په وروستیو کې د افغانستان په نژدې نیمایي ولایتونو کې ورښتونه د سیلابونو سبب شول چې د سر او مال زیان یې واړاوه. په ګاونډي پاکستان کې هم سیلابونو تلفات اړولي دي. خلک له سیلونو څرنګه ځانونه ژغورلی شي او څرنګه د سیلونو له اوبو ګټه اخیستلی شي. په دې اړه د ازادي راډیو دا بحث کتلی شئ
د ښځینه فوټبال نړیوال جام لوبو په ترڅ کې نن سویډن د ایټالیا لوبډلې ته په پنځو ګولونو ماتې ورکړه. په بله لوبه کې فرانسې له برازیل څخه دوه د یوه په وړاندې لوبه وګټله. د نن ورځې په درېیمه لوبه کې چې د پاناما او جامیکا تر منځ وه، جامیکا یو ګول وکړ او دا لوبه یې یو د صفر په وړاندې وګټله. د ښځو د فوټبال نړیوال جام لوبې د نړۍ د دوه دیرش ملي لوبډلو ترمنځ په اتو ګروپونو کې د جولای په شلمه پيل شوې. د دې جام کوربانه، نیوزیلنډ او استرالیا دي او د اګسټ په شلمه به یې پایلوبه ترسره شي.
د طالبانو د بهرنیو چارو سرپرست وزیر امیرخان متقي له امریکایي چارواکو سره د خبرو لپاره د یوه پلاوي په مشرۍ نن دوحې ته ولاړ. ښاغلي متقي د کابل په هوایي ډګر کې وویل، چې له امریکایي لورې سره به د دوی پر حکومت د بندیزونو د لرې کیدو او پر یوشمیر نورو مسایلو په تړاو وغږیږي. تمه ده، چې د امریکا د متحد ایالتونو او د طالبانو د حکومت پلاوي به سبا د قطر په پلازمینه دوحه کې سره وګوري. د امریکایي پلاوي مشري د افغانستان لپاره د امریکا ځانګړی استازی ټام ویسټ او د بشري حقونو او افغان ښځو او نجونو په برخه کې د امریکا ځانګړې استازې رینا امیري کوي. Читать дальше...
په غزني ولایت کې سیمه ییزې سرچینې ادعا کوي، چې د جمعې په ورځ په دغه ولایت کې د طالبان لخوا په ډزو کې دوه کسه وژل شوي او یو شمېر نور ټپیان شوي دي. ځینو سرچینو له سیمې څخه ازادي راډیو ته د یو شمېر ویډیوګانو له استولو سره ادعا کړې، چې په غزني کې د عاشورا ورځې پر ویر کوونکو د طالبانو د پرونیو ډزو ځينې څنډې یې عکاسي کړي دي. په یوه ویدیو کې یو ځوان په ځمکه پروت دی او نور په تېښته کې ليدل کیږي. ويل کېږي چې دا ځوان په ډزو لګېدلى دی. له سيمې يوه سرچینه چې نه غواړي نوم یې په راپورکې خپور شي، ادعا کوي... Читать дальше...
د غزني اوسېدونکي وايي چې د طالبانو د ډزو په پایله کې د دوو ماشومانو په ګډون څلور تنه وژل شوي خو طالبان ادعا کوي چې ډزې ماتمچیانو کړي دي. همداراز طالبانو په کابل کې د عاشورا د ماتمچیانو د خورولو لپاره هوايي ډزې کړې دي.
له شاوخوا ۶۷۷ ورځو راهیسې ښوونځي له شپږم ټولګي څخه د پورته نجونو پر مخ تړل شوي او طالب چارواکو د ښوونځیو د تړلو لپاره بېلابېلې بهانې وړاندې کړي دي. تازه د طالبانو د حکومت د بهرنیو چارو وزارت مرستیال شېرمحمد عباس ستانکزي، د جمعې په ورځ د کابل ښار په دشت برچي سیمه کې د عاشورا په مراسمو کې وویل، چې د نجونو د تعلیم په اړه ان د خلکو تر منځ هم اختلاف شته. هغه، چې وخت په وخت په خپلو خبرو کې ټولو افغانانو لپاره د زده کړې د حق غوښتنه کړې، يو ځل بيا يې د ټولو پر مخ د ښوونځيو د دروازو د خلاصېدو غوښتنه وکړه. Читать дальше...
د طبعي ناورینونو پر وړاندې د مبارزې ادارې (پي ډي ایم اې) ویاند مقبول جعفر د جولای پر ۲۹مه مشال راډیو ته وویل چې له د جون له ۱۹مې تر ۲۹مې د شویو بارانونو له وجې په بلوچستان کې لږ تر لږه ۱۰ تنه مړه،۱۳ ژوبل او ۲۲۳ کورنو ته لږ یا ډېر تاوان رسېدلی.
