Bişkek kazyýeti ýurtda AÝ/AR-nyň işini togtatmak baradaky karary ýatyrdy

Bişkek şäher kazyýeti Lenin etrap kazyýetiniň aprel aýynda Azatlyk radiosynyň Gyrgyz gullugynyň işini togtatmak barada çykaran kararyny ýatyrdy.


Azattyk radiosy gyrgyz-täjik serhediniň dawaly böleginde bolan çaknyşyklar baradaky wideony aýyrmakdan ýüz öwrenden soň, gyrgyz kazyýeti radionyň Gyrgyzystandaky işini togtatmak barada karar çykarypdy.


Kazyýet 12-nji iýulda, Azattyk radiosynyň şikaýaty boýunça geçiren diňlenişiginden soň, Medeniýet ministrliginiň haýyşy esasynda çykarylan kararyň ýatyrylýandygyny yglan etdi.


Gyrgyz häkimiýetleri oktýabr aýynyň aýagynda, AÝ/AR-nyň “Häzirki zaman” neşiriniň “Amerikanyň sesi” bilen hyzmatdaşlykda düşüren wideosyny wep sahypasyndan aýyrmakdan ýüz öwüreninden soň, Azattyk radiosynyň gyrgyz we rus dillerindäki web sahypalaryny petikledi.