23-февраль, Ата Мекенди коргоо күнүнө карата уюштурулган көкбөрү боюнча мелдеште Жогорку Кеңештин командасы жеңишке жетти. Алар финалдык беттеште өкмөттүн курама командасы менен беттешти. Жалпысынан төрт команда катышкан оюнда журналисттерден, Жаштар иштери, дене тарбия жана спорт агенттигинен да түзүлгөн командалар катышкан.
Түндүк Кореянын лидери Ким Чен Ын АКШ президенти Дональд Трамп менен жолугушуу үчүн брондолгон поезди менен Пхеньяндан Ханойго бүгүн, 23-февралда жөнөп кетти. Бул тууралуу ТАСС агенттиги дипломатиялык булактарга таянып жазды. Маалыматка караганда, Ким Чен Ын Вьетнамга Кытай аркылуу барат. Пхеньян менен Вьетнамдын борбору Ханойдун аралыгы 4,5 миң чакырымды түзөт. Түндүк Корея лидери эки күн жолдо болот. Ушул күнү Ханойдо АКШ жана Түндүк Корея лидерлеринин экинчи саммитине карата медиа борбордун ачылышы болду. Читать дальше...
Нигериянын түндүк-чыгышындагы Борно штатында (Майдугури шаары) президенттик шайлоо учурунда бир нече жарылуу катталганын ишемби күнү маалымат каражаттары жазды. Маалыматка караганда, жарылуу бүгүн эртең менен шайлоо бекети ачыла электе катталган. Каза тапкандар жана жабыркагандар тууралуу маалымат азырынча айтыла элек. Нигерияда жалпысынан 120 миң шайлоо бекети ачылды. Жергиликтүү маалымат каражаттардын жазганына караганда, мамлекет башчысын шайлоого өлкөнүн 84 млн. жашоочусу добуш берет. Президенттик... Читать дальше...
Кыргызстандын премьер-министри Мухаммедкалый Абылгазиев менен Казакстандын өкмөт башчысынын милдетин аткаруучу Аскар Мамин бүгүн, 23-февралда телефондон сүйлөштү. Анда кыргыз айыл чарба азыктарын казакстандык рынокко чыгарууга киргизилген чектөөгө байланыштуу маселелер талкууланды. Бул тууралуу өкмөттүн басма сөз кызматы кабарлады. Анда бул маселени тез арада, эки тарапка тең пайдалуу шартта чечүү жолдору сүйлөшүлдү. Аталган маселени чечүү максатында премьер-министрлер Астана шаарында өкмөттөр... Читать дальше...
"Эже-сиңдилер" берүүсүндө чуркап, сууга сүзүп, фитнеске барып, чыгыштын спорттук түрлөрүн өздөштүрүп жаткан айымдар менен баарлаштык. Алардын пикиринде, аялзаты жашы өйдөлөгөн сайын ден соолугуна кам көрүп турушу керек.
Конституциялык палата менен Жогорку Кеңештин ортосунда экс-президенттердин артыкчылыктарын алып салууга байланыштуу талаш-тартыш күчөдү.
24-февралда Кыргызстандын аймагында жаан-чачын күтүлбөйт. Жолдор тоңголок, тайгак болот. Шамалдын багыты өзгөрүлүп турат, ылдамдыгы 1-6 м/с. Абанын температурасы: Чүй өрөөнүндө түнкүсүн -1…-6, күндүз 5…10; Суусамырда түнкүсүн -29…-34, күндүз -7…-12; Таласта түнкүсүн 0…-5, күндүз 5…10; Ош, Баткен жана Жалал-Абад облустарында түнкүсүн 0…-5, күндүз 5…10; Ысык-Көлдө түнкүсүн -4…-9, күндүз 0…5; Нарын облусунда түнкүсүн -21…-26, күндүз -3…-8; Бийик тоолордо түнкүсүн -27…-32, күндүз -9…-14 градус суук болот. Читать дальше...
Венесуэла бийлиги Колумбия менен чек арадагы үч көпүрөнү убактылуу жапты. Бул тууралуу Венесуэланын вице-президенти Делси Родригес "Твиттердеги" баракчасына жазды. Ал Каракас эки өлкөнүн жарандарынын чек арадан өтүшүнө кепилдик берип жатат деп билдирди. Родригес Колумбия президенти Иван Дукеден АКШ президентин колдоону токтотуусун талап кылды. Январда венесуэла оппозициясынын лидери Хуан Гуайдо өзүн президенттин милдетин аткаруучу деп жарыялап, көз карандысыз шайлоо өткөрүүнү талап кылган. АКШ... Читать дальше...
