Россиядә 80 мең баланың әти-әнисенә бердәм пособие рәсмиләштерелгән
Россиядә яшәүче 17 яшькә кадәрге 80 мең баланың ата-анасы бердәм пособие рәсмиләштергән. Гаиләләр беренче түләүләрне киләсе атнада ук алачак. Бу хакта Социаль фондның матбугат хезмәте хәбәр итә.
Билгеләп үтелгәнчә, бүгенгә 670 мең гариза кергән. Алар 28 декабрьдә дәүләт хезмәтләре порталында кабул ителә башлады, ә 4 гыйнварда ата-аналар фондның клиент хезмәтенә мөрәҗәгать итә ала иде.
«Социаль фонд бүлеге бирелгән гаризаларын 3 гыйнварда карый башлады һәм хәзерге вакытта 17 яшькә кадәрге 80 мең балага түләүне хуплады», диелгән ведомство сайтында.
Ноябрь ахырында Россия Президенты Владимир Путин балалы гаиләләр өчен бердәм пособие турындагы законга кул куйды.