Новости за 11.02.2019

Чүй облустук соту бул иш боюнча жазылган доо арызды карап, буга чейин Панфилов райондук соту чыгарган өкүмдү күчүндө калтырды. Райондук сот жарандык никеде жашаган күйөөсүнө бензин чачып өрттөп жиберген аялды сегиз жылга эркинен ажыратып, жашы жете элек эки баласын аймактын социалдык коргоо бөлүмүнө өткөрүп берүү тууралуу чечим чыгарган.  Сот отурумунда айыпталуучу Анастасия (белгилүү себептер менен аты өзгөртүлгөн) күйөөсү мас абалында өзүн жана балдарын дайыма уруп-сабап келгенин айткан. Сот... Читать дальше...

АКШнын Борбордук командачылыгынын башчысы, генерал Жозеф Вотел америкалык аскерлерди Сириядан чыгарып кетүү жараяны жакынкы апталарда башталарын билдирди. Ал бул процесстин так мөөнөтү өлкөдөгү кырдаалга жараша болорун жекшембидеги комментарийинде белгиледи.  Сирияда эки миңге чукул америкалык жоокерлер "Ислам мамлекети" террордук тобуна каршы күрөштө Сириядагы араб жана күрт кошуундарына көмөк көрсөтүп келет.  Ишемби күнү Кошмо Штаттар колдогон "Сириянын демократиялык күчтөрү" бул террордук... Читать дальше...

Кыргызстандын акыйкатчысы Токон Мамытов жакындарын издеген кытайлык кайрылмандардын арызы боюнча Кытайдын тиешелүү органдарына кайрылган. Учурда Кытай тараптан келген баштапкы маалымат боюнча атайын лагерде кармалгандар жөнүндө кабарлар такталган жок. Бул тууралуу “Азаттыкка” Токон Мамытов маалымдады. Ал жакын арада Кытай мамлекетинен толук маалымат күтүп жатканын кошумчалады.   2018-жылы жылдын 3-декабрында акыйкатчы Токон Мамытов Кыргызстанда жашап калган, жакындарын издеген кытайлык кайрылмандар менен жолуккан. Читать дальше...

Конгресстеги демократтар менен республикачылардын АКШ – Мексика чек арасына дубал тургузууга байланыштуу талашы кайра туңгуюкка кептелди. Бул тууралуу Улуттук коомдук канал кабарлады. Эгер тараптар 15-февралдын түн ортосуна чейин бир пикирге келе алышпаса, өкмөттүк мекемелердин иши кайрадан убактылуу токтойт. Буга чейинки «шатдаун» 35 күнгө созулган. Ал америкалыктар атагандай, АКШнын тарыхындагы эң узак «шатдаун» болду. Конгресстеги сүйлөшүүлөрдү жүргүзгөн сенаторлордун бири Ричард Шелби макулдашуу мүмкүнчүлүгүн 50-50% деп баалап жатат. Читать дальше...

Кыргызстандын жараны М. Х. Кылмыш-жаза кодексинин 375-беренесинде каралган кылмыш иши үчүн эл аралык издөөдө жүргөн. Улуттук коопсуздук боюнча мамлекеттик комитеттин (УКМК) басма сөз кызматы кабарлагандай, кармалган киши 2015-жылы “жихад” идеологиясын көздөп Сирияга кеткен. Ал жакта эл аралык террористтик уюмдарга кошулуп, куралдуу согуштарда Сириянын өкмөтүнө каршы күрөшкөн. Кийинчерээк ал КМШ өлкөлөрүнүн бирине жиберилген. УКМК аны 29-январда терроризмге каршы күрөшүү боюнча эл аралык кызматташтыктын... Читать дальше...

Орусиялык мамлекеттик ишмер, либерал демократ, социалист Александр Керенскийдин бейнесине тарыхчы Б.Абытов кайрылат. Башка атаандаш пикирлер да "Азаттыктын" интернет-барагында жарыяланып келген жана жарыялана берет.

