Partlama habarlary arasynda Krym köprüsindäki ulag gatnawy togtadyldy

Russiýany Moskwa bilen baglanyşdyrýan köpriniň üstündäki ulag hereketi 17-nji iýulda irden, "adatdan daşary ýagdaý" sebäpli togtadyldy diýip, Moskwa tarapyndan bellenen sebit häkimi Sergeý Aksýonow partlama habarlarynyň arasynda telegramda aýtdy.


"Ol ýerde Krasnodar çäginden 145-nji sütüniň töwereginde adatdan daşary ýagdaý ýüze çykdy. Hukuk goraýjy edaralar we ähli jogapkär hyzmatlar iş üstünde" diýip, Aksýonow aýtdy.


Russiýanyň Krasnodar sebitiniň ulag resmileriniň habar bermegine görä, köpriniň girelgesindäki dykynyň uzynlygy takmynan 3 km.


Krasnodar häkimiýetleri köpriniň üstünde bir çaganyň ýaraly bolandygyny aýtdylar.