Новости за 05.11.2019

Кыргызстандын Орусиядагы элчилиги Москвада теракт жасоого аракет кылган деген шек менен кармалган адамдын чоо-жайын териштирүүдө. Бул тууралуу дипломатиялык өкүлчүлүктөн "Азаттыкка" билдиришти. 5-ноябрда Москванын Черемушка райондук соту борборазиялык 30 жаштагы Талант аттуу жаранды камоого санкция бергенин "Интерфакс" жазган. "Настоящее время" телеканалы Тергөө комитетинин өкүлү Юлия Ивановага таянып, ал кыргызстандык экенин, Москвага сентябрда барганын кабарлады. Шек саналган адам 2020-жылдын 1-январына чейин камакка алынган. Читать дальше...

Коомдук ишмер жана энергетика тармагы боюнча эксперт Расул Умбеталиев коррупцияга каршы "Таза Кол" аттуу фонд түздү. Ал тууралуу 5-ноябрда Бишкекте басма сөз жыйынын куруп, коомчулукка маалымдады. "Азаттыкка" берген комментарийинде фонд аркылуу мамлекеттин жемкорлукка каршы күрөшүнө жардамдашууну көздөп жатканын айтты. Фондду өзү башкарат. Байкоочу кеңеште Базарбай Мамбетов, Калыгул Бейшекеев жана Илич Боронбаев болушат. Умбеталиевдин айтымында, фондду азыр эч ким каржылай элек. Уюштуруучулар эл аралык уюмдардан көмөк алууга... Читать дальше...

Армениянын премьер-министри Никол Пашинян Жамааттык коопсуздук Келишим Уюмуна мүчө мамлекеттерди (ЖККУ) тышкы саясат жана аскердик-техникалык кызматташууда бул уюмга кирген бардык өлкөлөрдүн кызыкчылыгын эске алууга чакырды. Ал Ереванда 5-ноябрда ЖККУнун парламент аралык ассамблеясынын жыйынында Азербайжанга курал-жарак сатканы үчүн Орусия менен Беларусту сынга алды. 1990-жылдардын башында Азербайжанда армяндар басымдуулук кылган Тоолуу Карабакты Армения колдогон жикчилдер согуш учурунда ээлеп алган. Читать дальше...

Казакстандын Алматы шаарынын апелляциялык соту 5-ноябрда Жогорку Кеңештин мурдагы депутаты Дамирбек Асылбек уулунун доо арызын карап, канааттандырган жок. Ал эми аны менен кошо соттолгон Уланбек Мурадиловдун 10 жылдык жаза мөөнөтүн сегиз жыл кылып кыскартты. Дамирбек Асылбек уулун соттун төмөнкү инстанциясы 12 жылга эркинен ажыраткан. Экс-депутатка «чек арадагы аткезчилик менен алектенген» жана «эл аралык уюшкан кылмыштуу топко катышы болгон» деген айып коюлган. Дамирбек Асылбек уулу күнөөсүн мойнуна алган эмес. Читать дальше...

Кыргызстан Кытайдын Шиңжаңдагы саясатын колдоп чыкты. Өзбекстанда ата-энелер балдарды сабаган тарбиячы жоопко тартылбаганына нааразы болууда. Түркмөнстанда жарым жылдан бери биринчи жолу пахта май сатыкка түшкөн дүкөндө эл кезекте 5-6 сааттап турду. Путинге каршы чыккан бакшы. Майып адамдарга жардам берүү программасы үзүрүн берүүдө.

Орусиянын Томск шаарында сот 5-ноябрда "Жахабанын күбөлөрү" диний агымынын өкүлү Сергей Климовду алты жылга эркинен ажыратты. Ал "экстремисттик уюмдун жетекчиси" деп табылды. Климовдун адвокаты шаардык соттун чечимине каршы жогорку инстанцияга даттанарын билдирди. Климов сотто "Жахабанын күбөсү" экенин ырастаган, бирок уюмдун аймактык бөлүмүнүн жетекчиси экенин мойнуна алган эмес. Тергөө материалдарына ылайык, Климов диний жөрөлгөлөрдү өткөрүп, башка адамдарды өз катарына тарткан жана "Жахабанын... Читать дальше...

Өкмөт аппаратында иштеген аткаминерди жана Экономикалык кылмыштарга каршы күрөшүү кызматынын төрага орун басарын пара алды деп айыптаган ишкер Эмир Эмилканов ачыкка чыкты.

Ленин райондук сотунда адвокат Эльмира Чоноеванын иши каралууда. Ал өткөн жылы адвокаттык лицензиядан ажыраткан Адвокатура кеңешинин чечимин жокко чыгарууну өтүнүп, сотко кайрылган.