Кыргызстандын эмгек сиңирген артисткасы Асымкүл Баетова 76 жаш курагында дүйнөдөн кайтты. Бул тууралуу Маданият, маалымат жана туризм министрлигинин басма сөз кызматы кабарлады.  Асымкүл Баетова 1942-жылы Фрунзе (азыркы Бишкек) шаарында туулган. Ленинграддагы А. Ваганова атындагы хореографиялык окуу жайын аяктаган. 1959-жылдан тартып Кыргызстандын Опера жана балет театрынын солисткасы болуп, "Ак куу көлү", "Уйкудагы сулуу", "Жизел", "Ромео жана Жульетта" жана башка балеттерде башкы ролдорду ойногон. Читать дальше...

АКШнын коргоо министринин милдетин аткаруучу Патрик Шанахан капысынан Ооганстанга келип, ал жерде кызмат өтөгөн аскер жетекчилиги жана ооган бийлик өкүлдөрү менен жолугушту. Ушул тапта «Талибан» кыймылы менен тынчтык келишимин түзүш үчүн сүйлөшүүлөр жүрүп жатат.    11-февралда Кабулга барган Шанахан кабарчыларга билдиргендей, ал ооган лидерлери менен өлкөнүн келечегин сүйлөшүп, "Талибан” менен тынчтыкка жетишүүнүн жолдорун да талкуулайт. “Бул сүйлөшүүлөргө ооган өкмөтүнүн катышканы өтө маанилүү” ... Читать дальше...

Бул тууралуу 11-февралда тышкы иштер министри Чыңгыз Айдарбеков президент Сооронбай Жээнбековго маалымдап, ага карата көрүлүп жаткан даярдык тууралуу баяндады. Мындан тышкары ал июнь айында өтөрү белгиленип жаткан ШКУнун саммитине даярдык жөнүндө да отчет берди. Президенттик аппарат "Азаттыкка" маалымдагандай, президент менен министр өлкөнүн тышкы саясатына байланыштуу бир катар маселелерди талкуулашты. Быйыл мартта Орусиянын президенти Владимир Путин менен Кытайдын төрагасы Си Цзиньпин Кыргызстанга... Читать дальше...

Коомдук биринчи каналдын башкы директору Илим Карыпбеков КТРКда көрсөтүлүп бүткөн "Ак шоола" сериалындагы ала качуу сюжети боюнча сындарга жооп берди. Анын айтымында, жалпыга маалымдоо каражаттарында сериалдын үзүндүсү гана көрсөтүлүп, "кимдир бирөөлөрдүн кызыкчылыгы менен курулай каралоо жүрүп жатат".  - Ала качууну КТРК ойлоп тапкан жок. Бул, тилекке каршы, коомубузда болуп жаткан көрүнүш. Биз сериалда элди "ала качып турмуш кургула" деп үгүттөгөн жокпуз. Болгону турмуштагы бир көрүнүштү чагылдырдык. Читать дальше...

"Ысык-Көл районундагы Ананьево айылында православ көрүстөнүндөгү эстеликтерди талкалап кеткен" деп жергиликтүү тургундардын бири шек саналууда. Бул тууралуу “Азаттыкка” Дин иштери боюнча мамлекеттик комиссиянын өкүлү Замирбек Турсунбеков маалымдады. Турсунбековдун айтымында, көрүстөндөгү эстеликтерди талкалоо айыл тургундарынын жеке пикир келишпестигинен улам келип чыккан. Баштапкы маалымат боюнча окуяга диний көз караштар себеп болгон эмес. Учурда милицияда тергөө иштери жүрүп жатат.  11-январдын... Читать дальше...

Бул тууралуу Кыргызстандыктардын эл аралык конгресси жана мекендештердин "Замандаш” ассоциациясы 11-февралда тараткан билдирүүдө айтылат. Анда өлкөдөн чыгып кетип жаткан кыргызстандыктардын өмүрүн милдеттүү түрдө 300 сомго камсыздандыруу полисин киргизүү демилгеси туура эмес деп бааланган. Ассоциациянын маалыматы боюнча, кыргызстандык жарандар чет мамлекетте каза болсо алардын жакындарына жардам берилет деген ишенич жок.  "Замандаш" ассоциациясынын төрагасы Абдирасул Айдаровдун "Азаттыкка" билдиргени боюнча... Читать дальше...

