د افغانستان د ښځو فوټبال لوبډلې په کډوالۍ کې په لندن کې خپلې سیالۍ پيل کړې دي. دوی وايي د وطن یاد یې خوشالۍ او ارام ته نه پريږدي خو کوښښ کوي چې د فوټبال له لارې د خپل هېواد نوم لوړ وساتي. طالبانو د حکومت تر نيولو وروسته په افغانستان کې د ښځینه وو پر لوبو بندیز لګولی دی چې له امله یې ډيری لوبغاړې هېواد پرېښودلو ته مجبوره شوي دي. بشيرګواښ په دې اړه د اې ايف پي له ويډيو راپور جوړ کړی دی.
یو شمېر نجونې محصلانې وایي چې د لیلیې دننه امنیتي کمرې یې د طالبانو له لوري څارل کېږي او دې کار دوی اړې کړي چې د لیلیې دننه اجباري حجاب واغوندي او ان جورابې په پښو کړي. یو شمېر دغه محصلانو ازادي راډیو ته وویل، طالبانو دوی له خپلو اتاقونو بهر، ان د لیلیې په دهلېزونو کې د امنیتي کمرو له لارې څاري. یادې محصلانې وایي چې له تور رنګ پرته د نورو رنګونو حجاب د اغوستو اجازه نهلري او په وینا یې که حجاب وانهغوندي نو د لیلیې مسؤلانیې له لیلیې څخه په شړلو ګواښي. د نجونو محصلانو په وینا، د طالبانو تر... Читать дальше...
د بلوچستان په حب سيمه کې د سمندر پر غاړه د ګاډو د ځغل سيالي وشوه. دغه ځغل کې د سړو تر څنګ ښځو موټر چلوونکو هم برخه واخيسته. د دې ځغل لپاره ۵۰ کلوميټره لاره چمتو کړل شوې وه. نور حال په دې ويډيويي راپور کې.
د ماشومانو د ژغورنې سازمان (سېف د چلډرن) په خپل یو تازه راپور کې په افغانستان کې د ماشومانو د بد وضعیت په اړه اندېښنه ښودلې ده. دغه سازمان ویلي که نړۍ د افغان ماشومانو ترڅنګ ونهدرېږي او دوی سره مرستو ته دوام ورنهکړي په ۲۰۲۲ کال کې به په دغه هېواد کې ډېری ماشومان مړه شي. دغه سازمان نن د چهارشنبې په ورځ «۱۴۰۱ کال د وري ۱۰» په یوه بیان کې ویلي چې د اګسټ له ۱۵مې نېټې څخه تر اوسه پورې په افغانستان کې ۱۴ ملیونه ماشومان د لوږې له خطر سره مخ و چې مور او پلار یې د ژوندي ساتلو په خاطر له ښوونځي څخه ایستلي... Читать дальше...
د خيبرپښتونخوا په ډېره اسماعيل خان کې دريو نجونو د مارچ پر ۲۹مه مذهب ته د سپکاوي په تور د مدرسې يوه استاده يا ښوونکې وژلې ده. دا لومړی ځل نه دی چې په پاکستان کې مذهب ته د سپکاوي په تور يو څوک وژل کېږی بلکې په تېرو څلور مياشتو کې د دې تور پر اساس د وژنې دا څلورمه پېښه ده. البته دا ښايی لومړی ځل وي چې په دې هېواد کې ښځې يوه بله ښځه په دې تور وژني. پوښتنه دا ده چې ايا د ښځو لخوا مذهب ته د سپکاوي دا پېښه حېرانونکی رجحان دی؟ دا او ورسره تړلې نورې پوښتنې د مشال تر رڼا لاندې بحث کې څېړل شوې دي.