Чикагодо полиция белгилүү ырчы жана музыкалык продюсер Ар Келлини кармап кетти. Ырчы сексуалдык зомбулукка айыпталып жатат. Би-би-си билдиргендей, Келли полицияга багынып бергени менен, күнөөсүн мойнуна алган жок. Учурда камакта. Келли болжолдуу түрдө 1998-жылдан 2010-жылга чейинки мезгил ичинде сексуалдык мүнөздөгү укук бузуулары үчүн күнөөлөнүп жатат. Бул убакыт аралыгында бир канча аял ырчыны зордуктоого айыпташкан. 2008-жылы ал балдар порнографиясын даярдоо боюнча күнөөлөнүп, сот аны актаган. Читать дальше...
Сирия аймагы “Ислам мамлекети” радикал уюмунан тазаланып калды деген маалда туткундалган согушкерлер менен алардын үй-бүлөсү бир катар өкмөттөрдүн баш оорусуна айланды.
23-февраль, Ата Мекенди коргоо күнүнө карата уюштурулган көкбөрү боюнча мелдеште Жогорку Кеңештин командасы 2:0 эсебинде өкмөттүн командасын утуп алды. Улакты биринчи жолу команданын капитаны Канат Исаев, экинчисин Курманкул Зулушов эңип барып, тайказанга Урмат Саамаев салды. Өкмөт өкүлдөрүнөн куралган команданын капитаны вице-премьер-министр Замир Аскаров. Ал эми өкмөттүн командасы журналисттердин командасын 1:0 эсебинде утуп 1-орун үчүн таймашка чыккан. 3-орун үчүн журналисттер менен Жаштар иштери... Читать дальше...
Индиянын түндүк-чыгышында сапатсыз алкоголдук ичимдикке уулангандардын саны 89га жетти. Бул тууралуу ишемби күнү ДПА ( Deutsche Presse-Agentur) агенттиги расмий булактарга таянып жазды. Буга чейин "Ассошиэйтед пресс" 50 киши каза болгонун, дагы ушунча адам ооруканага жаткырылганын билдирген. Полициянын маалыматына караганда, каза болгондордун басымдуу бөлүгү Ассам штатындагы чай плантациясынын жумушчулары болгон. Алар айлык алганын майрамдап, курамында метанол бар сапатсыз ликер ичишкен. Алгоголь... Читать дальше...
Ысык-Көл облусунда болгон жол кырсыгында 29 жаштагы милиция кызматкери жана анын төрт жаштагы кызы каза болду. Бул тууралуу облустук милициянын маалымат катчысы Сталбек Усубакунов кабарлады. Кырсык Балыкчы - Ананьево - Каракол автоунаа жолунда 22-февраль күнү саат 21.30да болгон. Алдын ала маалыматка караганда, Toyota Land Cruiser автоунаасынын айдоочусу каршы тилкеге чыгып, милиция кызматкери айдап келе жаткан "Audi 100" үлгүсүндөгү машинаны сүзгөн. Автоунаада милиционердин жубайы, балдары жана анын досу (ал да милиция кызматкери ... Читать дальше...
23-февраль Ата Мекенди коргоо күнүнө карата Бишкектин "Ак-Кула" ат майданында көкбөрү оюну өтүп жатат. Оюнду өкмөттүн курама командасы менен Жаштар иштери, дене тарбия жана спорт агенттигинен да түзүлгөн команда ачты. Беттеш 6:5 эсебинде өкмөттүн жеңиши менен аяктады. Ал эми ЖК депутаттары менен журналисттер ортосундагы мелдеш 1:0 эсебинде эл өкүлдөрүнүн пайдасына чечилди. Улакты тайказанга депутат Курманкул Зулушев таштады. Учурда журналисттер менен спорт агенттигинен куралган командалар үчүнчү орун үчүн күрөшүп жатат. Читать дальше...
Президент Нурсултан Назарбаев кол койгон “Улуттук валюта банкноттору менен тыйындарынын дизайнынын концепциясын бекитүү тууралуу” жарлыкта “теңгедеги жазуулар мамлекеттик тилде гана болуусу кажет” деп жазылган. Чет тилиндеги жазуулар бир гана инвестициялык жана коллекциялык тыйындарда болушу мүмкүн. Учурда колдонууда жүргөн теңгеде орусча жазуу бар. Казакстандын Конституциясында орус тили мамлекеттик органдар менен жергиликтүү өзүн өзү башкаруу органдарында казак тили менен бирге колдонулат деп жазылган. Читать дальше...
Мындан бир нече жыл мурда Камбарата-1 ГЭСин куруу планы Кыргызстан менен Өзбекстандын ортосундагы мамиленин салкындашына алып келсе, ушу тапта экин өлкөнүн биргелешкен долбооруна айланууда.
23-февраль – Мекенди коргоочулар күнү. Бул күндүн урматына "Азаттык" ар өнөрдү аркалаган азыркы кыргызстандык эркектердин сүрөттөрүн чогултту.