Жол кыймылынын коопсуздугун көзөмөлдөгөн камераларга же ылдамдыкты ашырганы үчүн каттоого алынган автоунаалардын номуру "Инфокомго" жөнөтүлөт. Андан кийин Жол кыймыл коопсуздугун камсыздоо боюнча башкы башкармалык айыптын өлчөмүн аныктап, үч күндүн ичинде "Кыргыз почтасы" аркылуу айдоочуга жиберет. Маалымат технологиялары жана байланыш комитетинин жетекчисинин орун басары Кубаныч Шатемировдун журналисттерге билдиргени боюнча, учурда айыппул тууралуу билдирүүнү автоунаанын ээсинин телефон номерине да жиберүү боюнча тиркеме иштелип чыгууда. Читать дальше...

Ооган согушунун убагында дайынсыз жоголгон Ноокен районунун тургуну 36 жылдан кийин тирүү табылды. Бул тууралуу ооган согушунун ардагерлеринин Жалал-Абад облустук кеңешинин төрагасы Толубай Энназаров билдирди. Анын айтуусунда, былтыр Орусиянын телеканалдарынын биринен дайынсыз жоголгон Советтер Союзунун жоокерлеринин арасынан Орозалы Кочкоровдун аты аталып, ал ооган жергесинде жашап жатканы тууралуу маалымат чыккан.   - Биздин республикалык кеңеш Орусиядагы кызматташтар менен бирге сүйлөшүүлөрдү жүгүзүп... Читать дальше...

12-февралдан тартып ишке киришүүчү камералар менен радарлардын иши тууралуу бүгүн журналисттерге кеңири маалымат берилди. Ага ылайык, баш калаанын Жибек Жолу проспектисинин Жаш Гвардия, Фучик көчөлөрү менен кесилишинде, ал эми Чүй проспектисинин Бейшеналиева, Жаш Гвардия, Фучик жана Курманжан датка көчөлөрү менен кесилишинде камералар орнотулат. Мындан тышкары Абдрахманов көчөсүнүн Бөкөнбаев, Абдрахманов, ошондой эле Москва — Абдрахманов, Горький — 7-Апрель көчөлөрүнүн кесилишине жол кыймыл коопсуздугун көзөмөлдөөчү камералар орнотулду. Читать дальше...

Башкы прокуратура Билим берүү жана илим министрлигин текшерип, жаңы окуу китептерин даярдап, басып чыгарууда бир нече мыйзам бузуу аныкталганын билдирди. Бул тууралуу Башкы прокуратуранын расмий сайтында жарыяланды.  Маалыматка ылайык, Дүйнөлүк банк Кыргызстанга «Билим берүү тармагындагы реформаны колдоо» долбоору аркылуу грант жана насыя түрүндө 16,5 млн. доллар бөлүп берген. Бул сумманын 4 млн. 168 миң доллары 5-6-класс үчүн окуу китептерин даярдоого жана басып чыгарууга жумшалган.   2016-жылы... Читать дальше...

10-февралда Орусиянын Москва, Санкт-Петербург, Екатеринбург, Ярославль, Орел, Казан, Махачкала, Киров, Ростов-на-Дону шаарларында "Ачык Орусия" уюмунун активисти Анастасия Шевченкого тилектештик билдирген акциялар өттү жана ал “Ачуусу келген энелердин жүрүшү” деп аталды.

Ички иштер министрлиги улут аралык, диний кастыкты козуткан жана аймактык ажырымга алып келген чакырыктарга жана чагымчыл материалдарга каршы күрөштү күчөттү.

Бүгүн, 11-февралда Бишкек шаардык сотунда милицияда кыйноого кабылып каза болгон Турдубек Акматовга байланыштуу отурум өтөт. Бул тууралуу жабырлануучу тараптын жактоочусу Сардор Абдухалилов маалымдады. 2018-жылдын 16-октябрында Биринчи май райондук соту "Турдубек Акматов милициянын кыйноосунан кийин каза болгон" деген чечим чыгарып, өкмөттү маркумдун жакындарына 200 миң сом кенемте төлөп берүүгө милдеттендирген. Бирок Финансы министрлиги Биринчи май райондук сотунун чечимине макул болбой, жогорку инстанцияга апелляциялык арыз менен кайрылган.

