Азербайҗанда Әлфия Авзалованы искә алдылар
15 гыйнвар көнне Азербайҗанның Баку шәһәрендә яшәүче милләттәшләребез татар халкының легендар җырчысы, ТАССРның халык, РСФСРның атказанган артисткасы, Габдулла Тукай исемендәге Дәүләт премиясе лауреаты Әлфия Авзалованың тууына 90 ел тулуга багышланган чара уздырды.
«Әлфия Авзалованың арабыздан киткәненә дә биш елдан артык вакыт узса да, аның җырлары халкыбыз күңелендә саклана. Әлеге искә алу чарасы моңа дәлил булып тора. Олы буын вәкилләре белән беррәттән, яшьләр дә Әлфия Авзалова җырларын башкарды», дип хәбәр итә Бөтендөнья татар конгрессы матбугат хезмәте.