Президент Дональд Трамп АКШны климат боюнча Париж келишиминен чыгаруу жараянын баштады. Бул жараян бир жылга созулат жана президенттик шайлоонун эртеси аяктамакчы. Иран Фордо объектиндеги центрифугаларына газ жүгүртөрүн билдирди. Муну менен Тегеран ядролук келишимдеги дагы бир милдеттенмеден баш тартмакчы. Журналисттин постунан кийин Москвадагы Жуковский аэропорту жана «Урал» авиакомпаниясынын жетекчилиги жүргүнчүлөрдү улутуна, жарандыгына карап дискриминациялоого жол берилбестигин билдирди.

Ош мамлекеттик университетинин ректору болуп Кудайберди Кожобеков шайланды. Аталган жогорку окуу жайдан кабарлашкандай, ректорлукка төрт киши ат салышып, добуш берүүгө катышкандардын 96 пайызы Кожобековдун талапкерлигин жактырды. Ал буга чейин билим берүү жана илим министринин орун басары болуп иштеген. Акыркы учурда Ош мамлекеттик университетинин ректорунун милдетин аткаруучу болуп турган. ОшМУну 2011-жылдан бери башкарып келаткан Каныбек Исаков 11-сентябрда билим берүү жана илим министри болуп дайындалган. Читать дальше...

"Сөз дайра" берүүсүндө этек, чымын жана чык деген сөздөрдүн маанисин айтып беребиз.

Кой-Таш айылында 7-8-август күндөрү түзүлгөн кырдаалды иликтөө боюнча мамлекеттик комиссиянын корутундусунун долбооруна комиссиянын дагы бир мүчөсү Жаркынбек Касымбеков каршы добуш бергени белгилүү болду. - Комиссиянын бүтүмүнө караманча-каршы болуп, макулдугумду берген жокмун. Өзгөчө пикир да айтпай комиссиянын андан аркы ишине катышуудан баш тарттым. Комиссиянын жыйынтыгы менен макул эмесмин, - деди Касымбеков. Кой-Таш окуясы боюнча мамлекеттик комиссия негизги ишин 31-октябрда жыйынтыктаган. Читать дальше...

АКШнын президенти Дональд Трамп өлкөнү климат боюнча Париж келишиминен чыгаруу жараяны башталганын кабарлады. Бул жараян бир жылга созулат.

Британияда Борис Жонсон башында турган өкмөт Орусиянын Брекзит боюнча референдумга кийлигишип-кийлигишпегенин иликтеген баяндаманы жарыялоону убактылуу токтотуп койду. Парламенттин Чалгын жана коопсуздук комитети премьер-министрге 50 барактан турган бул документти 17-октябрда жөнөткөн. Мыйзам боюнча, өкмөт башчы 10 күндүн ичинде баяндамада коопсуздук жана чалгын кызматтарынын ишине кедергисин тийгизчү маалыматтардын бар-жогун текшерип чыгышы керек. Азырынча баяндама качан чыгары белгисиз. "Блумберг"... Читать дальше...

2012-жылы түзүлгөн “Өнүгүү-Прогресс” келерки парламенттик шайлоого катышууну көздөп турат. Эксперттер келе жаткан шайлоодо “Өнүгүү-Прогресс” эле эмес, бардык партиялардын курамы өзгөрүп, шайлоо жыйынтыгы элди эле эмес, саясатчылардын өзүн да таң калтыра турганын айтышууда.

«Кыргызгидромет» борбору кабарлагандай, 6-ноябрда абанын температурасы кескин төмөндөйт. Чүй, Талас өрөөндөрүндө түнкүсүн 0…-5° суук, күндүз 1…6° жылуу болот. Ош, Жалал-Абад, Баткен облустарынын өрөөндөрүндө түнкүсүн 0…5°, күндүз 7…12° жылуу болот. Ысык-Көл жана Нарын облустарынын дыйканчылык аймактарында түнкүсүн -2…-7° суук, күндүз -1…+4° жылуу, тоолуу райондордо түнкүсүн -4…-9°, күндүз 0…-5° суук болот. Чүй, Ысык-Көл облустарынын кээ бир райондорунда кар жаайт, калган аймактарда жаан жаабайт. Читать дальше...

