Новости за 02.09.2019

7-8-августта Кой-Таш айылында болгон окуяларды иликтеш үчүн түзүлгөн мамлекеттик комиссиянын биринчи жыйыны ушул жума ичинде болот. Бул тууралуу «Азаттыкка» аталган комиссиянын төрагасы, вице-премьер-министр Жеңиш Разаков билдирди. Аталган комиссия премьер-министр Мухаммедкалый Абылгазиевдин буйругу менен 29-августта түзүлгөн. Ага Жогорку Кеңештин депутаттары Бактыбек Райымкулов, Алмазбек Баатырбеков, Жаныбек Бакчиев, Абдыбек Дүйшалиев, Талант Мамытов, Бакирдин Субанбеков, Тынчтык Шайназаров кирген. Читать дальше...

АКШнын вице-президенти Майк Пенс 1-сентябрда Польшанын Варшава шаарында Украинанын президенти Владимир Зеленский менен жолукту. Анда Киев менен Москванын чатагында АКШ Украинанын тарабында экенин, анын аймактык бүтүндүгүн сактоо аракеттерин колдой тургандыгын айтты. Ошондой эле Пенс Вашингтон Крымга байланыштуу Киевдин Москвага койгон «мыйзамдуу талабын» тең бөлүшөрүн белгиледи.  АКШнын вице-президенти Варшавага Экинчи дүйнөлүк согуштун башталышынын 80 жылдыгына арналган эскерүү иш-чарасына катышуу үчүн келген. Читать дальше...

Орусия менен Ирандын тышкы иштер министрлери Сергей Лавров менен Мухаммад Жавад Зариф бүгүн, 2-сентябрда Москвада жолугушат. Расмий маалыматка ылайык, анда министрлер эки тараптуу кызматташтыкка байланыштуу актуалдуу жагдайларды талкуулашат. Ошондой эле өзөктүк эл аралык келишим, Перс булуңундагы соңку окуялар өңдүү бир топ аймактык жана эл аралык маселелер боюнча пикир алмашат.  Зариф Москвага келгенде журналисттердин суроолоруна жооп берип жатып, «орус өкмөтү Иран Ислам Республикасын кыйын учурда колдоду» деди. Читать дальше...

2019-2020-окуу жылы Кыргызстан боюнча 156 миңден ашык бала 1-класска кирет.

Өзбекстандын Самарканд шаарында өткөн «Шарк таронлары - 2019» сынагында ага-ини Эламан жана Айбек Каныбековдор биринчи орунду ээлешти. Бул тууралуу «Азаттыкка» Маданият, маалымат жана туризм министрлигинин басма сөз кызматы кабарлады. Аталган сынакка 80ге жакын өлкөдөн 300гө жакын өнөрпоз катышкан. Анын жыйынтыгы менен кыргызстандык комузчулар мыкты деп табылып, атайын диплом менен сыйланды. Катышуучулардын өнөрүнө Өзбекстандан президенти Шавкат Мирзиёев да күбө болгон. Сынак эки жылда бир өтүп келет. Читать дальше...

Ысык-Көл облусунун мурдагы губернатору Эмилбек Каптагаев камактагы саясатчы Садыр Жапаровдун иши боюнча башкы прокурорго ачык кат жазды. Саясатчы кайрылуусун «Фейсбуктагы» баракчасына жарыялады. Анда Каптагаев өзүн барымтага алуу боюнча Садыр Жапаровдун катышын тастыктаган бир да күбө болбогонун жана эч кандай дооматы жок экенин билдирди. Ал Садыр Жапаров Кенжебек Жумабаев аттуу адамдын көрсөтмөсүнүн негизинде абакка кесилгенин, Жумабаев жалган көрсөтмө бергени боюнча видео кайрылуу жасаганын белгилеген. Читать дальше...

«Ата Мекен» партиясынын түрмөдөн чыккан лидери Өмүрбек Текебаев Жалал-Абад облусунун Акман айылында тарапкерлери менен жолугушту. Ал өз сөзүндө өлкөдөгү акыркы окуялар «Кыргызстанда мыйзам бузгандар жооп берет» деген салтты бекемдегенин айтты: - Акыркы окуялардан соң «Бул эмнеси менен жакшы?» деген суроону жаратууда. Бул «Кыргызстанда түшпөс хан болбойт» деген салтты бекемдеди. Ошондой салтты Сооронбай Жээнбеков улап жатат. Эгерде ал өзү жаман иштесе, төрт жылдан соң мыйзам алдында жооп берет. Бүгүнкү эле көзү тирүү адамдар сурап алабыз. Читать дальше...

АКШдагы мекендештер жыл сайын 31-август - Кыргызстандын эгемендик күнүндө өтүүчү «Ынтымак» кубогунун 10 жылдыгын белгилешти. Он штаттан келген кыргызстандыктар футбол, волейбол сыяктуу спорттун түрлөрү боюнча мелдеш өткөрүштү.

Бишкекте машинесине курал-жарак салып жүргөн адам кармалды. Бул тууралуу шаардык милиция кабарлады. Маалыматка ылайык, 31-августта шаардын тургуну «Toyota Land Cruiser-200» үлгүсүндөгү автоунаанын айдоочусу автомат кезеп, коркутканын айтып милицияга кайрылган. Анын арызынын негизинде Жазык кодексинин «Бейбаштык» беренеси боюнча текшерүү башталган. Мунун алкагында кылмышка шектүү катары 28 жаштагы адам кармалды. Анын автоунаасын тинткен учурда МА-АК үлгүсүндөгү аңчылык мылтык, Калашников автоматына окшоштуруп жасалган страйкбол куралы... Читать дальше...