په داسې حال کې چې په راتلونکو ورځو کې، ۳۵ درجو ته د کابل د تودوخې د لوړیدو وړاندوینه شوې؛ د برېښنايي وسایلو په ځانګړې توګه د یخولو د وسایلو یو شمېر پلورونکي د ګرمۍ د معمول خلاف، د توکیو د پلور له کموالي شکایت کوي. ياد هټیوال چې د نادر پښتون واټ پر سر د یخچالونو، فریزرونو او کولرو په ګډون د یخې هوا جوړولو بېلابېل وسایل پلوري، وايي چې د تېر جمهوري نظام د وروستیو کلونو په پرتله یې په پلور کې پنځوس سلنه کموالی راغلی دی. د بشیر احمد په نوم یوه هټۍ وال ازادي راډیو ته وویل:"ځکه چې په هغه وخت کې د خصوصي... Читать дальше...
شمالي کوریا ته د سرګي شویګو له رسیدو وروسته د امریکا د بهرنیو چارو وزیر انتوني بلېنکن ویلي، روسیه هڅه کوي چې په نړۍ کې له خپلو ټولو متحدانو وسلې واخلي. د فرانس پرس خبري اژانس د راپور پر بنسټ، بلېنکن نن په استرالیا کې خبریالانو ته ویلي، هغه ګوري چې روسیه په هرځای کې د ملاتړ او وسلو د ترلاسه کولو په هڅه کې ده، څو وکولای شي په اوکراین کې خپله جګړه وغزوي. بلېنکن د روسیې د وسلو د ترلاسه کولو په هڅه کې ایران ته هم اشاره کړې، چې په خبره يې ډېر شمېر بې پیلوټه الوتکې يې روسیې ته ورکړې دي. د امریکا د... Читать дальше...
د قدرتي افتونو د نظم ادارې (پي ډي اېم ای) د جولای پر ۲۸مه وویل چې د سکهرـ کوټې ترمینځ غځېدلي سړک یوه برخه د بلوچستان په سبي (سیوۍ) کې سیلابي اوبو وړې چې له امله یې د سیند او بلوچستان ترمینځ ځمکني اړیکه پرې شوې ده.
په داسې حال کې چې په افغانستان کې د طالبانو د بیاځلي واکمنۍ له پیل وروسته بې کاري او بې وزلي تر بل هر وخت زیاته شوې ده، د ملګرو ملتونو د ماشومانو د ملاتړ وجهي صندوق[ یونیسف] وايي په دې هیواد کې بشري مرستو ته د اړمنو افغانانو په شمېر کې زیاتوالی راغلی دی. دغه بنسټ په خپل تازه راپور کې چې نن خپور شو ویلي، د روان ۲۰۲۳ کال په جنوري میاشت کې مرستو ته د اړمنو کسانو شمېر اته ویشت عشاریه ۳ میلیونه وو، خو په مې میاشت کې دا شمېر ۲۹ عشاریه ۲ میلیونه کسانو ته رسېدلی دی. په راپور کې راغلي دي چې د روان میلادي... Читать дальше...
دا اوونۍ مو په مشال مرکه کې په اسلام اباد کې مېشت خبریال او د سياسي چارو شنونکی حسن خان مېلمه کړی دی. نوموړی له ۹۰مې لسيزې راهيسي صحافت کوي. حسن خان وايي، په پاکستان کې جمهوري ادارې کله هم پياوړي کېدو ته نه دي پرېښودل شوي ځکه چې نور قوتونه له دې ګټه پورته کوي. نوموړی وايي، له پاکستان تحريک انصاف ګوند څخه لرې کړل شوو يا جلا شويو غړيو چې کوم نوي ګوندونه جوړ کړي، ګټه یې جمهورې نظام ته نه رسيږي. بشپړه مرکه واورئ.
د اسلامي دولت یا داعش ډلې د سوریې په دمشق کې د پنجشنبې ورځې د بمي بریدونو مسوولیت په غاړه واخیست. په دغو بریدونو کې ۶ تنه ووژل شول. داعش پرون (جمعه) په خپله اعماق ویبپاڼه کې اعلان کړی، چې د پنجشنبې په ورځ د دوی څو تنه بریالي شول چې د سیده زینب په سیمه کې د سوریې د امنیتي ځواکونو او ملېشو امنیتي کمربندونه مات کړي. د سیده زینب سیمه د دمشق په جنوب کې ده او د شیعه زیارت کوونکو تر ټولو مشهوره مېنه ګڼل کېږي. داعش ادعا کړې چې په دې بمي برید کې یې ۱۰ تنه وژلي او ۴۰ نور ژوبل کړي دي. خو د... Читать дальше...
