Новости за 19.03.2021

Улуттук коопсуздук комитетинин(УКМК) мурдагы төрагасы, президенттикке талапкер болгон Абдил Сегизбаевдин камактагы мөөнөтү дагы эки айга, 25-майга чейин узартылды.  Мындай чечимди Бишкектин Биринчи май райондук соту бүгүн, 19-мартта чыгарганын Сегизбаевдин адвокаттары билдиришти.   Сот имаратына анын тарапташтары, жакындары чогулуп, аны эркиндикке чыгарууну талап кылышты.  Абдил Сегизбаев сот залына кирип баратып тарапташтарына "мен эч качан сынбайм, чындык биз тарапта" деген сөздөрдү айтты. Читать дальше...

Улуттук коопсуздук боюнча мамлекеттик комитет (УКМК) мамлекеттик бийлик органдарындагы коррупциялык кылмыштарды жоюу боюнча жүргүзүлүп жаткан иш-чаралардын жүрүшүндө Жогорку Кеңештин «А.М.А» инициалдуу депутатынын мыйзамсыз баюу фактыларын аныкталды. Бул тууралуу атайын кызматтын басма сөз борбору кабарлады. Тергөө учурунда такталгандай, депутат саясий ишмердүүлүгүнүн жүрүшүндө кымбат баалуу кыймылдуу жана кыймылсыз мүлккө ээ болуп, анын жалпы суммасы анын расмий кирешесинен бир нече эсе жогору болгон. Читать дальше...

Бишкектеги «Таксим» кафесинин ээси, түркиялык ишкер Али Салих Ифлазоглу үчүнчү жолу видео кайрылуу жасап, Кыргызстанда иштөө мүмкүн болбой калганына даттанды. Ошол себептүү ал ашканасын жаап, Түркияга кайра кайтууга аргасыз болуп жатканын айтып, ыйлап, кыргыз-түрк бийликтерине жана коомчулукка кайрылды. Өз билдирмесинде ал маркум депутат Алмазбек Акматов жана анын бир тууганы, мурдагы бажы кызматкери Эрнис Акматовдун менчик деп айткан жерин сүйлөшүп, кафе ачканын, ага баш-аягы болуп 750 миң доллардай инвестиция салганын... Читать дальше...

Бишкектин №1 Тергөө абагына камакка алынган активист Тилекмат Кудайберген уулу (Куренов) ачкачылык акциясын улантып жатат. Бул тууралуу Кыйноонун алдын алуу боюнча улуттук борбордун директору Бакыт Рысбеков "Азаттыкка"  билдирди. Анын айтымында, аталган борбордун өкүлдөрү тергөө абагына 18-мартта кирип, активисттин абалын көрүп чыгышкан. Ал сот чечимине нааразылык иретинде ачкачылык кармоону улантарын айткан. Кудайберген уулу Жазык кодексинин 310-беренеси («Бийликти күч менен басып алууга ачык... Читать дальше...

Кыргызстандын Баткен облусу менен Тажикстандын Согди облусу өз ара ар тараптуу кызматташтыгын бекемдемекчи.

2021-жылдын 17-18-мартында Кыргыз Республикасынын өкмөтүнүн Баткен облусундагы ыйгарым укуктуу өкүлү Өмүрбек Суваналиев менен Тажикстандын Согди облусунун аткаруу бийлигинин төрагасы Раджоббой Ахмадзода эки облустун күч түзүмдөрүнүн жетекчилеринин катышуусунда Тажикстандын Гулистон шаарында жолугушту. Баткен облустук администрациясы кабарлагандай, жетекчилер чек аралаш аймакта акыркы учурларда орун алган курч окуяларды, эки тараптан тең чек араны мыйзамсыз кесип өтүп кармалган жарандардын маселелерин талкуулашты. Читать дальше...

ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев футзал боюнча дүйнө чемпионатында башкы калыстык милдетти аткарсам деп кыялданарын айтты.

Армениянын премьер-министри Никол Пашинян өлкөдөгү саясий кризисти басаңдатуу максатында 18-мартта кезексиз парламенттик шайлоону дайындады. Пашиняндын кызматтан кетишин талап кылган оппозиция анын добуш берүү алдында кызматтан кетишин талап кылууда. Парламенттеги оппозициялык фракциянын лидери менен сүйлөшүүлөрдөн кийин Пашинян «Фейсбукка» өлкөдөгү парламенттик эрте шайлоо 20-июнда болот деп шардана кылды.   18-марттагы «Фейсбуктагы» армян тилиндеги жарыясында Н.Пашинян: «Бир нече мүнөт... Читать дальше...

