Чаллы прокуратурасы автобус йөртүчесенең яшүсмерне кыйнавы турындагы мәгълүматны тикшерә
Бүген социаль челтәрләрдә Чаллыда маршрут такси йөртүчесенең балигъ булмаган яшүсмер белән конфликтка керүе күренеп торган видео чыкты.
Шоферның яшүсмерне юл өчен түләмәгәне өчен кыйнавы фаразлана.
ТР прокурорының өлкән ярдәмчесе Руслан Галиев «Татар-информ» хәбәр иткәнчә, прокуратура әлеге мәгълүматны тикшерә. Аның нәтиҗәләре буенча карар кабул ителәчәк.