Татарстанда психик авырулы ата кеше кечкенә улын металл трос белән буып үтергән
1 гыйнвар көнне Биектау авылында фаҗига булган. Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте.
Якынча мәгълүматларга караганда, табиб-психиатрда исәптә торучы 34 яшьлек ир-ат үзенең 7 яшьлек улын металл трос белән буып үтергән.
«Үтерү» маддәсе буенча җинаять эше кузгатылган. Якын арада ир-атка карата чик кую чарасы сайланачак.