Миңнеханов Ринат Садыйковны яшьләр эшләре министры итеп билгеләү турында указга кул куйды
Ринат Садыйков Татарстан Яшьләр эшләре министрлыгын җитәкләде. Республика Президенты Рөстәм Миңнеханов шул хактагы указны имзалады.
«Садыйков Ринат Наил улын яшьләр эшләре министры итеп билгеләргә», - диелә хокукый мәгълүмат порталында урнаштырылган документта.
Бүген иртән Татарстан Премьер-министры Алексей Песошин яңа җитәкчене коллективка тәкъдим итте. Ул яңа министрның, вакыт сынауларын исәпкә алып, яшьләр ведомствосы алдына куелган бурычларны хәл итү эшен лаеклы рәвештә дәвам итәчәгенә ышаныч белдерде.
Моңарчы яшьләр эшләре министры вазифасын биләгән Тимур Сөләйманов Татарстан Президентының ярдәмчесе итеп билгеләнде һәм республикада «Беренчеләр хәрәкәте»н җитәкләде.