Биринчи макалага калтырылган пикирлерди окуп, көбүнүн толук окубай, шилтемелерди карап көрбөй, макаланын маңызына эмес, аталышына карап эле үстүртөн пикирлерин жазганын көрдүм.

Бүгүн, 2-сентябрда VI чакырылыштагы Жогорку Кеңештин VII сессиясы ачылып, парламент жайкы эс алуудан кийин ишин баштады. Жогорку Кеңештин басма сөз кызматынын маалыматына караганда, бүгүн-эртеӊ парламенттин тармактык комитеттеринин жыйындары башталат. VI чакырылыштагы азыркы парламент 27-июнда VI сессиясын аяктап, жайкы эс алууга тараган. Жогорку Кеңештин регламентине ылайык, депутаттар 1-июлдан тартып өлкө аймагындагы шайлоочулар менен жеринде иш алып барышмак. Ал эми август айында эмгек өргүүсүнө чыгышкан. Читать дальше...

Ысык-Көл облусундагы «Сары-Чат - Ээр-Таш» мамлекеттик коругуна кирген 16 миң гектар жер аянты «Кумтөр» долбооруна кен казыш үчүн кайрадан кайтарылып берилгени белгилүү болду.

Чүй облусунун Красная Речка айылындагы балдар үйүндө тарбияланып жаткан мүмкүнчүлүгү чектелүү 7 бала Дмитриевка айылындагы жалпы билим берүүчү мектепке которулууда. Бул тууралуу «Азаттыкка» Балдарды коргоо лигасынын төрайымы Назгүл Турдубекова маалымат берди. Буга чейин алар балдар үйүнөн алыс, интернатта жашап келишкен. Мындан ары алар өз үйлөрүндө, инклюзиялык негизде билим алышмакчы. Мүмкүнчүлүгү чектелүү балдарды үй-бүлөгө кайтарып, коомго кошуу иштери өлкөдөгү балдар үйлөрү менен интернаттарды... Читать дальше...

1-сентябрь дем алыш күнгө туура келгендиктен быйыл жаңы окуу жылы 2-сентябрда башталды. 2019-2020-окуу жылында Кыргызстан боюнча 156 миңден ашык бала 1-класска кирет. Бул тууралуу Билим берүү жана илим министрлиги кабарлаган.  2-сентябрда өлкөдөгү бардык мектептерде Билим күнүнүн башталышына байланыштуу салтанаттуу чогулуштар уюштурулуп, 3-сентябрдан тартып сабактар өтүлө баштайт. Кыргызстанда быйыл мектепке барчу окуучулардын жалпы саны 1 миллион 300 миңге чамалайт. Өлкө боюнча мектептердин саны 2 265ге жеткен.

Жакында эле үй камагына чыккан «Ата Мекен» партиясынын лидери Өмүрбек Текебаев кичи мекени болгон Базар-Коргон районунун Акман айылында жүрөт. Аны менен кошо саясатчы Дүйшөнкул Чотонов да жүрөт.  Ал Акман айылында тарапташтары менен жолугуп жатып мурунку бийликти кескин сындап, кыйынчылыкта бирге болгон тарапташтарына ыраазычылык айтты. Текебаев элдин алдында аны менен чогуу камалган партиялашы Чотоновду «накта атамекенчи» деп атады.  - Дүйшөндү «сен жөн эле «Маевскийди Текебаевдин бөлмөсүнөн... Читать дальше...

Бүгүн, 2-сентябрь күнү Чүй облусунун аймагында 700дөн ашык милиция кызматкери коомдук тартипти сактайт. Бул тууралуу Чүй облустук ички иштер башкы башкармалыгы кабарлады. Чүй облусу боюнча жалпысынан 350 окуу жайында Билим майрамына карата ар кандай иш-чаралар өткөрүлөт. Бул билим берүү мекемелеринде милиция коомдук тартипке көз салат. Мындан сырткары Жол кыймыл коопсуздугун камсыз кылуу башкармалыгынын инспекторлору жолдордо көзөмөлдү күчөтөт.  1-сентябрь дем алыш күнүнө туура келгендиктен быйыл жаңы окуу жылы 2-сентябрда башталды. Читать дальше...

Бүгүн, 2-сентябрда парламенттин кезектеги VII сессиясы ачылат. Бул тууралуу Жогорку Кеңештин басма сөз кызматы билдирди.  Алтынчы чакырылыштагы азыркы парламент 27-июнда VI сессиясын аяктап, жайкы эс алууга тараган. Жогорку Кеңештин регламентине ылайык, депутаттар 1-июлдан тартып өлкө аймагындагы шайлоочулар менен жеринде иш алып барышмак. Ал эми август айында эмгек өргүүсүнө чыгышкан. Азыркы парламент 2015-жылы күзүндө шайланган. Анда алты фракция бар. Бул чакырылыштары парламенттин мөөнөтү 2020-жылы аяктайт. Читать дальше...

Өлкөнүн түндүк-түштүгүн бириктирген альтернативалуу жолдун курулушу белгиленген график менен баратат. Бул тууралуу Транспорт жана жол министрлиги кабарлады. Маалыматка ылайык, жолдун курулушунда 2015-жылы тоннел жасоо иштеринде кыйынчылыктар пайда болуп, график кечеңдеген. Эми курулуш иштери ушул нукта жүргүзүлсө бул жолду 2023-жылы пайдаланууга берүү пландалып жатат.  Буга чейин баасы дээрлик 500 млн. долларды чапчыган Түндүк-Түштүк альтернативалуу жолунун курулушу өз мөөнөтүнөн кечигип жатканы кабарланган. Читать дальше...