COVID-19 keseliniň ýokdugyny aýdýan Türkmenistan ýurduň iň uly karantin zonasyny dikeldýär we ýaýbaňlandyrýar. Türkmenabatdaky karantiniň göwrüminiň giňeldilmegi Bütindünýä saglyk guramasynyň wekilleriniň Türkmenistandaky ýagdaýy öwrenmek üçin sapar etmegi planlaşdyrýan wagtynda, şeýle-de halkara howa gatnawynyň ýola goýulmagyna garaşylýan pursadyna gabat geldi.
“Men Amerikany söýýärin, ýöne meniň ösüşine goşant goşmaly öz ýurdum bar”, “Men örän watansöýer adam. Men [öz ýurduma] yza dolanmak we [ösüşe] ýardam bermek isleýärin”, “Türkmenistanda syýasat totalitar” – bu sözler ABŞ-da ýokary bilim alýan türkmenistanly student Bossan Abdyýewa degişli.
Lebap welaýatynyň merkezi Türkmenabat şäherinde adamlaryň ýerli häkimiýetleriň tebigy harasatyň netijelerini heniz hem aradan aýyrmaýandygyna we bu ugurda ilata ýardam etmeýändigine nägilelik bildirip protest geçireninden soňra, ýerli häkimiýetler şol günüň özünde harasatyň netijesinde zeper ýeten jaýlary dikeldip we ýerzeminlere ýygnanan suwlary çykaryp başladylar. Bu barada garaşsyz turkmen.news neşiri habar berýär.
Türkmenistanyň raýatlary ýurduň Stambuldaky ilçihanasynyň öňünde protest geçirip, türkmen hökümetiniň heläkçilikli harasatyň netijelerinden ejir çekýän halkyny goldamazlygyna protest bildirdiler. "Türkmenistan birleşeli" toparynyň Facebookdaky sahypasynda 15-nji maýda çap bolan maglumata görä, Türkmenistanyň Stambuldaky ilçihanasynyň öňündäki protest aksiýasyna 20-den gowrak adam barypdyr hem-de Lebap we Mary welaýatlaryna goldaw bildirip, gül goýupdyr. Türkmenistanyň Lebap we Mary welaýatlarynda 27-nji aprelde bolan güýçli tupan zerarly... Читать дальше...
Russiýanyň media gözegçisi “Roskomnadzor” Google-dan “MBH Media” garaşsyz internet neşiriniň web sahypasynda çap edilen hem-de ýurtda koronawirusdan ölenleriň sany boýunça resmi maglumatlara jedelli çemeleşýän makalany petiklemegi sorady.
Russiýa Moskwada we Sankt-Peterburgda COVID-19 hassalarynyň ölümine getiren hassahana ýangynlary bilen ilteşdirilýän ýerli wentilýatorlaryň ulanylyşyny togtatdy. Geçen aý Russiýanyň Birleşen Ştatlara satan rus lukmançylyk enjamlarynyň arasynda “Aventa-M” kysymly bu wentilýator hem bardy, ýöne olar ABŞ-da ulanylmady.
Jon Hopkins uniwersitetiniň maglumatlaryna görä, dünýäde koronawirus ýokaşmasyndan ölenleriň sany 300 müňden geçdi. Epidemiýa başlaly bäri dört milliondan gowrak adamda täze görnüşli wirus ýokaşmasy ýüze çykaryldy, 1 million 700 müňe ýakyn näsag bu dertden gutuldy. COVID-19 näsaglarynyň sany boýunça öňdeligi ABŞ eýeleýär. Bu ýurtda bir million 400 müňden gowrak adamda wirus diagnozy tassyklandy. 85 müňden gowrak näsag bu dertden heläk boldy. Wirus ýokaşmalary boýunça ikinji orunda Orsýet durýar. Читать дальше...
Koronawirus ýokaşmalarynyň ýaýramagy we okuwçylaryň uzak aralykdan okadylmagy bilen baglylykda bu ýyl geçiş synaglary ýatyryldy diýip, Gyrgyzystanyň bilim we ylym ministriniň orunbasary Nadira Žusupbekowa 15-nji maýda aýtdy. “Geçiş synaglaryndan hemmeler geçip bilmedi we uzak aralyk okuw şertlerinde okuwçylar umumy netijelere, gözegçilik işleriniň netijelerine we goşmaça işleriň netijelerine görä bir klasdan beýlekisine geçirilip bilner. Mekdebi tamamlaýanlaryň döwlet synaglaryna hem üýtgetmeler girizildi. Читать дальше...
Özbegistanyň Adalat ministrligi Gülnara Kerimowanyň Fransiýadaky emläklerinden 10 million dollar möçberindäki serişdäniň Özbegistana, yzyna gaýtarylandygyny habar berdi. "Özbegistanyň Adalat ministrliginiň we Baş prokuraturasynyň, ygtyýarly edaralarynyň gatnaşmagynda, 2020-nji ýylyň 14-nji maýynda Gülnara Kerimowanyň emlägini ýurda gaýtaryp bermek baradaky tagallalar netijesinde, onuň Fransiýadaky 10 million dollarlyk emälgi Özbegistana gaýtaryldy" diýip, Adalat ministrliginiň beýannamasynda aýdylýar. Читать дальше...
Koronawirus epidemiýasyna garşy göreşmek üçin derman serişdeleriniň taýýarlanylmagyna gözegçilik edýän amerikan agentliginiň öňki müdiri Kongrese möwsümleýin dümewiň ýaýramagyna we ikinji COVID-19 tolkunyna taýynlyk görülmese, ýurduň heläkçilikli gyş bilen ýüzbe-ýüz boljakdygyny duýdurdy. Biomedikal ýokary gözleg we ösüş edarasynyň (BARDA) öňki müdiri, doktor Rik Braýt bu sözleri 14-nji maýda, Wekiller öýüniň Energetika we söwda komitetiniň öňünde geçirilen diňlenişikde aýtdy. Braýt şu aýda... Читать дальше...