په داسې حال کې چې د پاکستان د وزيراعظم پر ضد د حکومت مخالفه ګوندونو لخوا د عدم اعتماد تحريک د هېواد سياسي فضا ګرمه کړې، د خزانې وزارت د دې هېواد د اقتصادي حالت د لا خرابېدو خبرداری ورکړی دی. دې وزارت د مارچ پر ۲۸مه د همدې مياشتې لپاره په خپل راپور کې ويلي چې د عدم اعتماد تحريک په نتيجه کې رامنځته شوی سياسي کړکېچ به د نورو مسلو ترڅنګ د وړې کچې د اقتصادي پرمختګ هڅې هم زيانمنې کړي. دا چې د پاکستان روان سياسي حالت د هېواد د اقتصاد کومې برخې زياتې اغېزمنې کړي او په نتيجه کې يې د عام وګړي په مشکلاتو... Читать дальше...
د افغانستان د خبریالانو فدراسیون وايي، په روانې مارچ میاشت کې د خبریالانو په وړاندې د تاوتریخوالي زیاتې پېښې شوې دي. دغه فدراسیون وايي د یادې میاشتې په اوږدو کې د طالبانو حکومت له لوري په دې هېواد کې له ۲۲ خبریالانو سره تاوتریخوالی شوی او لږ تر لږه ۵ غږیزې او انځوریزې رسنۍ تړل شوې دي. د افغانستان د خبریالانو د فدراسیون د رهبرۍ شورا غړي میر علي اضغر اکبرزاده د چهارشنبې په ورځ «۱۴۰۱ کال د وري ۱۰» په یو خبري کنفرانس کې وویل د رسنیو د تړل کېدو لاملونه تر ډېره مالي ستونزې دي. دی وايي د خبریالانو... Читать дальше...
د اوکراین مرستیال صدراعظمه ایرینا ویریشچوک وایي، روسي ځواکونه باید د چیرنوبیل د اټمي تأسیساتو له سیمې ووځي ځکه اوکرایني ځواکونو خبرداری ورکړی چې په سیمه کې د چاودېدونکو موادو د چاودنې خطر شته. نوموړې نن په یوه پیغام کې چې په ټولنیزو رسنیو یې خپور کړی د ملګرو ملتونو له امنیت شورا غوښتي چې سمدستي دې د چیرنوبیل د سیمې د غیر پوځي کولو لپاره سمدستي اقدام وکړي او د ملګرو ملتونو یو ځانګړی مأموریت دې وګوماري چې هغه خطرونه کم کړي چې پخوانۍ اټمي غمیزه بیا تکرار نهشي. په عین حال کې د نړیوالې اټمي انرژۍ... Читать дальше...
په بلوچستان کې د ځوانو ډاکټرانو اتحادیه له تېرو شاوخوا شپږو میاشتو راهيسې د خپلو غوښتنو لپاره پر هړتال ده چې له حکومت سره څو ځلې پر خبرو اترو سربېره هم جوړجاړي ته نه ده رسېدلې. د دوی هړتالونو د صوبې هغه کسان له ستونزو سره مخامخ کړي چې په شخصي روغتونونو کې د خپلو ناروغانو د علاج وس نه لري. اغېزمن کسان وايي، حکومت ته په کار ده چې د ځوانو ډاکټرانو غوښتنې ومني او ډاکټران هم بايد پر ولس رحم وکړي. د لورالايي اوسېدونکی جانان کاکړ یو له هغو ګڼو خلکو دی چې د بلوچستان په سرکاري روغتونونو کې د بیا بیا هړتالونو له کبله ځورېدلی دی. Читать дальше...
د امریکا د بهرنیو چارو وزارت تأیید کړه چې د افغانستان لپاره د امریکا ځانګړی استازی ټوماس وېسټ به په چین کې د افغانستان په اړه د ترویکاپلس په نوم غونډه کې ګډون وکړي. دا غونډه نن د افغانستان لپاره د چین، روسیې، امریکا او پاکستان د ځانګړو استازو ترمنځ جوړېږي. د امریکا د بهرنیو چارو وزارت ویاند وویل، متحده ایالات باور لري چې د دغې غونډې له برخهوالو هېوادونو سره ګډې ګټې لري چې طالبان عملاً وښیي چې د یوه ټولشموله حکومت د جوړولو، له ترهګرۍ سره د مبارزې او د افغانستان د اقتصاد د رغولو په برخو کې خپلې ژمنې عملي کوي. Читать дальше...
