Сахалиндагы татар хәрбиләренә республика флагын тапшырдылар
Сахалиннан махсус хәрби операциягә китүче татарларга Бөтендөнья татар конгрессыннан республика флагын тапшырдылар. Хәрбиләр аны үзләре белән алачак.
«Хәзер Татарстан егетләре полигонда, без аларга бу флагны бүләк итәбез. Әлбәттә, хәрбиләр җиңү өчен тырышачак. Бөтендөнья татар конгрессына флаг өчен рәхмәт. Бу безнең егетләр белән махсус хәрби операция зонасына бара торган беренче флаг түгел», - дип сөйләде «Сахалин өлкәсе татарлары төбәк милли-мәдәни автономиясе» иҗтимагый оешма советы рәисе Зәкия Вәлитова
Хәрбиләр Татарстанга сәлам әйтте. «Без җиңәчәкбез!» - дип вәгъдә итте алар.
Искәртик, узган елның декабрь азагында мобилизацияләнгән татарларны Сахалиннан шулай ук республика флагы биреп озаттылар. Утрауда барлыгы 5 меңгә якын татар яши.