Новости за 28.03.2022

په بلوچستان کې ځوان ډاکټرانو او روغتیا پالانو د مارچ له ۲۶مې څخه د ټولو سرکاري روغتونونو بېړنۍ څانګې (ایمرجنسي) د احتجاج په توګه تړلې دي. دوی دا ګام له هغه وروسته پورته کړی چې د مارچ پر ۲۴مه يې د خپلو غوښتنو منلو لپاره د بلوچستان د اعلاوزیر د کور مخې ته پرلت وواهه او پر دې مهال پولیسو ۱۵ ډاکټران او روغتیا پالان ونیول. د ډاکټرانو د احتجاج په اړه د بلوچستان اعلاوزیر د مارچ پر ۲۶مه د صحت صوبايي وزیر په مشرۍ کې یوه بېړنۍ غونډه رابللې وه چې پکې د ډاکټرانو د احتجاج جاج واخلي خو تر دې دمه یې د ډاکټرانو د غوښتنو په اړه کوم رسمي اقدام نه دی شوی. Читать дальше...

د افغانستان د خبریالانو او رسنيو فيډرېشن د مرکزي کمېټې غړي حجت الله مجددي د مارچ پر ۲۸مه په يوه ويډيويي پېغام کې ويلي چې طالبان دې د رسنيو مخه نه نیسي او نيولي خبريالان دې ژر خوشې کړي.

په افغانستان کې په رسنیو د محدودیتونو دوام، خو دا يې ښايي تر ټولو سخت وبلل شي. له امریکا غږ او بي‌بي‌سي وروسته طالبانو د دوېچه‌وېلې یا المان غږ په ټلوېزیوني خپرونو هم افغانستان کې بندیز ولګاوه. دا خبره د دوېچه‌وېلې پښتو څانګې نن دوشنبه پر خپله وېب‌پاڼه کړې ده.  د افغانستان د ازادو خبریالانو ټولنې د طالبانو د حکومت دغه وروستی اقدام په افغانستان کې پر رسنیو او د بیان پر ازادۍ یو بل ګوزار بولي. د افغانستان د بېلابېلو ولایتونو یو شمېر اوسېدونکي هم د طالبانو دغه پرېکړې خفه کړي دي. دوی وايي په... Читать дальше...

د پښتون ژغورنې غورځنګ مخکښ ارمان لوڼی د ۲۰۱۹ز کال د فبرورۍ پر دویمه په بوري (لورالایي) کې تر يوې مظاهرې لږ ساعت وروسته په مبينه ډول د پوليسو په تشدد کې وژل شوی وو.

یوناما د مارچ پر ۲۷مه نېټه په یوه ټویټ کې ویلي چې میرمن نودسن پکتیا کې د طالبانو له والي مولوي محمد علي جان، د افغان ښځو، سوداګرو، د رسنیو، پوهنتونو او د مدني ټولنې له استازیو سره وليدل.

واکمن ګوند پاکستان تحريک انصاف د مارچ پر ۲۷مه نېټه په اسلام اباد کې د "امر بالمعروف" په نوم جلسه وکړه چې ورته وزيراعظم عمران خان وويل چې کوم ډول سازش د پخواني وزيراعظم ذوالفقار علي بوټو د حکومت پر ضد شوی ول هم هغسې د تحريک انصاف د حکومت پر ضد هم روان دی. د نوموړی په وينا چې "سازش له بهره کېږي" خو پکې پاکستان دننه خلک پکې کارول کېږي. پاکستان جمهوري غورځنګ د عمران خان دا تورونه رد کړي دي.نور په دې ويډيو کې.

له سپیکر چوهدري پروېز الهي سره په جمع شوي درخواست باندې د مسلم ليګ نواز او پیپلز پارټۍ د ۱۲۷ د پنجاب اسمبلۍ د غړو لاسليکونه دي.

عمران خان دا تور د مارچ پر ۲۷مه نېټه په اسلام اباد کې د تحریک انصاف له خوا جوړې شوې ولسي غونډې تهد وينا پر مهال پورې کړ.