اوکرایني عسکر وایي دوی له کیيف سره نېږدې په یو کلي کې روسي عسکر پر شا تمبولي او له هغوی څخه یې ټانکونه او ځینې نورې وسلې نیولي دي. دا په داسې حال کې ده چې د اوکراین په یو شمېر سیمو کې سخته جګړه روانه ده. په دې اړه د مشال راډيو د اوکرایني څانګې ویډیويي راپور وګورئ.
د روسیې او اوکراین د استازو ترمنځ مخامخ خبرې چې پرون د ترکیې په استانبول کې ترسره شوې، یو څه پرمختګ پهکې شوی. که دواړه لوري یوې موافقې ته ورسېږي، ډیپلوماتان او ښایي د اوکراین او روسیې ولسمشران تر دوو اوونیو پورې سره وګوري. اوکراین پرون وویل، دا مني چې بېطرفه پاتې شي. کیف له دې مخکې هڅه کوله چې د ناټو غړیتوب ترلاسه کړي هغه چې مسکو یې په وړاندې سخت مخالفت څرګند کړی او پر اوکراین د بېدلیله یرغل یو دلیل هم ګڼل کېږي. خو د اوکراین د مرکچي پلاوي یوه غړي ډېوېډ اراخامیا په استانبول کې په یوه خبري... Читать дальше...
د بشري حقونو د څار نړیوال سازمان وايي، طالبانو د بایومټریک سیستم له لارې د زرګونه افغانانو ژوند له ګواښ سره مخ کړی. دغه سازمان نن چهارشنبه «۱۴۰۱ کال د وري ۱۰» په خپل یو تازه راپور کې ویلي طالبانو ته د تېر نظام څخه هغه دستګاوې او د کنټرول بایومټریک سیستمونه پاتې دي چې د تېر نظام د پوځیانو او کارکوونکو مهم معلومات لري چې بهرنیو هېوادونو ورسره مرسته کړې وه. دغه سازمان ادعا کړې چې طالبان د همدې سیستم له لارې د تېر نظام پوځیان په نښه او شکنجه کوي. طالبانو تر اوسه په دې اړه څه نهدي ویلي. د دغه... Читать дальше...
په افريقايي هېواد کانګو کې د یوه هېلي کاپټر نسکورېدو په پېښه کې د شپږو پاکستانیانو په ګډون اته سوله ساتونکي سرتېري وژل شوي دي. د ملګرو ملتونو او پاکستاني چارواکو په وینا دا پېښه د مارچ پر ۲۹مه مخې ته راغلې ده. د ملګرو ملتونو د سېکرېټري جنرل انتونیو ګوتېرېش یو ویاند په پېښه کې مخې ته راغلي تلفات تایید کړي او د وژلو شویو اتو واړو کسانو هویت یې په ډاګه کړی دی. په وژل شویو کې پر شپږو پاکستانیانو سربېره، یو یې له روسیې او بل له سربیا سره تړاو لري. د پاکستان پوځ وايي چې چورلکه د څارنې په ماموریت وه او تر اوسه یې د نسکورېدو دقیق دلیل نه دی معلوم.
"د مشال مرکه" کې دا ځل د مزدور کسان پارټۍ مشر افضل خاموش ميلمه دی. نوموړي له ۷۰مې لسيزې راهېسي د پاکستان په سياست کې فعال رول لوبوي او په همدي موده کې يې د پاکستان مزدور کسان پارټۍ بنسټ اېښی وو. دې ګوند په ۲۰۲۱ز کال کې په چارسده کې د پښتنو جرګه رابللې وه او د ۲۰۲۲ز کال په مارچ مياشت کې په "پښتون قامي جرګه" کې هم ګډون کړی وو. افضل خاموش وايي، په موجوده حالاتو کې د جرګو ارزښت ډېر زيات دی او باید د پښتنو ټول مشران خپلمنځې اختلافات ختم کړي او د ورپېښو ستونزو د حل لپاره متحد شي. نوموړی زياتوي، مشرانو ته پکار ده چې ځوانانو ته زياته پاملرنه وکړي. Читать дальше...
