Район жетекчилиги демөөрчүлөрдү оорукананын курулушуна салым кошууга чакырууда.

Кыргызстандын Малайзиядагы, Түштүк Кореядагы мурдагы элчиси Кылычбек Султан Улуттук коопсуздук боюнча мамлекеттик комитетке күбө катары суракка чакырылды.

Борбордук шайлоо комиссиясы (БШК) Сагынбек Абдрахманов жетектеген Кыргызстан социал-демократиялык партиясынын пайдасына карата чыгарган Бишкек административдик сотунун чечими боюнча Жогорку сотко арыз жазды. Бул тууралуу «Азаттыкка» БШКнын басма сөз катчысы Руслан Изреков билдирди. Ал белгилегендей, шайлоо мыйзамдарына ылайык саясий жарыштын алдындагы соттук талашуулар боюнча даттануу дароо эң жогорку инстанцияга жөнөтүлүшү керек. БШКнын кийинки кадамы Жогорку соттун чечимине жараша кабыл алынат. Читать дальше...

«Сибирь» (S7) компаниясынын «Новосибирск–Бишкек» авикаттамы менен Орусиядан Кыргызстанга 208 мигрант учуп келди. Бул тууралуу Кыргызстандын Тышкы иштер министрлиги кабарлады. Чартердик учакта кош бойлуу жана балалуу аялдар, кары-картаңдар, оорулуулар, жакындарын жоготкондор, студенттер жана депортация болгон жарандар келди. Алар - Орусиянын Новосибирск шаарынан сырткары Забайкальеде, Ыраакы Чыгышта (Дальний Восток), Алтай Республикасында, Кемерово жана Сахалин облустарында иштеп, жашаган кыргыз мигранттары. Читать дальше...

Кыргызстан эл аралык авиакаттамдарды регулярдуу негизде качан уланта баштары белгисиз. 23-июлда транспорт жана жолдор министри Жанат Бейшенов билдиргендей, бул маселени Коронавируска каршы республикалык ыкчам штаб өлкөдөгү эпидемиологиялык абалга жараша чечет. Министрдин айтымында, авиакаттамдар токтогондон бери чартердик, гуманитардык жана жүк ташуучу рейстер гана аткарылып жатат. 20-марттан 22-июлга чейин жалпысынан 113 чартердик рейс менен 18 миң жүргүнчү ташылды. Жалпысынан коронавирус... Читать дальше...

Кыргызстандын Акыйкатчысы Токон Мамытовдун тапшырмасы менен Акыйкатчы аппаратынын тармактык бөлүмүнүн кызматкерлери Жаза аткаруу мамлекеттик кызматынын (ЖАМК) №50 тергөө абагында жаткан Эмилбек Кимсановдун сабалышы боюнча иликтөө жүргүздү. Кимсанов бул жакка которулуп келгенге чейин, №1 тергөө абагында сабалганы тууралуу Акыйкатчы менен жеке жолугушууда даттанган. Кимсанов өзү абактын кызматкерлери тепкилешкенин билдирсе, ЖАМКтын өкүлдөрү түрмөдөгү соттолуучулар сабаганын адвокат Назгүл Сүйүнбаевага айтышкан. Читать дальше...

Мурдагы президенттин кеңешчиси Икрамжан Илмиянов жатак абакка которулду.

Экинчи Дүйнөлүк согуш маалында нацисттердин концлагеринде кайтаруучу болуп иштеген 93 жаштагы Бруно Дейге адам өлтүрүүгө катышканы үчүн айып тагылып, эки жылга шарттуу кесилди. Гамбург шаарынын соту 9 айга созулган процесстен кийин бейшембиде ушундай өкүм чыгарды. Дей Польшанын Данциг же азыркы Гданьск шаарынын жанындагы Штуттхоф гарнизонунда ССтин курамында кызмат өтөгөнүн моюнга алган. Ага 5 миң 232 эпизод боюнча айып тагылды. Дал ушунча адам 1944-45-жылдары Штуттхоф лагеринде кырылган. Азыр... Читать дальше...