د روسیې د ارتباطاتو د تنظیم ادارې د روسیې خبري اژانسونو ته خبرداری ورکړ چې د اوکراین له ولسمشر ولادیمیر زلنسکي سره شوې مرکه خپره نه‌کړي. دا خبر میدوزا خبري اژانس ورکړی دی. زلنسکي د میدوزا، دوژد ټلوېزیون، کومرسانت ورځپاڼې او زیګار یوټیوب کانال په ګډون د روسیې له ځینو خبري رسنیو سره پرون ۹۰ دقیقې مرکه وکړه. ولسمشر زلنسکي په دې مرکه کې ویلي، دی له روسیې غواړي چې په اوکراین کې د خپلې جګړې په اړه په واقعیت ځان پوه کړي.  د ارتباطاتو د تنظیم ادارې روسکوماندزور پرون ناوخته په یوه اعلامیه کې دغو... Читать дальше...

د اوکراین یو سیاستوال او د مذاکره کوونکي هیئت مشر ډېویډ اراخامیا وايي، په پام کې ده د روسیې او اوکراین د استازو ترمنځ د مذاکرو بل پړاو نن دوشنبه په ترکیه کې پیل شي.  خو د روسیې د مذاکراتي ډلې مشر ولادیمیر مدینسکي په خپل ټلګرام کې ویلي چې دغه مذاکرې راروانې سې شنبې او چهارشنبې ته پلان شوې دي. پر اوکراین د روسیې د یرغل څه باندې میاشت کېږي.

چک جمهوریت د ملیونونو ډالرو په ارزښت هغه شتمنۍ کنګل کړې چې د روسیې په شتمنو کسانو پورې اړه لري. دا هغه کسان دي چې په وروستیو کې د بندیزونو په لېست کې یې نومونه شامل شوي دي. د چک جمهوریت صدراعظم پیټر فیالا د دغه هېواد ملي ټلوېزیون سره په خبرو کې د دغو روسي وګړو نومونه په ډاګه نه‌کړل. ده زیاته کړه اړتیا ده حکومت د چک د هغو وګړو غم وخوري چې له هغو شرکتونو سره‌یې کار کاوه چې په روسانو پورې تړلي او بندیزونه ورباندې لګول شوي، خو نه‌یې دي ویلي چې د دغو چک وګړو شتمني به چک ته ولېږدول شي که نه. چک... Читать дальше...

د ملګرو ملتونو د امنیت شورا ۱۰ غړو هېوادونو له طالبانو غوښتي چې سم‌لاسي د نجونو ښوونځي پرانیزي. دغو هېوادونو په یوه اعلامیه کې ویلي، د دوی پیغام روښانه دی او هغه دا چې ټولې افغان نجونې باید ښوونځیو ته ولاړې شي. د ازادي راډیو خبریال د قلم لار ټولنې له مشر مطیع‌الله ویسا سره چې له کلونو راهیسې په افغانستان کې د زده‌کړې د ودې او پراختیا لپاره هڅه کوي مرکه کړې ده. په پیل کې یې ورڅخه پوښتنه کړې، طالبانو ولې د نجونو پر تعلیم خپله ژمنه په وروستۍ ورځ ماته کړه؟ د دې مرکې د اورېدو لپاره لاندې لېنک کېکاږئ... Читать дальше...

په داسې حال کې چې پر اوکراین د روسیې پر یرغل څه باندې یوه میاشت اوړي، د اوکراین د یوې بېلتون غوښتونکې سیمې مشر چې کرملېن پلوي بیلتون غوښتونکي پرې کنټرول لري، ویلي چې په پام کې لري په نږدې راتلونکي کې له روسیې سره د دې سیمې د یوځای کېدو په اړه یوه ټول‌پوښتنه یا ریفرانډم ترسره کړي. د اوکراین د بهرنیو چارو وزارت ویلي، که په لوهانسک دا ډول یو ریفرانډم ترسره شي، هغه به غیر قانوني وي. دا به د لوېدیځ او کرملېن ترمنځ کړکېچ نور هم زیات کړي. د روسیې ولسمشر ولادیمیر پوتین مخکې له دې چې د فبرورۍ په ۲۴مه... Читать дальше...

