Түбән Камада яңа ел каникулларында иллегә якын сабый дөньяга килгән
Яңа ел каникуллары вакытында Түбән Каманың бала тудыру йортында 48 сабый дөньяга килгән. Бу хакта перинаталь үзәк һәм балалар хастаханәсендә хәбәр иттеләр.
Дөньяга килгән балаларның 25е — кыз һәм 23е — малай. Ике гаиләдә игезәкләр туган. Бу хакта «Туган як» сайтында хәбәр ителә.
«Без яшь ата-аналарны шундый күңелле Яңа ел бүләкләре белән котлыйбыз! Зур, көчле һәм бәхетле үсегез», — дип теләде табиблар.