Новости за 05.09.2019

2022-жылы Катарда өтө турган дүйнө чемпионатына тандоо оюндарынын 2-баскычынын алгачкы беттешинде Кыргызстан курама командасы Тажикстанга 1:0 эсебинде утулду. Беттештеги жалгыз голду тажик оюнчусу Алишер Жалилов киргизип, Тажикстандын курама командасына жеңиш алып келди.  Оюн бүгүн, 5-сентябрда Тажикстандын борбору Дүйшөмбү шаарында өттү.  Бул жеңиш менен Тажикстан курама командасы F тайпасында алгачкы үч упайына ээ болду. Бүгүн, 5-сентябрда Улан-Батордо өткөн беттеште Монголиянын курама командасы Мьянманы 1:0 эсебинде утуп, үч упай алды.

2022-жылы Катарда өтө турган дүйнө чемпионатына тандоо оюндарынын 2-баскычынын алкагында өтүп жаткан Тажикстан менен Кыргызстандын курама командаларынын беттешинде тажик оюнчусу Алишер Жалилов гол киргизип, Тажикстандын курама командасы алдыга чыкты. Оюн ушу тапта Тажикстандын борбору Дүйшөмбү шаарында өтүп жатат.  Тандап алуу оюндарына катышуу үчүн башкы машыктыруучу Александр Крестинин курама командага 23 оюнчуну чакырган. Команданын даярдыгы 1-сентябрда башталган. Бул оюнга команданын капитаны... Читать дальше...

Кыргызстандын футбол боюнча курама командасы 2022-жылы Катарда өтө турган дүйнө чемпионатына тандоо оюндарынын 2-баскычынын алкагында Тажикстандын курама командасы менен ойноп жатат. Беттеш Тажикстандын борбору Дүйшөмбү шаарында өтүп жатат.  Тандап алуу оюндарына катышуу үчүн башкы машыктыруучу Александр Крестинин курама командага 23 оюнчуну чакырган. Команданын даярдыгы 1-сентябрда башталган.  Тандоо оюндарынын 2-баскычы 5-сентябрда башталып, 2020-жылдын 9-июнуна чейин уланат. Жыйынтыгында... Читать дальше...

Таласта өткөнү жаткан мамлекеттик деңгээлдеги Көчмөндөр оюндарына камылга сын-пикирлер менен коштолууда. Коомчулукта бул маданий иш-чараны өткөрүү аймактарды ашыкча чыгымга учуратып жатканын айтып жаткандар бар.

Ак-Талаа районунун жүздөн ашык тургуну 5-сентябрда райондук акимчиликтин имаратынын алдына чогулуп, Баетов – Кош-Дөбө айылдарын туташтырып турган 90 чакырымга жакын автожолго асфальт төшөп берүүнү өкмөттөн талап кылышты. Бул жол өңгүл-дөңгүл болгондуктан жергиликтүү эле аны "шыйпыр жол" деген атап койгон.

Түркиянын президенти Режеп Тайип Эрдоган эгер Сирия менен чек арасына жакын жерде коопсуз аймак түзүлбөсө, Батыш Анкарага берген убадасынан тайса сириялык качкындар үчүн чек арасын ачып саларын эскертти. Ал бул тууралуу Анкарада башкаруучу партиянын жыйынында сүйлөп жатып айтты: "Бизде азыр 4 миллион качкын башкалкалап жатат. Биз бул түйшүктү качанкыга чейин өзүбүз жалгыз көтөрөбүз? Кечирип койгула, бул муну чексиз уланта албайбыз. Эгер коопсуз аймак түзүлбөсө, Батыш убада кылган жардамынан баш тартса... Читать дальше...