ملګري ملتونه چې له مالي ستونزو سره مخامخ شوي، په نړۍ کې میلیونونو کسانو ته مرستې دروي. دا خبره د ملګروملتو یوه چارواکي پرون (جمعه) وکړه. د خوړو د نړیوال پروګرام یا ډبلیو ایف پي مرستیال کارل سکاو په یوه خبري غونډه کې وویل، د هغو ۸۶ هیوادونو په منځ کې چې د ملګروملتو د خوړو نړیوال پروګرام پکې فعال دی، لږترلږه په ۳۸ هیوادونو کې یې مرستې کمې شوي او یا به ژر کمې شي. په دغو هېوادونو کې افغانستان، سوریه، یمن او لوېدیځه افریقا هم شامل دي. د پنجشنبې په ورځ په افغانستان کې د خوړو د نړیوال پروګرام... Читать дальше...
په برېتانیا کې د مسلمانانو تر ټولو په ستره کالنۍ غونډه کې به شاوخوا ۴۰ زره تنه ګډون وکړي. دا غونډه پرون(جمعه) د همپشایر په اوکلنډ فارم الټن سیمه کې پیل شوې او د یکشنبې تر ورځې دوام کوي. د دې غونډې یو برخوال فرازاحمد، چې سهار وختي یې ځان هلته رسولی وايي، دا غونډه له دې سره مرسته کوي چې د اسلام په اړه ناوړه تعبیرونه پای ته ورسیږي او نړیوالو ته وښودل شي چې مسلمانان څه ډول عقاید لري. دا په برېتانیا کې د مسلمانانو ۵۷ مه ستره کالنۍ غونډه ده. دا غونډه د ۵ زره رضاکارو په مرسته جوړېږي.
روسیې تېره شپه په دنیپرو ښار کې د اوکراین پر امنیتي دفتر توغندی وویشت چې له کبله یې یوې هستوګنې ودانۍ ته زیان واوښت. د روسیې په دې برید کې د دوو ماشومانو په ګډون ۹ تنه ژوبل شوي دي. د اوکراین ولسمشر ولودیمیر زیلینسکي دا حمله غندلې او هغه راکټي ترهګري بللې ده. په وروستیو کې د روسیې ورته بریدونه زیات شوي، چې عامو خلکو ته هم د مرګ ژوبلې خبرونه پکې ورکول کیږي. د دې ترڅنګ، وخت په وخت د روسیې خلاف هم ورته بریدونه زیات شوي، چې مسکو یې مسوولیت اوکراین ته راجع کوي.
د طالبانو حکومت د ترافیک پولیسو عمومي ریاست د دې موضوع په تایید سره وايي، چې د ترافيکي اشارو د نصبولو پروژه یې له پلازمینې کابل شروع کړې او ولایتونو کې به هم پیل شي. دا په داسې حال کې ده، چې د کابل ښار ترافیک پولیس له خپل ستونزمن کار شکایت کوي. دوی وايي، د ترافیکي اشارو نه شتون د دوی کار سخت کړی دی. د کابل ښار یو ترافیک پولیس، فرید ازادي راډیو ته وویل: "مونږ ډيرې زياتې ستونزې لرو، که چیرې ترافیکي اشارې واوسي، مونږ ته ډیر اسانه کېږي، ځکه چې ډریور پوهېږي چې دلته چهار راهي ده، دلته پیاده رو دی،... Читать дальше...
د سعودي عربستان او اسراییل ترمنځ د اړیکو د عادي کولو په اړه په جده کې له سعودي چارواکو سره د امریکا د ملي امنیت د سلاکار له خبرو وروسته د امریکا ولسمشر جو بایډن پرون (جمعه وویل) چې ښايي موافقه وشي. ښاغلي بایډن چې د مین ایالت په فري پورټ ښار کې د خپل انتخاباتي کمپاین پلویانو ته وینا کوله، وویل: " احتمال شته چې اړیکې بېرته عادي شي." ده د دوو خواوو ترمنځ د احتمالي جوړجاړي جزییاتو ته اشاره ونه کړه. امریکايي چارواکي له څو میاشتو راهیسي د اسراییل او سعودي عربستان ترمنځ د تاریخي جوړجاړي په لټه... Читать дальше...
د خیبر پښتونخوا د چارسدې په ابازیو (ابازو) کې امونه پاخه شوي دي خو باغوانان وايي چې سږ کال بې وخته او زیاتو بارانونو د امونو باغونه زیانمن کړي. په پاکستان کې زیات امونه په سیند او پنجاب کې کېږي او په خیبر پښتونخوا کې یوازې په چارسده کې زیات پیدا کېږي. د ابازیو امونو په اړه ویډیويي رپورټ.