Бул тууралуу бүгүн, 23-февралда шаардык бийликтен “Азаттык” радиосуна кабарлашты. Маалыматта айтылгандай, Кызыл-Кыя шаардык мэриясы аз камсыз болгон 150 үй-бүлөгө азык-түлүк жагынан жардам берди. Ал үчүн шаар казынасынан 150 миң сом каражат бөлүнгөн. Бул иш-чара “социалдык адилеттүүлүк күнүнө” карата жарыяланган бир айлыктын алкагында өткөрүлдү. Кызыл-Кыя шаарында жалпы эки миңге жакын социалдык жактан аз камсыз болгон үй-бүлөлөр катталган. (JsA)
Бишкекте иш менен камсыз кылуучу жеке агенттиктердин ассоциациясы түзүлдү. Ассоциация агенттик аркылуу миграцияга кетип жаткандар менен жумуш берүүчүлөрдүн ортосундагы маселелерди азайтууга салым кошот. Бул тууралуу “Азаттык” радиосуна ассоциациянын башкаруу кеңешинин мүчөсү Канат Чынботоев билдирди: - Легалдуу иштеген фирмалардын баарынын башын бириктирдик. Ассоциация мигранттарга байланышкан маселелерди чечүү, жумуш табууда аларды туура жерлерге жөнөтүү максатында түзүлдү. Дүйнөнүн кайсы бурчуна... Читать дальше...
Кыргызстан картөшкө маселеси боюнча Казакстанга жана Евразиялык экономикалык комиссияга кат даярдап жатат.
21-февралда Ташкентте Өзбекстандын Жогорку сотунун төрагасынын орун басары Баходыр Дехканов кармалды. Бул тууралуу жергиликтүү daryo.uz жана uzmetronom.com интернет-басылмалары өз булактарына таянып жазып чыгышты. Gazeta.uz сайтынын маалыматына караганда, Баходыр Дехканов 21-февралда күндүн экинчи жарымында өзүнүн иш бөлмөсүндө кармалган. 18-февралда Centre1.com порталы Баходыр Дехканов 15-февралда кызматынан алынганын билдирген. 2017-жылы майда Баходыр Дехканов Олий Мажлистин токтому менен... Читать дальше...
"The Insider" басылмасы менен "Bellingcat" иликтөө тобу Орусиянын мурдагы тыңчысы Сергей Скрипал менен анын кызы Юлияга кол салууга шек саналган үчүнчү адамдын өмүр баянын жарыялашты. Анда Орусиянын аскердик чалгын кызматкери деп айтылып жаткан Денис Сергеев (тыңчы катары алып жүргөн ысымы Сергей Федотов) тууралуу жазылган. Журналисттердин маалыматына караганда, Сергеев Казакстандын Алматы облусундагы Ушарал шаарында чоңойгон. 1990-жылы Екатеринбургдагы аскердик окуу жайды аяктап, карьерасын Орусиянын Аба-десанттык күчтөрүндө уланткан. Читать дальше...
Өзбекстандын Улуттук коопсуздук кызматы (УКК) алты жылдан бери үч баласы менен террорчулардын катарында жашап жүргөн Холбиби Кучирова аттуу аялды Түркиядан алып келди. Бул тууралуу УзА маалымат агенттиги кабарлады. Холбиби Кучированын айтымында, ал 2013-жылы үй-бүлөсү менен Стамбулга барып, ал жерден күйөөсү «Ислам мамлекети» террордук тобунун катарына кошулуп кеткен. "Балдарым менен Стамбулда ижарага батир алып жашап жүрдүм. Алардын эч кандай документи жок болчу. Өзбекстанга келгим келген, бирок мүмкүнчүлүк болбоду. Читать дальше...
Жаштар арасында аскердик кызматтын кадыр-баркы өсүп жатат. Бул тууралуу президент Сооронбай Жээнбековдун Мекен коргоочуларынын күнүнө карата жолдогон куттуктоосунда айтылат. Мамлекет башчы Мекенди коргоо — Кыргызстандын ар бир жаранынын ыйык парзы экенин белгилеген. “Өмүрүн Мекенге кызмат кылууга арнаган каармандарыбызды урматтайбыз. Мекенди коргоочуларга — өсүп келе жаткан жаштарыбызга зор үмүт артабыз. Аскер кызматы дайыма мамлекеттин тиреги жана ата-бабаларыбыздын мыкты салттарын улап кетүүнүн жакшы көрүнүшү болуп келген. Читать дальше...
Кошмо Штаттардын Канададагы элчиси Келли Крафт АКШнын Бириккен Улуттар Уюмундагы туруктуу өкүлү болуп дайындалат. Бул тууралуу президент Дональд Трамп жума күнү жарыялады. АКШнын БУУдагы азыркы өкүлү Никки Хейли бул кызматтан кетерин өткөн жылдын соңунда жарыялаган. Ал президент Дональд Трамптын карама-каршылыктуу тышкы саясатын ишке ашыруучу негизги аткаминерлердин бири эле. Коопсуздук кеңешинин отурумдарында, БУУнун алкагындагы башка жыйындарда Хейли Жакынкы Чыгыштагы туруксуз абалдын булагы катары Иранды такай айыптап турду. Читать дальше...