د افغانستان لپاره د ملګرو ملتونو مرستندویه مأموریت یا یوناما مرستیال مشره میټي نودسن وایي، طالبانو ته په‌کار ده چې د نجونو پر مخ د لوړو زده‌کړې ښوونځي سمدستي پرانیزي. یوناما پرون یکشنبې په یوه ټویټ کې ویلي چې مېرمن نودسن د پکتیا په مرکز ګردېز کې د طالبانو له والي مولوي محمد علي جان، د افغان ښځو، سوداګرو، د رسنیو، پوهنتونونو او د مدني ټولنې له استازو سره کتلي او ټینګار یې کړی چې د طالبانو چارواکي باید پر خپلو ژمنو عمل وکړي او د نجونو لېسې سمدستي بېرته پرانیزي. د وري یا حمل په درېیمه چې په افغانستان... Читать дальше...

د طالبانو د ټولګټو وزارت د ایبک او پلخمري ترمنځ لویه لاره کې د درې پلونو د رغونې د چارو د بشپړېدو خبر ورکوي. د دې وزارت ویاند محمد اشرف حق‌شناس تېر ماښام ازادي راډیو ته وویل چې د سړک جوړونې احمد مزمل شرکت سره د شوي قرارداد له مخې دغه سړکونه د نږدې شپږنیم ملیون افغانیو په لګښت جوړ شوي دي. ښاغلی حق‌شناس زياتوي: "د دغې پروژې په جریان کې د سیمې اوسېدونکو ته مستقیم او غیر مستقیم کاري فرصتونه رامنځته شوي او په بشپړېدو سره دغه‌راز د خلکو ډېرې ترانسپورټي ستونزې هوارې شوې دي." د افغانستان په اکثرو سیمو... Читать дальше...

د افغانستان لپاره د ملګرو ملتونو د هبیتات پروګرام په مزارشریف کې د کار په وړاندې د نغدو مرستو د یوه پروګرام د پیلېدو خبر ورکوي. دې پروګرام پرون په یوه ټویټ کې ویلي چې په مزارشریف کې د ابادي پروګرام په چوکاټ کې دغه نوي فعالیتونه چې په پروژو کې په کار کولو سره خلکو ته نغدې پیسې ورکول کېږي، د افغانستان په ښاري سیمو کې د معیشیت د دوامداره ستونزو د کمولو د هڅو یوه برخه ده. په دغو فعالیتونو کې د کانالانو او ویالو د پاکولو او ترمیم، د عامه پارکونو رغونه او د نیالګیو کېنول شامل دي. د ملګرو ملتونو مرستندویه... Читать дальше...

طالبان چې یو وخت‌یې د بودا مجمسې ویجاړې کړې وې، اوس په خپله د بودا د هغو مجسمو ساتنه کوي چې د لوګر د عینک د مسو د کان په سیمه کې د کېندنې په مهال موندل شوي دي. د طالبانو حکومت په ګډون په افغانستان کې پرله‌پسي حکومتونو د دغه کان په ګډون د افغانستان تر ځمکې لاندې زېرمو پورې ډېرې هیلې غوټه کړي چې د استخراج له لارې ترلاسه کېدونکی عاید به‌یې د افغانستان ډېرې اقتصادي ستونزې هوارې کړي. حکیم‌الله مبارز د طالبانو د هغې قطعې مشردی چې د لوګر د عینک د مسو د کان هغه لرغونې سیمه ساتي چې تر ځمکې لاندې کېندنو... Читать дальше...

د طالبانو حکومت د بي‌بي‌سي او د امریکا غږ پر خبري ټولګو چې د افغانستان یو شمېر محلي ټلوېزیوني چینلونو خپرول، بندیز ولګاوه. د بي‌بي‌سي مسؤلینو پرون یکشنبه وویل چې په پښتو، دري او ازبکي ژبو خبري ټولګې یې په افغانستان کې له څپو څخه لیرې کړای شول. د جرمني د ډي‌پي‌اې خبري اژانس د راپور له مخې دغه اقدام وروسته له هغې کېږي چې طالب چارواکو په افغانستان کې د بي‌بي‌سي ټلوېزیون همکارو ټلوېزیوني شبکو، شمشاد، اریانا او ارزو ته امر کړی و چې له خپلو څپو دې د دغې نړیوالې رسنۍ خپرونې لیرې کړي. بي‌بي‌سي له طالب چارواکو وغوښتل چې خپله پرېکړه بېرته واخلي. Читать дальше...