Бишкектин Свердлов райондук сотунда бүгүн, 5-сентябрда Бишкектин Жылуулук электр борборун (ЖЭБ) оңдоп-түзөөдөгү коррупция боюнча сот иши уланып, мурдагы вице-премьер-министр Токон Мамытов суралды. Ал «Азаттыкка» берген комментарийинде сотто 2013-жылы вице-премьер-министр болуп турганда ЖЭБди модернизациялоо боюнча насыялык келишим боюнча токтомго эмне себептен кол койгонун айтып берген: - Мен «Жогорку Кеңештин комитеттеринин колдогонун, өкмөттүн аппаратынын бөлүм башчыларынын кол койгонун көрүп кол коюп койгом» деп айттым. Читать дальше...

Жалал-Абад облусунун Чаткал районунун Ак-Таш жана Айгыр-Жал айылдарында жаңы балдар бакчалар ачылып, марафон уюштурулду. Райондук мамлекеттик администрация «Азаттыкка» билдиргендей, жаңы бала бакчанын чарбалык жумуштарын жүргүзүүгө эки айылда марафон өттү.  Анда райондогу мекеме-ишканалардан жана жергиликтүү тургундардан биригип 200 миң сомдон ашык акча, 41 майда жандык жана 1 жылкы түшкөн. Малды марафонго негизинен жергиликтүү тургундар беришкен. Ак-Таш айылында ачылган 50 орундуу бала бакчага 8 млн. Читать дальше...

Сузак районунда 67 жаштагы пенсионер мугалим Юрий Губайдулин өзүнүн мурунку окуучуларынан таяк жеп, ооруканада жатат.

Акын Зайырбек Ажыматовдун «Жүрөктөгү бороон» аттуу китеби жарык көрдү. Китепте негизинен аты айтып тургандай өткөөл мезгилде автордун жүрөгүндө жүрүп келген жеке адамдык, жарандык сезимдери тууралуу сөз болот. 1000 нускада чыккан китептин көлөмү 15 басма табак. Бул акындын төртүнчү китеби. Буга чейин Зайырбек Ажыматовдун  «Жалгыздык» аттуу туңгуч китеби 1996-жылы жарык көргөн. Тогуз жылдан кийин экинчиси «Мелмил» деген ат менен, анан 2011-жылы «Нөлү көп жылдар» деген китеби басылып чыккан. Зайырбек... Читать дальше...

Улуттук коопсуздук боюнча мамлекеттик комитет (УКМК) мурдагы президенттин кеңешчиси болгон, азыр камакта отурган Икрамжан Илмиянов «атайын кызматтын тергөө абагынан түнкүсүн өзүнүн үйүнө коё берилип жатат» деген маалыматты төгүнгө чыгарды. УКМКнын расмий өкүлү Рахат Сулайманов «Азаттыкка» берген комментарийинде сот тандаган бөгөт чарасынын негизинде Илмиянов убактылуу кармоочу жайда гана кармалып жатканын, эч жакка чыгарылбаганын билдирди. Ал бул боюнча мурдагы депутат жалган маалымат таратып жатканын... Читать дальше...

Бишкек шаарынын Жал кичирайонундагы жапырт мушташта жабыр тарткандардын жакындары нааразылык акциясына чыгып, окуяга күнөөлүүлөрдү тез арада кармап, жазага тартууну талап кылышты. Андан соң Бишкек шаардык ички иштер башкармалыгы жабыр тарткандардын жакындары менен жолугушуу өткөрдү.

Президент Сооронбай Жээнбеков бүгүн, 5-сентябрда Өзбекстандын толук жана ыйгарым укуктуу элчиси Комил Рашидовду өлкөдөгү дипломатиялык миссиясынын аяктаганына байланыштуу кабыл алды. Бул тууралуу президенттин басма сөз кызматы кабарлады. Мамлекет башчысы кыргыз-өзбек кызматташтыгы жакшырып, өлкөлөр ортосундагы соода жүгүртүү көбөйүп, чек ара кызматташтыгы өнүгүп жатканын айтты. Ал Рашидовго эки тараптуу өз ара аракеттерди алдыга жылдырууга кошкон салымы үчүн ыраазычылык билдирди. Элчи Комил Рашидов... Читать дальше...

