Лаеш районында җиңел машина белән микроавтобус бәрелешкән
Бүген иртән Татарстанның Лаеш районында җиңел машина һәм микроавтобус бәрелешкән. «Татар-информ» мәгълүмат агентлыгына бу турыда авария урынында булучылар хәбәр итте.
Авария Казан – Оренбург трассасының 38нче чакрымында булган. Егорьево авылы янында «Хендай Акцент» автомобилен йөртүче каршы як полосага чыккан һәм анда «Фольксваген Крафтер» белән бәрелешкән.
Бәрелүдән соң микроавтобус трассадан төшеп киткән, ике автомобильнең дә йөртүчесе җитди зыян күргән, һәлак булучылар юк.
Коткаручылар «Хендай» йөртүчесен машинасыннан чыгарган һәм табибларга тапшырган. 56 яшьлек ир-атны Республика клиник хастаханәсенә салганнар.