Әскәр Абдразаков Россия Мәдәният министрлыгы каршындагы Иҗтимагый совет составына керде
Башкорт опера һәм балет театрының сәнгать җитәкчесе, Россиянең атказанган артисты, Башкортстанның халык артисты Әскәр Абдразаков Россия Мәдәният министрлыгы каршындагы Иҗтимагый совет составына керде. Бу хакта «Башинформ» яза.
РФ мәдәният министры Ольга Любимова тиешле боерыкка 2022 елның 12 декабрендә кул куйган.
Россия Мәдәният министрлыгы каршындагы Иҗтимагый совет составына танылган иҗади шәхесләр, мәдәният оешмалары вәкилләре керә. Әскәр Абдразаков Россия мәдәният хезмәткәрләре һөнәри берлегенең Башкортстандагы республика оешмасын тәкъдим итә.