Новости за 24.09.2019

Орусиянын Борбордук банкы тараткан маалыматка ылайык, 2019-жылдын биринчи жарымында өзбек мигранттары мекенине эки миллиард доллар жөнөтүшкөн. Бул былтыркы жылдын ушул маалына салыштырмалуу 200 миллион долларга көп. Мекенине акча жөнөткөн мигранттардын тизмесинде Өзбекстан Борбор Азияда биринчи орунда турат. Экинчи орунду Тажикстан ээлейт. Коңшу өлкөнүн жарандары быйылкы жылдын биринчи жарымында Орусиядан 1,1 миллиард доллар которсо, кыргызстандыктар 935 миллион доллар жөнөтүшкөн. Гайдар институту жарыялаган баяндамага ылайык... Читать дальше...

АКШнын президенти Дональд Трамп Нью-Йоркто Бириккен Улуттар Уюмунун Башкы Ассамблеясынын 24-сентябрдагы жыйынында сөз сүйлөдү. Трамп мамлекеттердин улуттук суверенитетин коргоп, глобализмди айыптады. Ал БУУнун трибунасынан "Келечек глобалисттердин эмес, патриоттордун колунда. Өз жарандарына кам көргөн өлкөлөр - дүйнөнүн пайдубалы", деди. Трамп өзүнүн администрациясынын эл аралык соода-сатык боюнча саясатын колдоп, анын ичинде Кытай товарларына кошумча нарк салыгы киргизилгенин жактады. АКШнын лидери... Читать дальше...

“Данисте” көрсөтүүсү ар дүйшөмбү Кыргызстандын булуң-бурчунан окуяларды, кызыктуу репортаждарды жана данектүү адамдар тууралуу видео баяндарды сунуштайт. Бүгүнкү топтомдо: электр жарыгына зар болгон кыштак. Жалал-Абаддагы кышы оор Жазы-Кечүү айыл эли жол жана жарык маселесин көтөрүп чыгышты. Короодо коркунуч жараткан трансформатор. Орду талашка түшкөн электр көмөк чордондун коопсуздугу унутта калууда. Мигранттын сагыныч менен өткөн 11 жылы. Москва облусунда көп кабаттуу үйдүн күзөтүндө иштеген Анарбектин таржымалы.

Өкмөттүн талдоо жана болжолдоо секторунун башчысы, камакка алынган Егор Скобеев ооруканага жаткырылды. Ал кайсы ишке шектүү катары кармалганы расмий айтыла элек.

Баткен облусундагы Лейлек районуна караштуу Максат айылына жакын кыргыз-тажик чек арасында талаштуу деп сөз болуп жаткан спорт аянтчасында эки тараптан чогулган жаштар үчүн футбол таймашы уюштурулду.

Сыртынан 10 жылга күчөтүлгөн тартиптеги колонияга кесилген Жогорку Кеңештин мурдагы депутаты, экс-вице-премьер-министр Аскарбек Шадиевдин жакындары анын камактагы мүлкүн чыгарууга аракет кыла башташты.

Пакистандын чыгышында 23-сентябрда күчү 5,8 баллга жеткен жер титирөө болду. Зилзаланын толкуну өлкөнүн борбор шаары Исламабадга жана башка аймактарга чейин жетти.  Табыгый кырсыкта кеминде беш киши өлүп, дагы жүздөн ашыгы жарадар болду. Өлкө бийлиги жабыркаган аймакка кошумча куткаруучуларды жөнөттү.  Кырсыкка күбө болгондор жер менен кошо үйлөрдүн дубалдары кошо титиреп-солкулдаганын, адамдар көчөгө качып чыгышканын айтып беришти.  Исламабаддагы Сейсмикалык мониторинг боюнча улуттук борбордун маалыматына караганда... Читать дальше...

Ош шаарында Кыргыз Эл артисти Жамал Сейдакматованын 80 жылдык мааракесине карата VII ART-ORDO эл аралык театр фестивалы башталды. Фестивалга Азербайжандын, Казакстандын, Тажикстандын, Өзбекстандын, Түркиянын, Орусиянын жана Кыргызстандын өкүлдөрү катышат. Фестиваль беш күнгө созулуп, ага өлкөдөгү бардык театрлар катышат.

Орусияда террордук ишмердүүлүккө айыпталып, беш жыл түрмөдө отурган украиналык режиссер Олег Сенцов «Украинаны кул кылгысы келген» Владимир Путиндин бийлигин айыптады.

Кыргызстан менен Түркиянын мамлекет башчылары эки өлкө ортосундагы товар жүгүртүүнү 1 млрд. долларга жеткирүүнү көздөйт. Бул тууралуу президент Сооронбай Жээнбеков кыргыз-түрк ишкерлеринин Бишкек форумунда билдирди.