لوېدیځ د مسکو په هغې خبره شک لري چې ویلې یې دي، اوکراین کې په خپله خوښه ځیني پوځي فعالیتونه کموي. د اوکراین ولسمشر ولادمیر زلنسکي هم ویلي "اوکراینیان ساده خلک نهدي" چې د مسکو په دې ژمنو تېر وځي ځکه په خبرهیې د ماریوپول او نورو سیمو شااوخوا جګړه روانه ده. د جګړې د کمولو ژمنې او په تړاو یې شکونه داسې مهال راپورته کېږي چې مسکو او کیف پرون استانبول کې د جګړې د پای ته رسولو پر لارو چارو خبرې وکړې. د بریتانیا د پوځي استخباراتو څانګې نن وویل، روسي پوځیان د اوکراین د جګړې په ډګرونو کې تر درنو زیانونو... Читать дальше...
څلورو اروپايي هېوادونو پرېکړه کړې چې یو شمېر روسي ډيپلوماتان پر اوکراین د یرغل په تړاو روسیې ته د جاسوسۍ په تور له خپلو قلمروونو وباسي. هالنډ ۲۱، بلیجم ۱۷، چک جمهوریت یو او ایرلنډ ۴ روسي ډيپلوماتانو ته د وتلو ویلي دي. په دې هېوادونو کې د روسیې سفارتونو د دې پرېکړې پر وړاندې تند غبرګون ښودلی، دا یې یو غیر دوستانه عمل بللی او د ځوابي اقدام ژمنهیې کړې.
د کونړ ولایت د ماڼوګي ولسوالۍ په مرکز ننګلام کې تېر ماخوستن د ناپېژانده وسلهوالو په ډزو کې یو تن وژل شوی او یو بل ټپي دی. د کونړ د اطلاعاتو او کلتور سرپرست رئیس مولوي نجیبالله حنیف نن سهار ازادي راډیو ته وویل چې د ننګلام په بازار کې موټرسایکل سپرو وسلهوالو د ماڼوګي ولسوالۍ د ملي امنیت د پخواني مدیر میر احمد خان پر ورور او وراره چې لمانځه ته روان وو، ډزې کړي چې یو تن وژل شوی او یو بل يې ټپي دی. ښاغلی حنیف زیاتوي چې برید کوونکي د پېښې له ځایه پر تېښته بریالي شوي، خو هلته مېشت ځواکونهيې د موندلو په لټه کې دي. Читать дальше...
د کانګو په ډیموکراتیک جمهوریت کې د ملګرو ملتونو د سولهساتو ځواکونو اته سرتېري پرون هغه مهال ووژل شول چې هلیکوپټر یې د مأموریت پر مهال راوغورځېده. د ملګرو ملتونو د سرمنشي ویاند وویل چې په وژل شویو کې شپږ پاکستانیان، یو روسی او یو سربستانی سرتېري شامل دي. د هلیکوپټر د راغورځېدو علت تر اوسه نهدی معلوم.
بریتانیا د افغانستان لپاره د ملګرو ملتونو په نوښت د بسپنې د نړیوالې غونډې له جوړېدو یوه ورځ مخکې افغانانو ته د خوړو د برابرولو په هدف د ۳۷۴ ملیون ډالرو معادل یا د ۲۸۶ ملیون پوڼدو مرستې اعلان وکړ. د غونډې تنظیموونکي هیله لري چې مرستندوی هېوادونه به له افغانستان سره د ۴،۴ میلیارده ډالره مرستو ژمنه وکړي. د ملګرو ملتونو ویاند یینس لاییرک پرون وویل چې دا مرستې به پر افغانستان واکمنو طالبانو ته نه، بلکې د مرستندویو مؤسسو له لارې ولګول شي.
