Казакстандын президенти Касым-Жомарт Токаевдин Кытайдагы мамлекеттик сапары аяктады. Ал Бээжиндеги ишкерлер форумунун ачылышында Кытайга Казакстандан айыл чарба азыктарын экспорттоону көбөйтүүнү жана юандын дүйнөлүк ролун көтөрүүнү сунуш кылды.
Бишкектин Биринчи май райондук соту Өмүрбек Текебаев менен Дүйшөнкул Чотоновдун ишиндеги мурда каралбай калган жаңы жагдайларды териштирүүгө киришти.
Орусиянын Тышкы иштер министрлиги президенттик администрациянын мурдагы кызматкери Олег Смоленковдун табылганына байланыштуу Интерполго кайрылды. Министрликтин басма сөз өкүлү Мария Захарова «Интерфакс» маалымат агенттигине комментарий берип жатып, «Орусияда бул жаран дайынсыз жоголгон деп эсептелет. Ал чет өлкөдө жүргөндө үй-бүлөсү менен кошо кат-кабарсыз кеткен. Анын жоголгонуна байланыштуу Орусияда кылмыш иши козголгон. Эми эки жылдан соң АКШдагы басылмалар Сммоленков Кошмо Штаттарда жашап жүргөнүн жазышты», деди. Читать дальше...
Өзбекстанда Azon.uz маалымат порталы «муфтий Усманхан Алимов кызматтан кетти» деген такталбаган маалымат таратканы үчүн анын башкы редактору иштен алынды. «2019-жылдын 10-сентябрында «Azon New Media» чукул жыйынга чогулду жана анда маалыматты даярдап чыгарууда шалаакылык кылганы үчүн башкы редакторду иштен бошотуу жөнүндө чечим кабыл алынды», деп айтылат портал тараткан маалыматта. Мунун алдында бир катар жергиликтүү маалымат агенттиктери Усманхан Алимов Өзбекстан мусулмандар дин башкармалыгынын жетекчилигинен бошогону тууралуу жазышкан. Читать дальше...
Европа соту 11-сентябрда Украинанын Орусияга каршы доо арызын карады. Анда Киев менен Москвадан келген өкүлдөр кайым айтыша кетти. 2014-жылдын март айында Орусия Крымды аннексиялап алганына байланыштуу Украина Европа сотуна доо арыз менен кайрылган. Киевдин көз карашында, аннексияга чейин эле, жарым аралда дүйнө коомчулугу тааныбаган референдум өтүп жаткан маалда ал жакта орусиялык аскерлер жайгаштырылган жана алар жергиликтүү элдин укуктарын одоно бузуп турушкан. Орусия бул дооматтардын баарын такай четке кагып келет. Читать дальше...
АКШда Жогорку сот 11-сентябрда президент Дональд Трамптын баш калка сурап кайрылган мигранттардын укуктарын кескин чектеген буйругун күчүндө калтырды. Трамп «Твиттердеги» баракчасына «Биз бараандуу жеңишке жеттик» деп жазды. Бул буйрукка ылайык, Кошмо Штаттар өз мекенинен чыкканда алгач барган өлкөдөн баш калка сурабай, АКШнын бийлигине кайрылган мигранттардын документтерин кабыл албайт. Маселен, бул Латын Америкасынан чыгып, Мексика аркылуу АКШга кирүүнү каалаган мигранттардын баары алгач Мехикого кайрылышы керек дегенди билдирет. Читать дальше...
Үй камагындагы «Ата Мекен» партиясынын лидери Өмүрбек Текебаев мурдагы Убактылуу Өкмөттүн мүчөсү катары президент Сооронбай Жээнбеков менен жолугушууга расмий чакыруу албаганын маалымдады. Ал бул маалыматты массалык маалымат каражаттарынан укканын жана чакыруу болсо кабыл аларын айтты. Текебаев Жээнбеков менен жолугуп калса кылмыш иши жөнүндө кеп козгобой турганын билдирди: - Дүйнөдө жана Кыргызстанда болуп жаткан окуяларды талкуулайбыз. Бирок менин кылмыш ишим боюнча ал жакта кеп болбойт деп ойлойм. Читать дальше...
АКШ менен «Талибан» кыймылынын тынчтык сүйлөшүүлөрү үзгүлтүккө учурады. Ооган жергесинде ондогон жылдардан бери аягы тыйылбаган зордук-зомбулукту кантип токтотсо болот? Деги эле согушкер кыймыл менен бир мунасага келүү мүмкүнбү? Тынчыбыган Ооганстандын Борбор Азияга таасири кандай болмокчу?