Институттун сайтына жарыяланган маалыматка караганда, мекеменин кызматкерлери айылдагы «мобилдүү мектепке» мониторинг жүргүзүшкөн. Анда окуучулар 20 тонналык беш контейнерде билим алып, алтынчы контейнер мугалимдер бөлмөсү катары жабдылганы белгилүү болгон. Алар тар болгондуктан башталгыч класстардын 15-16 гана окуучусу араң батат. Эгер жогорку класстын окуучулары окуп калышса, парталарга, отургучтарга батып окуу ыӊгайсыздыкты жаратат. Күн ысыкта үп болуп, аба жетишпей, күн суукта ичи муздайт.... Читать дальше...

Маалымат технологиялары жана байланыш боюнча мамлекеттик комитет менен Юстиция министрлиги чогуу ишке ашырып жаткан «Юридикалык жактарды электрондук каттоо» системасынын ачылышы болду. Бул тууралуу аталган комитеттин басма сөз кызматы кабарлады. Мекеме билдиргендей, ал система менен фирмалар, ишканалар жана мекемелер документтерин онлайн тапшырып, каттала алышат. Процесс Юстиция министрлигинин сайты аркылуу ишке ашат.  Сыналуучу аймак катары тандалып алынган Бишкек шаары менен Чүй облусунан эки субъект ушул тартип менен катталды. Читать дальше...

Кыргызстандын өкмөтү Ирактагы кыргыз жарандарынын балдарын алып келүү боюнча иш-чаралардын планын иштеп чыкты. Бул тууралуу өкмөттүн аппараты кабарлады.  Вице-премьер-министр Жеңиш Разаковдун жетекчилиги менен тийиштүү мамлекеттик органдар Ирактын пенитенциардык мекемелери менен кызматташууда.  Атайын түзүлгөн топ жакынкы арада документтерди толтуруу жана балдарды Кыргызстанга алып келиш үчүн Багдад шаарына барышы пландалды. Жумушчу топтун курамында квалификациялуу адистер, психолог жана теологдор болот. Читать дальше...

Жогорку сотто мурдагы юстиция министри Аида Салянованын Алексей Елисеевге лицензия берүү ишине байланыштуу соттук жараян 24-сентябрга жылдырылды. Ага ишти караган соттук коллегиянын баяндамачысы келбей калганы себеп болду. Аталган ишти сот жаңы кодекстерге негиздеп кайра карамак. 24-июлда башталган отурум 1-августка жылып, ал күнү да каралбай калган. Салянова 2010-жылы юстиция министринин милдетин аткарып турганда «мурдагы президенттин уулу Максим Бакиевдин өнөктөшү Алексей Елисеевдин адвокаттык... Читать дальше...

Орусиянын президенти Владимир Путин Владивостокто Чыгыш экономикалык форумунда Москва менен Киевдин туткундарды алмашуу тууралуу сүйлөшүүлөрүнө байланыштуу комментарий берди. Анда ал тараптар дээрлик макулдашып, алмашуу жараяны башталганы калганын айтты. Путин туткундарды алмашуу «көлөмдүү жараян» экенин белгилеп, эки өлкөнүн алака-катышын калыбына келтирүүдө ал «жакшы кадам» болорун айтты.  Путин туткундар алмаша турган күндүн датасын тактаган жок. «Интерфакс» маалымат агенттиги ишенимдүү булактарына таянып... Читать дальше...

Сузак районунун Ленин айылында 67 жаштагы пенсионер мугалим Юрий Губайдулиндин токмоктолушун райондук ички иштер бөлүмү териштирип жатат. Облустук ички иштер башкармалыгынын басма сөз кызматы «Азаттыкка» билдиргендей, факт Кылмыштар менен жоруктардын реестрине «Ээнбаштык» беренеси менен катталып, сотко чейинки өндүрүшкө алынды. Тергөө уланууда. Юрий Губайдулин 25-августта Ленин айылында айылдаштары менен суу талашып, аны бир тууган Молдобаевдер токмоктоп салганын айтып милицияга кайрылган. Учурда ал жаагы сынып... Читать дальше...