Нарын облусунан Өзбекстанга эт жана картөшкө экспорттоо,  биргелешкен текстил ишканасын ачуу аракеттери көрүлүп жатат. Бул тууралуу өкмөттүн Нарын облусундагы өкүлчүлүгүнүн басма сөз кызматы билдирди. Маалыматка караганда, 17-мартта өкмөттүн аймактагы ыйгарым укуктуу өкүлү Сабыркул Ашимбаев жетектеген расмий топ Өзбекстандын Фергана облусуна иш сапар менен барган. Анын жүрүшүндө "Bahodir log'on Tekstil"  холдинги менен кызматташуу тууралуу келишимге кол коюлду. Аталган холдинг Ат-Башы районунда... Читать дальше...

Өзбек президенти Шавкат Мирзиёев “Азаттыктын” өзбек кызматынын иликтөөсүндө айтылган Шоввозсой эс алуу жайы боюнча комментарий берди. Президент Ташкент облусуна сапарынын жүрүшүндө журналисттердин суроолоруна жооп берип жатып, эс алуу жайы мамлекеттин карамагында экенин билдирди. “Бул темир жол ишканасы мамлекетке караштуу. Ал жакта эч ким жашабайт, эч кимге өткөрүлүп берилген эмес. Мамлекеттин карамагындагы жай. Анын президентке эмне тиешеси бар? Эгер президент ал жакка барса, Өзбекстанга пайда... Читать дальше...

Совет мамлекети тушунда тыюу салынган Нооруз майрамын жөнүндө буйрукка мындан дээрлик 1 кылым мурда Түр­кес­тан АССРинин Борбордук аткаруу комитетинин жетекчилиги кол койгон. Архивдик материалдардан табылган бул баалуу таберик тууралу айтып бермекчибиз. Билген адамга архив дүйнөсү - кереметтүү, кызыктуу, так маалы­мат­­­тар, кол жазмалар, кино-фото документтер дүйнөсү. Алардын чыныгы баалуулугун архивде олтуруп, документтерди таап, тийиштүү түрдө иликтеп, алардын чыныгы маани-маңызын түшүнө алган... Читать дальше...

Кыргызстандык мушкер Самат Абдырахманов атаандашын биринчи раундда эле сулата чаап, аны комментаторлор "кыргыз Флойду" деп атап коюшту.

Сокулук районунун Комсомол айылындагы фельдшердик жана акушердик пунктка (ФАП) был тыр 2020-жылдын жай айларында эпидемиологиялык абал курчуган маалда иш учурунда коронавирус жугуп каза болгон, врач-кардиолог Күмүшбек Алтыкеевдин ысымы берилди. Дарыгердин атын ыйгаруу аземи 19-мартта өттү. Иш-чарага Алтыкеевдин кесиптештери, Комсомол айылдык кеңештин депутаттары жана маркумдун туугандары катышты. Күмүшбек Алтыкеев 1996-жылдан бери Бишкек шаардык № 1 клиникалык ооруканасында кардиолог болуп иштеген. Читать дальше...

Борбордук "Ала-Тоо" аянтында 19-мартта Абхазиядан келген машине ээлери чогулуп, нааразылык билдирип жатышат. Алар бийликке кайрылып, абхаз номуру менен жүргөн автоунааларын каттоону талап кылышууда. Журналисттердин билдирүүсүндө, акцияга 50дөй жаран чыкты. Буга чейин Мамлекеттик Бажы кызматы Кыргызстандын аймагына мыйзамсыз киргизилген машинелерди аныктоо боюнча рейд жүрүп жатканын билдирген. Анын жүрүшүндө Абхазиянын номуру менен мыйзамсыз жүргөн он автоунаа кармалып, айып жайына токтотула турганы кабарланган. Читать дальше...

АКШ менен КЭРдин дипломаттары 18-мартта президент Жо Байден кызматка киришкенден бери биринчи бетме-бет сүйлөшүүдө кагылыша кетишти. Бул тирешүү АКШнын бийлигинин Кытайдын буга чейинки жүрүм-турумун өзгөртүү ишаарасын көрүү үмүтүн жана мурдагы президент Доналд Трамптын бийлигинин тушунда бузулган эки тараптуу мамилелерди тез арада калыбына келтирүү мүмкүнчүлүгүнө ишеничин азайтты. Адатта, мындай жолугушууларда ачылыш сөздөрү бир нече мүнөткө гана созулат, бирок бул жолу эл арасындагы сейрек кездештирилген көрүнүш болду... Читать дальше...

Кыргызстандын Борбордук шайлоо комиссиясы (БШК) 11-апрелге дайындалган референдумду колдогон жана каршы үгүт жүргүзө турган топторду каттады. БШКнын басма сөз кызматы билдиргендей, жалпысынан беш топтон сунуш түшкөн. Үчөө Баш мыйзамды өзгөртүү боюнча референдумду колдогон, экөө каршы чыккан топ. Алардын баары тең каттоодон өттү. Президент Садыр Жапаров Конституциянын долбоору боюнча референдумду 11-апрелде өткөрүү жөнүндө мыйзамга 12-мартта кол койгон. 11-мартта Жогорку Кеңеш сөз болуп жаткан мыйзам долбоорун талкуулап... Читать дальше...