Бишкекте өтүкчүлөрдүн түйшүгү, жашоосу кандай? Биздин каарманыбыз Рустам Жоробаев жыйырма жылдан бери Ош базарында бут кийим оңдоп, үй-бүлөсүн багып келет. Ал бул жерге 1998-жылы келгенде өтүкчүлөрдүн саны азыркыдай көп болбогонун эскерет. Ал ишти адеп ачык асман алдында баштаган. Кийин атайын күркө алып, туруктуу кардарлары пайда болгон. Рустам күнүмдүк тапканы жашоосуна жетерин айтты. Үч баланын атасы үй алууну кыялданат.

Бишкектеги Токтоболот Абдымомунов атындагы Кыргыз-драма театрында залкар артисттер Муратбек Рыскуловдун 110, Сабира Күмүшалиеванын 100 жана режиссер, актер Искендер Рыскуловдун чыгармачылыгынын 60 жылдыгына арналган иш-чара өтөт. Бул тууралуу Маданият, маалымат жана туризм министрлиги кабарлады. Үч таланттын ишмердигине арналган иш-чаралар буга чейин да өткөн. Муратбек Рыскулов - СССР эл артисти, Кыргыз ССРинин Токтогул атындагы мамлекеттик сыйлыгынын ээси. Айрым маалыматтарда 1899-жылы, кээ бир документтерде 1908-жылы төрөлгөнү жазылган. Читать дальше...

АКШнын Түркмөнстандагы элчилиги америкалык дипломатиялык миссиянын кызматкерлерине "Түркмөн аба жолдору" авиакомпаниясынын учактары менен саякаттоого тыюу салынганын билдирди. "Европанын авиациялык коопсуздук агенттиги (EASA) "Түркмөн аба жолдору" эл аралык коопсуздук стандарттарына жооп берерин ырастаганга чейин анын учактарына Европа Биримдигинин аймагында учууга тыюу салды. Буга байланыштуу америкалык элчиликтин кызматкерлери аталган авиакомпаниянын учактары менен уча алышпайт", — деп айтылат элчиликтин билдирүүсүндө. Читать дальше...

Израилдин премьер-министри Биньямин Нетаньяху 13-14-февралда Варшавада өтө турган "Жакынкы Чыгыштагы тынчтык жана коопсуздук" деген аталыштагы конференцияга катышат. Бул тууралуу ал жекшемби күнү өкмөттүн жыйынында билдирди. - Ушул жумада Варшавадагы тынчтык жана коопсуздук иш-чарасына катышууга жөнөп кетем. Мен АКШнын вице-президенти Майк Пенс, мамлекеттик катчы Майк Помпео жана башка лидерлер менен жолугушам. Күн тартибиндеги негизги маселе Иран – Сирияда анын таасирин азайтуу, анын аймактагы агрессиясына... Читать дальше...

Билим берүү жана илим министрлигинен билдиришкендей, менчик бакчаларда рейд жүрүп, талапка ылайык келбеген алты бакчага эскертүү берилди. Мекеменин адиси Нуризада Касымова учурда мыйзамсыз, лицензиясы жок иштеп жаткан бала бакчаларды аныктоо иштери жүрүп жатканын “Азаттык” радиосуна билдирди. - Азыркы учурда текшерүүдөн өтпөй, үйлөрүнө менчик бала бакча ачып алгандар да бар. Расмий эмес маалыматтарга караганда, Бишкек шаарында 500дөн ашуун бала бакча бар деп айтышат. Бирок бүгүнкү күндө 129 гана бакча лицензия алган. Читать дальше...

Бишкек шаарында 11-февралга караган түнү активисттер насыя алып той өткөрүүгө каршы акция өткөрүштү. Анда шаардын ар кайсы жерине, өзгөчө банктардын кире беришине «Тойго насыя алба!» деп жазып кетишти. - Биз банктардын ишмердүүлүгүнө каршы эмеспиз. Банкка келгендер биздин билдирүүнү көрсүн деген максатта жасадык. Азыр адамдар ишкерлик үчүн эмес, ар кандай иш-чараларды өткөрүүгө насыя алып жатканы бизди тынчсыздандырат. Анан карызга батып, насыяны төлөө үчүн чет өлкөдө иштеп жүрүшөт, - деп жазышты уюштуруучулар. Читать дальше...