Кыштын кыраан чилдесинде Москвадан Ноокаттын алмасын табасың десе эч ким ишенбейт. Бирок ишкер Эшмырза Идаев төрт жылдан бери Ноокаттын алмасын Орусиянын баш калаасына ташып, журтташтарды тааныш даам менен сүйүнтүп келет.
Укук коргоочу, жарандык активист Рита Карасартова мурдагы саламаттык сактоо министри Талантбек Батыралиев камалса, ачкачылык жарыялап, Ак үйдүн алдына чыгарын “Азаттыкка” билдирди. - Иштен алынган министрлерге кылмыш иши козголуп, камай беришкени туура эмес. Батыралиевдин учурунда саламаттык секторунда бир топ жакшы реформалар болду. Ал дары мафиясынын жолун бууганга аракет кылып, канча жылдан бери чечилбей келе жаткан гемодиализ проблемасын чечти. Өлкөдө менчик ооруканалардын курулушуна шарт түздү. Читать дальше...
Бүгүн премьер-министр Мухаммедкалый Абылгазиев "Коопсуз шаар" долбоорун ишке киргизүү даярдыгын текшерди. Бул тууралуу өкмөттүн аппаратынын маалыматтык камсыздоо бөлүмү кабарлады. Өкмөт башчы Кыргыз Республикасынын Ички иштер министрлигинин Жол кыймылы коопсуздугун камсыздоо боюнча башкы башкармалыгынын Мониторинг борборуна барды. Мониторинг борбору "Коопсуз шаар" долбоорунун алкагында аппараттык-программалык комплекс аркылуу аныкталган жол кыймылынын эрежелерин бузуу материалдарын иштеп чыгуу менен алектенет. Читать дальше...
Ош шаарында жүз килограммдан ашуун сымапты алып жүргөндөр кармалды. Учурда кылмышка тиешеси бар башка адамдарды тактоо иштери жүрүп жатат.
Жабык жайлардагы, кылмыш тергөөдөгү кыйноолордун, өлүмдөрдүн санын азайтуу багытында Кыргызстан Түндүк Ирландиянын тажрыйбасын үйрөнүп жатат. Буга көмөк берип жаткан "Эл аралык түрмө реформасы" уюмунун өкүлү Елена Рысаева жана уюмдун эксперти, профессор Паулин МакКейб “Азаттыктын” студиясына келип Кыргызстандагы абал, кызматташтык тууралуу пикирлери менен бөлүштү.
Кыргыз кинематографиясы 1941-жылдан башат алат. Бирок Рая Шаршенова эже 1960-жылдарга чейин тасмадагы кадрлардын керектүүсүн кесип алып, кайра жалгаштырып, фильмге сюжеттик линия берген.
Гапар Айтиев атындагы улуттук сүрөт музейинде биринчи жолу инклюзивдик арт-аянтчасы ачылды. Долбоордун максаты - азиз адамдардын искусство менен таанышуусуна мүмкүнчүлүк түзүү. Анда көрүү жөндөмүнөн ажыраган адамдар ар бир картина тууралуу аудио түрүндө үч тилде маалымат алышат. Долбоор "Сорос-Кыргызстан" фондунун колдоосу менен ишке ашууда.
Тажикстанда мурда жабылган мечиттердин кайсынысы кайра ачыларын аныктай турган атайын комиссия түзүлдү. Бул комиссия кайсы аймакка канча диний жай керек экенин да тактап чыкмакчы. Мындан бир канча жыл мурда тажик бийлиги жүздөгөн мечиттерди жаап салган.
9-февралдан 11-февралга чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда, Бишкек-Ош автоунаа жолунда, Төө-Ашууда, Ала-Бел ашуусунда, Чычкан капчыгайында, Чапчыма ашуусунда кар күрткүсү жана кар көчкү түшүү коркунучу сакталат, жолдор тайгак болуп муз тоңот. Автоунаалардын ортосундагы 500 метр аралык кыймыл чектелиши зарыл. 10-февралда өлкө аймагында түнкүсүн кар жаабайт. Түштүк-чыгыштан соккон шамалдын ылдамдыгы секундасына 4-9 метрди түзөт. Жолдор тайгак жана тоңголок болот. Читать дальше...
