Чаллыда авариядә ике кеше имгәнгән
Бүген төнге сәгать 2дә Чаллыда Тынычлык проспектында юл-транспорт һәлакәте булган.
«Татар-информ»га республика Дәүләт автоинспекциясендә сөйләүләренчә, «Лада»ның 40 яшьлек йөртүчесе иминлек тизлеген сакламаган, юл кырыена чыгып җир асты юлы диварына бәрелгән. Бәрелүдән соң автомобиль әйләнеп капланган.
«Юл-транспорт һәлакәтендә йөртүче һәм 39 яшьлек пассажир имгәнгән. Аларны Ашыгыч медицина ярдәме хастаханәсенә китергәннәр. Авария килеп чыгу сәбәпләрен ачыклыйлар», - диделәр ЮХИДИ идарәсендә.