Индонезиянын Батыш Папуа провинциясындагы башаламандыкта дагы 70тей киши жарадар болду. Дүйшөмбүдө демонстранттар, негизинен мектеп окуучулары Вамена шаарындагы мамлекеттик мекемелердин имараттарын, турак жайларды, автоунааларды өрттөп салышкан. Өлгөндөрдүн көбү ошол имараттардын ичинен чыга албай калган. Каршылык акциялары август айында «коллеждердин бириндеги мугалим түпкүлүктүү элдин өкүлүн басмырлады» деген сөздөн улам чыккан. Полиция мунун ушак экенин айтууда. Андан соң демонстранттар Папуанын... Читать дальше...

БУУнун Башкы Ассамблеясынын климаттын өзгөрүшүнө арналган жыйынында 16 жаштагы швециялык активист Грета Тунберг дүйнө лидерлерин жетиштүү чара көрбөй жатканы үчүн уяткарды. Орусияда террордук ишмердүүлүккө айыпталып, беш жыл түрмөдө отуруп, жакында эле мекенине кайтарылган украин режиссеру Олег Сенцов Путиндин бийлигин айыптады. АКШда интернет оюндарына азгырылып, анын тузагынан чыга албай калгандарды дарылоочу фермадан айыгып чыккандардын саны 400дөн ашты.

Нью-Йоркто Бириккен Улуттар Уюмунун Башкы Ассамблеясынын климаттын өзгөрүшүнө арналган жыйынында 16 жаштагы швециялык активист Грета Тунберг дүйнө лидерлерин сынга алды. Анын айтымында, дүйнөдө жаратылышты коргоого жетиштүү чара көрүлбөй жатат.

Кыргызстандын аймагында 25-сентябрда түнкүсүн жаан жаабайт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн 8…13, күндүз 22…27; Таласта түнкүсүн 5…10, күндүз 20…25; Ош, Баткен жана Жалал-Абад аймактарында түнкүсүн 11…16, күндүз 26…31; Ысык-Көл дубанында түнкүсүн 7…12, күндүз 21…26; Нарын облусунда түнкүсүн 5…10, күндүз 23…28; Бийик тоолуу райондордо түнкүсүн -3…+2 градус, күндүз 9…14 градус жылуу болот. 25-сентябрда Бишкек шаарында жаан жаабайт. Читать дальше...

Британияда Жогорку сот премьер-министр Борис Жонсонду кызмат абалынан аша чабуу боюнча күнөөлүү деп тапты. 11 судьядан турган соттук коллегиянын бир ооздон чыгарылган өкүмүнө ылайык, өкмөттүн парламентти узак мөөнөткө - 14-октябрга чейин тыныгууга жөнөтүү тууралуу чечими мыйзамсыз болгон.  Жогорку соттун төрайымы Бренда Хейл өкүмдү окуп жатып:  - Өлкө Европа Биримдигинен так чыгаар алдында өкмөт эмнеге парламентти беш жумага тыныгууга жөнөтүп салганын эч негиздеп бере алган жок. Ошол эле мындай... Читать дальше...

24-сентябрда белгилүү мушкер Орзубек Назаровдун кызы катышкан жол кырсыгы боюнча отурум Жогорку сотто өтүп, Бишкек шаардык сотунун чечими күчүндө калтырылды. Бул тууралуу Орзубек Назаров «Фейсбуктагы» баракчасына жазды.  Мурдагы таржымалына кайрылсак, 28-мартта Биринчи май райондук сотунда белгилүү мушкер Орзубек Назаровдун кызы жабыркаган жол кырсыгына байланыштуу өкүм чыккан. Анда ошол кездеги Бишкектин патрулдук милиция башкармалыгынын инспектору Улан Султангазиев үч жылга эркинен ажыратылып, сот залынан камакка алынган. Читать дальше...

АКШнын Нью-Йорк шаарында Бириккен Улуттар Уюмунун Башкы Ассамблеясынын жыйынына катышуу үчүн келген Азербайжан менен Армениянын тышкы иштер министрлери Эльмара Мамедъярова менен Зограб Мнацаканян жолукту. Жолугушууга Европадагы Коопсуздук жана Кызматташтык Уюмунун (ЕККУ) өкүлдөрү да катышты.  Армениянын Тышкы иштер министрлиги тараткан маалыматта Мнацаканян анда Азербайжанда кармалып турган армян жарандарын кайтаруу маселесин көтөрдү. Мамедъярова болсо жолунан адашып Тоолуу Карабактын жикчилдер... Читать дальше...

Орусиядан Нью-Йоркко, Бириккен Улуттар Уюмунун Башкы Ассамблеясынын жыйынына бараткан делегациянын 10 мүчөсүнө АКШ виза берген жок. Алардын арасында Федерация кеңешинин эл аралык иштер боюнча комитетинин башчысы Константин Косачёв да бар. Бул тууралуу Косачёв өзү жарыялады жана Тышкы иштер министрлигинин басма сөз өкүлү Мария Захарова да ырастады. АКШ визага байланыштуу маселени техникалык себеп менен түшүндүрдү. Косачёв болсо "түшүндүрүүгө, актанууга жатпаган, кыжырды келтирген жагдай" деп атады. Читать дальше...