Азыркы коронавирус дарты көптөгөн көнүмүштөрдү кайра кароого, көз караштарды өзгөртүүгө, күнүмдүк турмуш-тиричиликти да башкача уюштурууга, керек болсо кесипти алмаштырууга түртүп жатат. Биздин жаштардын ар кыл чөйрөсүндөгү көз караштар кандай? Ушул тууралуу пикиримди айтайын дедим. Жаштарыбыздын көңүл чөктүргөн да, алдыга ишеним жаратып үмүттөндүргөн да жактары арбын. Жазгы карантин аяктап калган убак болчу. Өкмөт мекеме-ишканаларга, тейлөө кызматтарына, чоң соода борборлорго дагы бир топ жайлардын иштөөсүнө уруксат берип... Читать дальше...

АКШ президенти Дональд Трамп Кытайдын дагы башка консулдуктарын жабууга "буйрук бериши мүмкүн" экенин билдирди. 22-июлда Мамлекеттик департамент Кытайдын Хьюстондогу консулдугун жабууга 72 саат мөөнөт берген. Жана бул чараны америкалык интеллектуалдык менчикти, жеке маалыматтарды «коргоо» зарылдыгы менен түшүндүргөн. Анын алдында кытайлык эки жаранга киберчабуул коюу менен коронавируска каршы вакцинанын үстүнөн жүрүп жаткан изилдөөлөрдү уурдоого аракет көрүшкөн деген айып тагылган. Бээжин Вашингтондун кадамын айыптап... Читать дальше...

Бишкекте ооруканадан тышкары ачылган стационарларга кайрылгандар азая баштады. Бул тууралуу 23-июлда мэриянын басма сөз кызматы кабарлады. Мекеменин маалыматына караганда, бир апта мурда күндүзгү стационарларга бир суткада 4,5 миң адам кайрылган, ал эми 22-июлда 2,9 миң адамга жардам көрсөтүлдү. Түнкү стационарларга 23-июлга караган түнү 581 адам кайрылды жана бул, мэрия билдиргендей, ага чейинки көрсөткүчтөн бир аз төмөнүрөөк: “Тилекке жараша, соңку күндөрү стационарларда абал тынч. Медиктер уюшкандыкта иштеп жатышат. Читать дальше...

Дүйнө жүзүндө 15 миллиондон ашык адам өпкөнү сезгенткен коронавирусту жугузуп алды.

Премьер-министр Кубатбек Боронов пандемияга даярдыктын чабалдыгынын себебин түшүндүрдү.

Президент Сооронбай Жээнбеков Талас облусуна иш сапарынын алкагында 23-июлда Талас шаарындагы күндүзгү стационарга барды. Президенттик аппараттан кабарлашкандай, мамлекет башчы анда медициналык кызматкерлер менен жолугуп, дары-дармектерди жеткирүү үчүн жергиликтүү бийлик бардык чараларды көрөрүн билдирди. «Стационарлар сөзсүз керек. Кыска мөөнөттүн ичинде алар медициналык мекемелердин жүгүн бир топ жеңилдетип, өзүнүн натыйжалуулугун көрсөттү. Бирок биз бардык аймактарда комплекстүү ооруканаларды дагы кура баштайбыз»... Читать дальше...

Башкача нукта уюштурулуп, жарым жыл бою авторлор жана окурмандар журтунун көңүл борборунда болуп келген адабий жарыш жөнүндө сөз кылалы. Сөзүбүз кандай жаӊырат? Сөзүбүз кандай жаңырат – Күн мурунтан билбейбиз. Дилгирликтен үмүттөнүп Дирилдеген үндөйбүз. Федор Тютчев, орус акыны. Балдар адабияты, балдардын дилбаяндары боюнча, 35 жашка чейинки авторлор арасында, бардык эле каалоочулар үчүн, ошондой эле котормочуларга да түрдүү жарыштарды уюштуруп келген “РухЭш” сайты бул ирет күтүүсүз жүрүш жасады. Читать дальше...