Казанда яшәүчеләр Парин урамында тугыз катлы йорттагы янгынны видеога төшергән
Казан кешеләре Парин урамындагы тугыз катлы йортта бер фатир януын видеога төшергән.
Дүртенче каттагы фатир балконыннан төтен чыгуы турында хәбәр 11.56 сәгатьтә килгән. Россия Гадәттән тыш хәлләр министрлыгының Татарстан Республикасы буенча Баш идарәсендә «Татар-информ»га шул турыда хәбәр иттеләр.
Урынга килгән янгын сүндерүчеләр фатирга махсус баскычтан менгән һәм сулыш аппаратлары киеп кергән.
Билгеле булганча, бинада 8 квадрат метр мәйданда мебель янган. Янгында берәү дә зыян күрмәгән. Ялкынны тиз арада сүндергәннәр.