Бишкекте эки кишини катуу сабады деген шек менен кармалып, №1 тергөө абагында отурган Жаныбек Бапышев менен Калысбек Сейитбековдун колдору таңылган сүрөтү Интернетте тарап, катуу сабалганы тууралуу кеп тарады. Бирок Жаза аткаруу боюнча мамлекеттик кызматтын (ЖАМК) басма сөз катчысы Элеонора Сабатарова эки шектүүнүн колунун тарамышы чоюлганын белгилеп, катуу сабалганы боюнча сөздөрдү төгүндөдү.   19-сентябрда Бапышев менен Сейитбеков жаракат алып, Травматология жана ортопедия илимий борборуна жеткирилген. Читать дальше...

7-8-августта Кой-Ташта болгон окуяларды териштирүү боюнча Акыйкатчы аппаратында түзүлгөн комиссия менен парламент депутаттары Ирина Карамушкина, Асел Кодуранова, мурдагы президент Алмазбек Атамбаевдин баласы Кадырбек Атамбаев, парламенттин мурдагы депутаты Мээрбек Мискенбаев жана Кой-Таш айлынын тургундары жолугушууда. Бул жолугушууну Атамбаевдин тарапташтарынын бири Кундуз Ажыбекова «Фейсбук» баракчасында түз алып көрсөтүүдө.  Анда Жогорку Кеңештин мурдагы депутаты Мээрбек Мискенбаев Кой-Таш окуясы... Читать дальше...

Бул тууралуу Кошмо Штаттардын президенти Дональд Трамп 23-сентябрда Нью-Йоркто Польшанын президенти Анжей Дуда менен жолугушууда ырастады.  Эки өлкөнүн лидерлери аскерий кызматташтыкты кеңейтүү боюнча декларацияга кол коюшту. Документте башка европалык мамлекеттерден Польшага кошумча бир миң америкалык аскер жөнөтүү каралган. Бирок бул жаңы аскердик база түзүлдү дегенди билдирбейт.  Трамп «Польшадагы америкалык аскердин көбөйүшү Орусиядан келген коркунучка байланыштуубу?» деген суроого: «Жок» деп жооп берди. Читать дальше...

Израилде премьер-министр Биньямин Нетаньяху менен анын башкы саясий атаандашы Бенни Ганц коалициялык көпчүлүк түзүү максатында 23-сентябрда сүйлөшүүлөрдүн биринчи айлампасын өткөрдү. Азырынча тараптар мунасага келе элек. Буга чейин Ганц өкмөттү бирге түзүү тууралуу Нетаньяхунун сунушун четке каккан.  17-сентябрда өткөн мөөнөтүнөн мурда парламенттик шайлоодо Ганцтын «Көк жана ак» партиясы 33, ал эми Нетаньяхунун «Ликуд» партиясы 31 добуш алып, дагы «ит жыгылыш» болгон.  Израилдин президенти Реувен Ривлин саясий атаандаштарды биригип... Читать дальше...

Эркин күрөш боюнча дүйнөлүк чемпионатта алтын медаль тагынган Айсулуу Тыныбекованын машыктыруучусу Нурбек Изабеков бул жеңиштин артында тынымсыз күрөш турганын билдирди. Ал Рио олимпиадасынан кийин Айсулууну машыктырууда психологиялык шыктандырууга көп көңүл бурулганын айтты.

Арменияда мурдагы полиция башчысы Айк Арутюняндын өлүгү үйүндө табылды. Полиция анын башына ок тийгенин, баштапкы божомолдорго ылайык ал өзүн атып өлтүргөнүн билдирди.  Айк Арутюнан 2005-2008-жылдары полицияны, 2000-2014-жылдары Жаза аткаруу кызматын жетектеген. Ушул тушта «1-март иши» деген ат менен таанылган окуяга байланыштуу козголгон кылмыш ишинде күбө катары суралып жаткан болчу.  2008-жылы 1-мартта Ереванда президенттик шайлоодон кийин нааразылык акциясына чыккан митингчилер кууп таратылган. Читать дальше...

17-сентябрда Бишкек шаардык сотунда С. Шадиева аттуу жарандын мүлк боюнча иши каралып, буга чейинки Биринчи май райондук сотунун чечимин жокко чыгарылган чечим чыкты. Ошондой эле мүлктү камактан чыгаруу тууралуу доо арызды кароо токтотулган. Тактап айтканда Саадат Шадиеванын мүлкү камакта калды.   19-июлда Биринчи май райондук соту Саадат Шадиеванын Башкы проркуратурага жана Улуттук коопсуздук боюнча мамлекеттик комитетке карата мүлкүн камактан чыгаруу боюнча доо арызын канааттандырган болчу. Кеп... Читать дальше...