Жалал-Абад шаарында “Үй-бүлөгө жана балдарга жардам берүү” кайрымдуулук борбору ачылды. Зордук-зомбулукка кабылган аялдарга жана балдарга психологиялык колдоо көрсөткөн борбор Түштүк Кореядагы уюмдун колдоосу менен түптөлдү. Калаа бийлиги кийинки жылдан тарта борбордун ишин кеңейтүүнү максат кылууда.

Украинанын Киев шаарындагы апелляциялык сот бүгүн, 5-сентябрда Владимир Цемахты сот залынан бошотту. Нидерланд жетекчилик кылган Эл аралык тергөө тобу Цемах малайзиялык учак атып түшүрүлгөн окуянын маанилүү күбөлөрүнүн бири экенин кабарлаган.  Цемах быйыл июнь айында камалган. Ал Украина жана Орусия бири-бири менен алмашканы жаткан туткундардын тизмесинде болгон.  Европа парламентинин 40 депутаты Цемахка байланыштуу Украинанын президенти Владимир Зеленскийге кайрылды. Анда Цемах «Донецк элдик республикасынын» мурдагы согушкери экени... Читать дальше...

Ден соолугуна байланыштуу бир жарым жылдан бери кызматтык милдеттерин аткара албай жаткан парламент депутаты Насыр Мусаев мандатын өткөрүп берүү боюнча Борбордук шайлоо комиссиясына (БШК) арыз жазды. Бул тууралуу «Азаттыкка» БШКнын төрайымынын орун басары Абдыжапар Бегматов билдирди. Депутатты ыйгарым укуктарынан ажыратуу маселесин шайлоо комиссиясы жакынкы күндөрү карай турган болду. Буга чейин Мусаев кирген «Кыргызстан» фракциясынын башчысы Алмазбек Баатырбеков парламенттин төрагасы Дастанбек Жумабековго кат жөнөтүп... Читать дальше...

Экономика министри Санжар Мукамбетовдун айтымында, өлкө аймагында этти кайра иштетүү боюнча 296 ишкана иштеп жатат. Мындан тышкары, санитардык нормаларга жооп бербеген чакан цехтер да бар. Аларда эт өндүрүмү иштелип чыгып, сакталат, ташылат жана сатылат. Министр бул калктын ден соолугу үчүн кооптуу экенин билдиргенин парламенттин басма сөз кызматы жазды. Мукамбетов талапка жооп берген касапканаларды салуу жана иштеп жаткандарын эл аралык стандарттарга шайкеш келтирүү максатында Ислам өнүктүрүү... Читать дальше...

6-сентябрда Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын кээ бир райондорунда жамгыр жаап, күн күркүрөйт, бийик тоолуу райондордо кар жаайт. Батыштан соккон шамалдын ылдамдыгы секундасына 4-9 метрге, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 9…14, күндүз 18…23; Таласта түнкүсүн 4…9, күндүз 15…20; Ош, Жалал-Абад, Баткен аймактарында түнкүсүн 12…17, күндүз 20…25; Ысык-Көл дубанында түнкүсүн 10…15... Читать дальше...

Багам аралдарында катуу шамалдын кесепетинен 20дай киши өлүп, дагы ондогон адам жараат алды.  Куюндун коркунучу 3-категорияга түшүп басаңдады. Багам аралдарынын премьер-министри Губерт Миннис бул табыгый кырсыкты «муундун кыйрашы» деп сыпаттады.  БУУнун баш катчысынын гуманитардык иштер боюнча орун басары Марк Лоукок Багам аралдарында кеминде 70 миңдей адам куткарууга, медициналык жардамга, коопсуз баш калкага жана тамак-ашка муктаж экенин билдирди. Кошмо Штаттардын куюнду иликтеген улуттук борборунун маалыматы боюнча... Читать дальше...