Президент Сооронбай Жээнбеков бүгүн, 12-сентябрда Жапониянын Кыргызстандагы атайын жана ыйгарым укуктуу элчиси Ёсихиро Ямамураны дипломатиялык миссиясынын аякташына байланыштуу кабыл алды. Мамлекет башчысы Жапониянын элчисине өз ара ишенимге жана урматтоого негизделген кыргыз-жапон мамилелерин өнүктүрүүгө кошкон жеке салымы үчүн ыраазычылык билдирди. Жапон элчиси Ёсихиро Ямамура президентке жылуу кабыл алуусу үчүн ыраызычылык билдирип, анын Кыргызстандагы дипломатиялык миссиясын өтөгөн жылдары... Читать дальше...
10 сентябрь күнү болгон катуу шамалдын кесепетинен Каракол шаарында болжол менен 43 турак жай зыян тартты. Мындан тышкары Ак-Суу районунда 4 турак жай жана бир күнөскана чыгымга учураган. Күнөскананын ээси 20 млн. сомдон ашык чыгым болгонун билдирүүдө. Гидромед борборунун маалыматына ылайык, ошол куну болгон шамалдын ылдамдыгы секундасына 28 метрге чейин жеткен.
Еревандын райондук сотунда өлкөнүн экинчи президенти Роберт Кочарян жана башка мурдагы жогорку кызмат адамдарынын үстүнөн сот иши 12-сентябрда да уланды.
АКШ президенти Дональд Трамп "Талибан" куралдуу кыймылына мурдагыдан да катуу сокку урула турганын айтты. Алматы шаардык соту Жогорку Кеңештин мурдагы депутаты Дамирбек Асылбек уулунун доо арызын карай баштады. Армениянын мурдагы президенти Роберт Кочаряндын соту ушул жумада башталат.
Кыргызстандагы улут саламаттыгы, өлкөнүн стратегиялык маанилүү жайлары болгон курорттор эмнеге талкаланып жатат? Аларды мамлекет камкордукка алышы керекпи? Жети-Өгүз, Жыргалаң, Ысык-Ата, Жалал-Абад санаторийлеринин азыркы адам зээнин кейиткен абалы тууралуу атайын чыгарылыш.
Жалал-Абад шаарындагы түнкү клубдардын биринде мушташкан топ балдардын үчөө ооруканада. Алардын бирөө эсине келбей оор абалда жатат.
7-8-августта Кой-Таш айылында болгон окуяны иликтөө боюнча мамлекеттик комиссиянын мүчөлөрү тергөө сырына байланыштуу бир катар документтер менен тааныша элек. Бул туурасында «Азаттыкка» комиссиянын мүчөлөрүнүн бири Артур Медетбеков билдирди. Документтерге уруксат кийинки жумада берилип калышы мүмкүн экенин айткан Медетбеков алдыда дагы бир катар карала турган маселелер бар экендигин белгиледи. - Мына, өткөн комиссиянын отурумунда күч түзүмдөрүнүн жетекчилеринин маалыматтарын угуп, аларга комиссия мүчөлөрү бир катар суроолорду берип... Читать дальше...
Кыргызстандын өкмөтү Өзбекстандын башка жер тилкесине алмаштырылган Араван районунун Төө-Моюн айыл аймагындагы Керкидан суу сактагычынын тагдыры тууралуу маалыматтарды баштан-аяк тактап, билдирүү таратты. Өкмөт аппараты тараткан билдирүүдө, Керкидан (Керкидон) суу сактагычынын жалпы аянты 1041 гектарды түзөт. Анда белгиленгендей, Кыргыз ССРинин Министрлер советинин 1962-жылдын 29-майындагы, 1964-жылдын 14-сентябрындагы, 1970-жылдын 14-сентябрындагы токтомдору менен Керкидан суу сактагычынын объектилерине... Читать дальше...
Кыргыз-өзбек мамлекеттик чек арасын делимитациялоо жана демаркациялоо боюнча өкмөттүк жумушчу топтун делегациясы Ош облусунун Араван районуна жөнөп кетти. Бул тууралуу өкмөттүн аппаратынын маалыматтык камсыздоо бөлүмү кабарлады. Мекеме кабарлагандай, мунун алдында өкмөткө караштуу Жер ресурстары боюнча мамлекеттик агенттиктин директору Каныбек Ботобаев, чек ара маселелери боюнча өкмөттүн атайын өкүлүнүн милдетин аткаруучу Чыңгыз Мамат уулу, Мамлекеттик картографиялык жана геодезиялык кызматтын... Читать дальше...
Араван районундагы 407 гектар жер коңшулаш Өзбекстан менен алмаштырылганы маалым болду. Өкмөт бул маселени эртеби-кечпи чечүүгө туура келерин билдирүүдө. Ал эми адистер жер алмашуу тажрыйбасы элдин макулдугу менен ишке ашууга тийиш экенин айтышууда.