په داسې حال کې چې د افغانستان په سوهېل لويديزو ولايتونو کې کوکنارو ګل کړی، په راتلونکو څو ورځو کې به کروندګر د تریاکو راټولول پیل کړي. دا کروندګر وايي چې د نورو فصلونو کرونده یې مالي مشکلات نه شي هوارولای. که څه هم طالبانو د ۲۰۲۱ز کال په اګست مياشت کې واک ته تر رسېدو وروسته ژمنه کړې وه چې د کوکنارو پر کرلو به بندېز لګوي خو اوس وايي چې د روانو اقتصادي ستونزو له کبله دغه ژمنې نه شي عملي کولای او په دې لړ کې له نړیوالو د مالي مرستو غوښتنه کوي. تفصیل د اسوشیېټېډ پرېس په رپورټ کې
د ملګرو ملتونو د پراختیايي ادارې (یو اېن ډي پي) ادارې مشر اخیم شټاینر وایي، په افغانستان کې د اقتصادي بحران پراخوالي ته په پام نړیوالې ټولنې ته پهکار ده چې د دې هېواد ملاتړ ته دوام ورکوي. نوموړي دغه څرګندونې افغانستان ته د سفر په ترڅ کې پرون په کابل کې په یوه خبري کنفرانس کې وکړې. هغه وویل، ملیونونه افغانان مرستې او پیوستون ته اړتیا لري او د طالبانو حکومت باید وضعیت ته متوجه وي. ښاغلی شټاينر وايي: "زموږ لپاره د ملګرو ملتونو لپاره وخت اوس ډېر حساس دی او نړۍ باید د افغانستان اړتیاوې درک کړي،... Читать дальше...
ازبکستان د رېلګاډي د هغې پټلۍ د جوړولو کار پیل کړ چې افغانستان ته غځول کېږي او د پاکستان له لویو بندرونو سره نښلي. د راپورونو له مخې د اورګاډي د دغې پروژې لګښت پنځه میلیارده ډالره اټکل شوی او ترمز به له مزارشریف-کابل او پېښور سره نښلوي. د دغې پروژې د پانګونې د بورډ مشر محمد احسان په ترمز کې د دغې پروژې په درې اړخیزه کاري غونډه کې وویل چې د اورګاډي د پټلۍ دغه پروژه ډېره اقتصادي او هغه تر ټولو لنډه لاره ده چې منځنۍ اسیا به د افغانستان له لارې د پاکستان تر کراچۍ، ګوادر او قسیم بندرونو سره نښلوي. Читать дальше...
د اردن د فوټبال له ۲۳ کلنو کمعره ټیم سره د افغانستان د فوتبال د ملي ټیم دوستانه لوبه پرون د دعوا له امله لغوه شوه. د افغانستان د فوټبال فدراسیون ویاند فېروز مشعوف تېر ماښام ازادي راډیو ته وویل، دغه لوبه په ۸۰مه دقیقه کې لغوه شوه، خو نوموړي ونهویل چې دعوا په څه وه. د ټولنیزو شبکو یو شمېر کاروونکو ویلي، وروسته له هغې چې د دواړو ټيمونو د لوبغاړو ترمنځ جنجال وشو، ریفري د لوبې د لغوه کېدو اعلان وکړ. د جنجال په مهال لوبه یو د صفر په مقابل کې د اردن په ګټه روانه وه.
د خوړو نړیوال پروګرام (ډبلیو اېف پي) په افغانستان کې د خوړو د خوندیتوب د بحران د ژور کېدو خبرداری ورکوي. ډبلیو اېف پي دا خبره په افغانستان کې د خوراکي مصونیت په اړه د نوې څېړنې د موندنو په یوه راپور کې چې پر خپله وېبپاڼه یې خپور کړی، کړې ده. د دغې څېړنې نتیجه ښیي چې په اوس وخت کې په افغانستان کې ۲۳ ملیونه وګړي سخت د خوړو خوندیتوب نهلري او دغه بحران لا د ژور کېدو په حال کې دی. دغه سروې د روان میلادي کال په فبرورۍ کې ترسره شوې او نتیجهیې ښيي چې په افغانستان کې د خوړو او تغذیې وضعیت په دوامداره توګه د خرابېدو په حال کې دی. Читать дальше...