Украинанын Борбордук шайлоо комиссиясы ушул жылдын март айында өтө турган президенттик шайлоого 44 талапкер катыша турганын жарыялады. Азыркы президент Петро Порошенко өз талапкерлигин экинчи ирет коюп, Украинанын Европа Биримдиги менен НАТОго болгон интеграциясын илгерилете турганын убада кылууда. Жакын арада эле жүргүзүлгөн изилдөөлөр көрсөткөндөй 31-мартка мерчемделген президенттик шайлоодо Петро Порошенконун эң эле күчтүү атаандаштары Юлия Тимошенко жана куудул Владимир Зеленский болмокчу. Читать дальше...
"ТЭЦ-2" жаңы конушунун 200дөй тургуну чогулуп, алардын 2005-жылы алган жер тилкелери мыйзамдаштырылбай жатканын айтып, өлкө жана шаар бийлигине кайрылуу жасашты. Алардын бири Абдырахман Дүйшөналиев бул тууралуу "Азаттык" радиосуна билдирди: - 2005-жылы Ленин райондук администрациясы тарабынан токтомдор чыгып, "ТЭЦ-2" жаңы конушунун элге үй салуу үчүн жер участкалары берилген. Бүгүнкү күндө аталган конушта миңге жакын үй салынып, эл жашап жатат. Эл өз эсебинен жолдорго шагыл төгүп, таш төшөп, электр зымдарын тартып... Читать дальше...
Украинанын мурдагы президенти Виктор Януковичке Орусиянын президенти Владимир Путиндин чечими менен мамлекеттик күзөтчүлөр берилди. Бул тууралуу Кремлдин басма сөз катчысы Дмитрий Песков билдирди.
8-февраль күнү кечинде Грециянын парламенти Түндүк Македонияны НАТОнун катарына кошуу тууралуу протоколун колдоду. Ошентип эки өлкө ортосундагы узакка созулган келишпестикке чекит коюлду. Мындай чарага грек парламентинин 153 депутаты добуш берип, 140 депутат каршы болду. Эми протоколду альянстын башка да мүчөлөрү колдошу керек. Өткөн жылы Афины өзүнүн коңшусу менен анын аталышы тууралуу бир чечимге жетише алган. Македонияны Түндүк Македония деп атоо тууралуу чечим эки өлкөнүн парламентинен тең колдоо тапкан. Читать дальше...
Бүгүн Кыргызстандын футбол федерациясынын делегаттарынын конференциясы болуп өттү. Анда делегаттар азыркы президент Семетей Султановдун кызматтан кетүү тууралуу арызын канааттандырып, жаңы президентти шайлады. Федерацияны эми Канатбек Маматов жетектейт. Маматов бул кызматка жалгыз талапкер болгону, шайлоо футбол федерациясынын уставына ылайык өткөнү аталган уюмдун расмий сайтына жарыяланды. Буга чейин Маматов федерациянын вице-президенти болуп эмгектенип келген. Ал 1998-жылы ОшМУнун Дене тарбия кафедрасын жетектеген. Читать дальше...
2018-жылкы ички дүң өнүмүнүн өсүшү боюнча Борбор Азия өлкөлөрүнөн Кыргызстан эң акыркы орунда турат. Борбор Азия өлкөлөрү өздөрү жарыялаган расмий маалыматтарына ылайык Тажикстандын ИДПсы өткөн жылы 7,3 пайызга өсүп, аны сап башына чыгарган. Түркмөнстанда 6,2 пайыз өсүш байкалса, бул көрсөткүч Өзбекстанда 5,1 пайызды түзгөн. Коңшу Казакстандын ички дүң продукциясы 2018-жылы 4,1 пайызга көтөрүлгөн, ал эми Кыргызстандагы өсүш болгону 3,5 пайызды түзгөн. 7-февралда Финансы министрлигинин бюджетти... Читать дальше...