Бүгүн, 12-сентябрда Казакстандагы Алматы шаардык сотунда Кыргызстандын Жогорку Кеңешинин мурдагы депутаты Дамирбек Асылбек уулунун доо арызы карала баштады. Аны соттун төмөнкү инстанциясы 12 жылга эркинен ажыраткан. Экс-депутатка «чек арадагы аткезчилик менен алектенген» жана «эл аралык уюшкан кылмыштуу топко катышы болгон» деген айып коюлган. Дамирбек Асылбек уулу күнөөсүн мойнуна алган эмес. Бул кылмыш ишинин негизинде жалпысынан 12 киши соттолгон. «Азаттыктын» казак кызматынын кабарчысы билдиргендей... Читать дальше...
Бириккен Улуттар Уюму 11-сентябрда Сириядагы согуштун кесепети тууралуу баяндамасын жарыялады. Анда качкындар лагерлеринде «аялдар менен балдар адам чыдагыс шартта» жашап жатканы айтылат. Ошондой эле балдардын көбү 12 жашка чыга элек жана 3,5 миңден ашыгынын туулгандыгы тууралуу күбөлүгү жок. БУУнун 21 барактан турган баяндамасында айрыкча «Аль-Хол» лагерине байланыштуу өзгөчө тынчсыздануу айтылган. Бул жакта жүздөгөн адамдар, айрыкча балдар тамак-ашка, медициналык жардамга жетпей кырылып жатканы белгиленген. Читать дальше...
Кыргызгидромет борбору шашылыш билдирүү таратып, 15-16-сентябрларда көпчүлүк аймактарда мезгил-мезгили менен жаан жаап, тоолуу райондордо кар түшө тургандыгын эскертти. Абанын температурасы төмөндөйт. 17-сентябрдан тарта 0…-2° үшүк жүрүшү ыктымал. 13-сентябрда түнкүсүн жаан-чачын күтүлбөйт. 13-сентябрда күндүз Ысык-Көл, Нарын облустарынын кээ бир райондорунда жамгыр жаайт, калган аймактарда жамгыр болбойт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы... Читать дальше...
Бишкектин Биринчи май райондук сотунда үй камагындагы саясатчылар Өмүрбек Текебаев менен Дүйшөнкул Чотоновдун ишин караган соттук жараян 1-октябрга, саат 10:00гө жылдырылды. 12-сентябрдагы отурум сот процессин видеого тартууга тыюу салуу менен башталды. Андан кийин адвокаттар ишти кайра кароого негиз болгон жагдайларды тизмектеп, ишти кароо тартиби бекитилди. Айыптоочулар Чотонов менен Текебаевге коюлган айыптоо корутундусун кайра окуп беришти. Муну айыпталуучулар менен алардын адвокаты «ойдон токулган жомок» деп аташты. Читать дальше...
Жогорку Кеңештин депутаттары 12-сентябрдагы отурумда «Кыргыз Республикасындагы өзгөчө экономикалык аймактар жөнүндө» мыйзам долбоорун биринчи окууда карашты. Мыйзам долбоорун анын авторлорунун бири депутат Махабат Мавлянова коргоп, ал инвестициялык долбоорлорду тартуу, экономиканын кайра иштетүүчү тармактарын өнүктүрүү, экспортко багытталуучу жана импортту алмаштыруучу өндүрүштөрдү өнүктүрүү максатын көздөй турганын айтты. Ал ошондой эле өзгөчө экономикалык аймактар үч типте - өнөр жайлык-өндүрүштүк аймак... Читать дальше...
Орусия 2017-жылдан бери «Буревестник» ракетасын кеминде беш жолу сынаган. Бул тууралуу CNBC телеканалы АКШнын чалгын кызматындагы ишенимдүү булактарына таянып билдирди. Ага ылайык, ракетанын эң узак учушу эки мүнөттөн ашкан, эң кыскасы болсо төрт секунд болгон. «Орусия бул долбоорун ишке ашырууну тездетип, 2025-жылга чейин бүтүрүп, согушка колдонууга даяр кылып койгону жатат», деп айтылат телеканал тараткан маалыматта. Өткөн айда Архангелск облусундагы аскер полигонунда жарылуу болгондо АКШдагы... Читать дальше...
Футбол боюнча эл аралык федерациянын (ФИФА) өкүлдөрү Тегеранда кодулоого каршы өзүн өрттөгөн, алган жаракатынан улам ооруканада ажал тапкан футбол күйөрманы Сахар Ходайаринин окуясына байланыштуу Иранга барышат. Федерация бул тууралуу билдирүү таратты. Ходайари быйыл март айында өзүнө жаккан футбол командасынын беттешин көрүш үчүн стадионго келгенде камакка алынган. Кийинчерээк күрөөгө бошотулуп, ишинин сотто каралышы улам-улам жылып, аны жарым жылдан бери күтүп жаткан. Сот аны эки жылга чейин... Читать дальше...