Россиялык мушкер 2020-жылдын октябрь айында Гэтжини уткандан соң карьерасын жыйынтыктаганын жар салган.

“Азаттык” Кыргызстандын абактарындагы чыныгы абалды, кыйноо фактыларын, бийлик менен криминалдык чөйрөнүн байланышын ачып берүү максатында “Абак азабы” долбоорун сунуштайт. Кой-Таш окуясы боюнча кылмышка шектүү катары өтүп жаткан Алга Кылычев күч органдары ур-токмокко алганын, абактан криминалдык топтун өкүлдөрү басым жасаганын айтып берди.

Кыргызстанда бензиндин литринин баасы 50 сомдон, дизель 45 сомдон ашып, кымбатташы мүмкүн. Энергетика жана өнөр жай министрлиги өлкөдө күйүүчү майдын баасы дагы 10 сомго чейин көтөрүлүшү мүмкүн экенин эскертип, анын беш себебин атады. Күйүүчү майдын баасынын кымбатташынын себептери тууралуу "Азаттыктын" видео түшүндүрмөсү.

Мамлекеттик салык кызматынын Бишкек шаарынын Свердлов райондук башкармалыгынын башчысынын орун басары («К.У.К») жана Бишкек шаарынын Ленин райондук башкармалыгынын инспектору («У.А.А.») 240 миң сом өлчөмүндө пара алып жаткан жеринен кармалды. Бул тууралуу Улуттук коопсуздук боюнча мамлекеттик комитет (УКМК) маалымдады. Анда айтылгандай, эки кызматкер акчаны салык төлөөдөн баш тартууга жардам бергени үчүн сый акы катары талап кылган. Алар жеке ишкерлер менен жең ичинен сүйлөшүп алып, жасалма документтерди жасашкан. Читать дальше...

Бишкек гарнизонунун Аскер прокуратурасы жоокерлердин жапырт кургак учукка кабылышы боюнча Жазык кодексинин 331-беренеси - «шалаакылык» менен сотко чейинки өндүрүш баштады. Бул тууралуу Башкы прокуратура 19-мартта кабарлады. 2021-жылдын 16-мартында Куралдуу күчтөрдүн башкы штабына тиешелүү №97632 аскер бөлүгүндө 14 адам, № 7412 аскер бөлүгүнөн бир кишиден кургак учук аныкталган. Алардын баары ооруканага жаткырылган. Бул иштин алкагында тийиштүү соттук-комиссиялык экспертизалар дайындалган. Учурда алардын жыйынтыктары күтүлүүдө. Читать дальше...

Улуттук коопсуздук комитетинин мурдагы төрагасы, президенттикке талапкер болгон Абдил Сегизбаевдин шайлоо штабынын басма сөз катчысы Мээрим Асанова 19-мартта суракка чакырылды. Ал УКМК эч кандай чакыруу кагазы жок чакырганын билдирди. Анын тарапташтары сурак 09.30да башталганын, азыр Асанова атайын кызматтын имаратынан чыга электигин билдиришти.  Асанова жана аны менен штабда чогуу иштеген күйөөсү Кутман Мукашев быйыл февралда да УКМКга сурак берген. Алар сурак кайсы иш боюнча жүргөнүн айтышкан эмес... Читать дальше...

19-мартка караган түнү Өзгөн шаарында автоунаада бараткан кишилерге куралдуу кол салуу катталды. Бул тууралуу Ош облустук ички иштер башкармалыгы кабарлады. Анда айтылгандай, окуя шаардын Ленин көчөсүндө болгон. Жолдун четинде токтоп турган «Хонда Инспайер» үлгүсүндөгү машинеде отурган үч кишиге таңга жуук, саат 03:15 чамасында белгисиз адамдар ок чыгарган. Кол салуудан улам 31 жана 21 жаштагы эки жаран оор жараат алып, ооруканага бараткан учурда каза болгон. 31 жаштагы дагы бир жарандын абалы оор. Читать дальше...

Футболчу 65 метрлик аралыктан таамай тээп гол киргизди. Анын командасы беттеште жеңишке жетишип, бул гол Пушкаш сыйлыгына татый турганы айтылууда.

Кыргызстанда соңку бир сутка ичинде коронавирус Бишкекте дагы эки бейтаптын өмүрүн алды. COVID-19га каршы күрөшүү боюнча республикалык штаб 19-мартта билдиргендей, бир суткада вирус 96 кишиден жаңы аныкталды. Акыркы күндөрдө илдетке чалдыккандар айыккандардан кыйла көп болууда. Министрликтин жаңы эсеби боюнча пандемия башталган 2020-жылдын март айынан тартып оорудан кайтыш болгондордун жалпы саны 1487 кишиге жетти. Пандемияда оору жугузуп алгандардын расмий эсеби 87 239 киши болду. Анын 84 084ү айыгып чыкты. Читать дальше...