Казанда чүкеч белән хатын-кызга һөҗүм иткән кеше тоткарланган
Казанда Краснококшайская урамындагы йортларның берсе янында хатын-кызны үтерүдә шикләнелгән ир-ат тоткарланган.
«Татар-информ»га билгеле булганча, шикләнелгән ир-ат Skoda автомобиленә утырып качкан. Аны кичә Павлюхин урамындагы гипермаркетларның берсе янында тоткарлаганнар. Шикләнелгән ир-атны полиция бүлегенә китергәннәр.
Билгеле булганча, аңа 54 яшь. Ул күрсәтмәләр бирми. Фаҗига ир-ат белән хатын-кыз арасындагы акча конфликты аркасында килеп чыккан булырга мөмкин.
«Татар-информ» хәбәр иткәнчә, 26 гыйнварда Казанның Краснококшайская урамының 846нчы йорты подъезды янында ир-ат хатын-кызга һөҗүм иткән. Ул хатын-кызның башына чүкеч белән суккан һәм качкан. Имгәнгән хатын-кыз хастаханәдә үлгән.