په کابل کې لسګونه کسان هره ورځ سنوکر کلبونو ته ځي. د افغانستان د سنوکر او بلیارد فدراسیون وايي، له یوه کال کمه موده کې په کابل کې تر شلو ډېر سنوکر کلبونه جوړ شوي چې دا سپورټ ته د ځوانانو زیاته علاقمندي ښيي. نور په ویډیو کې:
واشنګټن ایکزامینر: واشنګټن ایکزامینر امریکایۍ ورځپاڼې په خپله پرونۍ ګڼه کې یوځل بیا له افغانستانه د امریکايي سرتېرو د وتلو له کبله د ولسمشر جوبایډن پر ادارې انتقادونو ته کتنه کړې. د ورځپاڼې د لیکنې له مخې پخواني امریکايي پوځیان له افغانستانه د سرتېرو په ایستلو کې د بې نظمۍ پړه د بایډن پر ادارې اچوي. ورځپاڼه لیکي، د پوځ د مرکزي قرارګاه پخواني درستیزوال متقاعد ډګروال سِت کرومریچ، په افغانستان کې د محاربې یوه قوماندان متقاعد ډګروال کریستوفر کولیندا او بریدګي جیکب سمیت د تېرې پنجشنبې په ورځ د استازو... Читать дальше...
د طالبانو د بهرنیو چارو د وزارت سیاسي مرستیال وایي چې د افغانستان هوایي قلمرو د امریکا متحده ایالاتو ترڅنګ د نورو او له هغې ډلې د ګاونډیو هېوادونو په لاس کې دی. شیر محمد عباس ستانکزي د جمعې په ورځ د کابل په دشت برچي کې د عاشورا مراسمو یوې غونډې ته وویل: " تاسو ګورئ چې اوس هم زموږ پر سر بهرنۍ الوتکې ګرځي، دا یوازې د امریکا بې پيلوټه الوتکې نه دي، زموږ د ګاونډیانو ډرون هم دي چې ګرځي راګرځي خو موږ هغه حالت ته نه یو رسیدلي چې مخه یې ونیسو. " ستانکزي زیاته کړه، د دې الوتکو مخه هغه وخت نیول کیدای شي... Читать дальше...
تمه ده چې د قطر په پلازمینه دوحه کې امریکایي پلاوی د طالبانو له پلاوي سره سبا او بل سبا خبرو ته کښیني. د امریکایي پلاوي مشري به د افغانستان لپاره د امریکا ځانګړی استازی ټوماس ویسټ او د افغان ښځو او بشري حقونو لپاره ځانګړې استازې رینا امیري کوي. د امریکا د بهرنیو چارو د وزارت په خبرپاڼه کې راغلي دي چې امریکایي پلاوی به د طالبانو له استازیو او د افغانستان د مهمو وزارتونو د مسلکي تکنوکراتانو له یوه پلاوي سره د افغانستان اړوندو مهمو مسایلو باندې خبرې وکړي. د طالبانو د پلاوي مشري د دوی د بهرنیو چارو سرپرست وزیر امیرخان متقي کوي. Читать дальше...
د نایجر هغو پوځيانو چې ولسمشر یې له واکه لرې کړ، څو ساعته وروسته تر دې چې جنرال عبدالرحمان چیاني د دوی ننګه وکړه، دی د دولت د مشر په توګه اعلان کړ. پوځيانو له خپل ملت او نړیوالو وغوښتل چې د دغه نوي حکومت ملاتړ وکړي. یوه ویاند پرون وویل، چې اساسي قانون تعلیق شوی او واک د چیاني په لاس کې دی. د تیرې اونۍ په پيل کې د ولسمشر محمد بازوم ساتونکو کودتا وکړه. بازوم دوه کاله مخکې د ټاکنو له لارې واک ترلاسه کړ. په نایجر کې کودتا په داسې وخت کې شوې ده، چې په دغه هېواد کې د د سیاسي کړکېچ له امله د... Читать дальше...
د اسلامي همکاریو سازمان او اسلامي پراختیایي بانک د افغاني سرې میاشتې له یوه روغتون سره د مرستو خبر ورکړ. د دغو بنسټونو استازیو پرون په سعودي عربستان کې وویل، چې د افغاني سرې میاشتې له هغه روغتون سره به چې پکې د هغو ماشومانو درملنه کیږي چې زړونه یې سوري شوي وي مالي او تخنیکي مرستې وکړي. د افغانستان لپاره د اسلامي پراختیایي بانک ځانګړي سلاکار محمد بن جمال ساعتي وایي چې د افغانستان د روغتیا، پوهنې او د څښاک د اوبو په برخو کې اسلامي پراختیایي بانک یو مرستندوی صندوق جوړ کړی دی چې تر اوسه پکې دوه دېرش میلیون ډالره راټول شوي دي.