Бүгүн, 9-февралда Кыргыз Республикасынын Футбол федерациясынын президентин шайлоо өтүп жатат. Федерациянын президенти кезексиз конференцияда шайланат. Бул тууралуу "Азаттыкка" Оштогу футбол академиясынын өкүлү Азамат Алымкулов кабарлады. Учурда президенттикке талапкер катары беш киши каралууда. Алардын арасында кыргызстандык рефери Бахадыр Кочкаров, футбол федерациясынын башкы катчысы Медер Сыдыков, ишкер Аскар Салымбеков бар. Андан тышкары өз талапкерлигин Дастан Конокбаев, Алмаз Чокморов жана Канатбек Маматов койгон. Читать дальше...
Мамлекеттик чек ара кызматынын Талас облусундагы аскер бөлүгүндө ур-токмоктон улам сол көзүнөн ажыраган жоокер боюнча бир аскер кызматкери 8-февралда камакка алынды.
Кыргыз улуттук жазуучулар союзуна жаңы төрага болуп, акын Нурлан Калыбеков шайланды. Союзду буга чейин жетектеп келген Кыргыз эл акыны Акбар Рыскулов мөөнөтү бүткөнүнө байланыштуу өзүнүн кызмат орунун өткөрүп берди. Жыйында төрагалык орунга төрт талапкер көрсөтүлүп, алардын экөө талапкерликтен баш тартты. Экинчи талапкер, Жазуучулар союзунун төрага орун басары Тынчтыкбек Нурманбетов жетиштүү добуш топтой алган жок.
2017-жылы Канаданын Квебек шаарында мечиттеги алты кишини өлтүргөн канадалык жаран 40 жылга кесилди. Бул тууралуу Рейтер маалымат агенттиги кабарлады. Сот 29 жаштагы Александр Биссоннеттке өкүмүн окуп жатып, ал "мигрант мусулмандарды жек көрөрүн" айтканын эскерди: - Сиз алты кишинин өмүрүн алар болгону сизден айырмаланып тургандыгы үчүн кыйдыңыз. Сиздин жек көрүүңүз жана расисттик мамилеңиз алардын өмүрүнө, сиздин жана жакындарыңыздын тагдырына балта чапты. Сиз кылган кылмыш эң жогорку айыптоого татыктуу, - деди сот Франсис Хот. Читать дальше...
Украинадагы эки абройлуу социологиялык кызмат өткөн жумада изилдөөлөрүнүн жыйынтыгын жарыялап, президенттикке ат салышууда куудул Владимир Зеленский Петро Порошенкону менен Юлия Тимошенкодон озуп чыкканын жырыялады. Президенттик шайлоого катышарын Зеленский 2018-жылы 31-декабрда билдирген. Анда ал президенттин кайрылуусунун видео түрүндө даярдаган. Орусияда Владимир Зеленский "95-квартал" деп аталган стендаптын негиздөөчүсү жана башка бир катар телесериалдардын продюсери катары белгилүү. ... Читать дальше...
Кызматтык иликтөөнүн жыйынтыгында милиция кызматкери тарабынан да, прокуратура кызматкерлери тарабынан да мыйзамсыз иш-аракеттер орун алганы аныкталган. Бул тууралуу маалымат Башкы прокуратуранын расмий сайтына жарыяланды. 2018-жылы 23-декабрда Балыкчы шаарында шаардык прокуратура кызматкерлери жол күзөт кызматынын кызматкери менен мушташып, милициянын сержанты шаардык ооруканага жаткырылган. Окуя болгон күнү Кылмыш-жаза кодексинин 305-беренесине ("Кызматтык укуктарынан аша чабуу") ылайык кылмыш иши козголгон. Читать дальше...