Польшанын Катовице шаарында бүгүн, 5-ноябрда Кызытмага каршы дүйнөлүк агенттиктин (ВАДА) бешинчи дүйнөлүк конференциясы башталат. Жыйын үч күнгө созулат жана күн тартибинде агенттиктин жаңы президентин шайлоо, кызытмага каршы жаңы кодексти кабыл алуу өңдүү маселелер бар. Бирок бир катар байкоочулар орус спортундагы кызытма жаңжалынын өнүгүшү да башкы тема болоорун белгилешет. Жыйындын алдында ВАДАнын биринчи президенти Дик Паунд кызытмага байланыштуу айыпталган спортчуларга жана өлкөлөргө каршы жазаны күчөтүүгө чакырган. Читать дальше...

Бул тууралуу Кошмо Штаттардын мамлекеттик катчысы Майк Помпео 4-ноябрда жарыялады жана тиешелүү маалымат Бириккен Улуттар Уюмуна жөнөтүлгөнүн билдирди. Келишимден чыгуу жараяны кеминде бир жылга созулмакчы. Дональд Трамп президенттикке аттанып жатканда ошол кездеги Кошмо штаттардын лидери Барак Обама кол койгон бул экологиялык келишимден чыгуу тууралуу убада берген. Анын жүйөсүндө, документ АКШдагы бизнеске, өндүрүшкө кедергисин тийгизет жана жумушчу орундарды кыскарат. Трамптын сынчылары Вашингтон бул келишимден чыгып кетсе... Читать дальше...

Бул тууралуу президент Сооронбай Жээнбеков Турдакун Усубалиевдин небереси Эрмек Усубалиев менен жолугушканда айтты. Өлкө башчынын аппаратынын басма сөз кызматы жолугушууда Усубалиевдин 100 жылдык мааракесинин алкагында болчу иш-чаралар тууралуу пикир алышканын билдирди. Сооронбай Жээнбеков Турдакун Усубалиев өлкөнүн социалдык-экономикалык өнүгүүсүнө кошкон салымын белгилеп, Усубалиев Кыргызстандын тарыхында өзгөчө орунду ээлеген бир доордун кайталангыс инсаны экенин айтты. 6-ноябрда көрүнүктүү... Читать дальше...

"Freedom House" эл аралык уюму Интернеттеги эркиндиктин абалы боюнча жылдык баяндамасын жарыялады. Ага ылайык, интернет эркиндигин эң көп бузган мамлекет Кытай болуп чыкты. Мурдагы советтик жумурияттардын арасынан Балтика өлкөлөрүн кошпогондо Интернет Армения жана Грузияда гана эркин. Ал эми Кыргызстанда жана Украинада жарым-жартылай эркин болуп чыкты. Укук коргоочулардын баасында, Азербайжан, Беларус, Казакстан, Орусия жана Өзбекстанда эркин эмес. "Freedom House" баяндамасында изилдеген 65... Читать дальше...

Мурдагы президент Алмазбек Атамбаевдин экс кеңешчиси, жети жылга эркинен ажыратылган Икрамжан Илмияновдун адвокаты Кубанычбек Ташбалтаев Октябрь райондук сотунун өкүмүн бүгүн колго алып, кийинки инстанцияга кайрылууга даярданышарын билдирди. Азырынча Икрамжан Илмиянов Улуттук коопсуздук боюнча мамлекетик комитеттин убактылуу кармоочу жайында отурат. 30-октябрда Бишкектин Октябрь райондук соту мурдагы президент Алмазбек Атамбаевдин кеңешчиси Икрамжан Илмияновду жети жылга кесип, 1600 эсептик көрсөткүчтө... Читать дальше...

Баткен облустук прокурору Анарбай Мамажакыповдун өлүмүнө шектүү Мелис Калыковдун жакындары соттук териштирүү калыс жүрбөгөнүн, айыпталуучуга акыркы сөз берилбей калганын айтып чыгышты. Шектүүнүн эжеси Дамира Калыкованын айтымында, 4-ноябрдагы соттук отурумга шектүүнүн жактоочулары жүйөлүү себептер менен катыша албай калган. "Соттук жараян тууралуу алдын ала кабарланбай жаткандыктан, адвокаттар башка процесстерден бошобой жатат" дейт Калыкова. Дамира Калыкова айыпталуучу баш тартканына карабай, мамлекеттик адвокаттар менен сот уланып... Читать дальше...

Өзбекстандын Улуттук маалымат агенттиги (УзА) 4-ноябрда президент Шавкат Мирзиёевдин улуу кызы Саиданын туулган күнүн башкы жаңылык кылып жазды. "Туулган күн" деген аталыштагы жаңылыкта Саида Мирзиёеванын өмүр жолу тууралуу да маалымат камтылган жана бул жаңылык бир күн бою агенттиктин орусча баракчасында күндүн башкы окуясы катары турган. Андагы маалыматка ылайык, өзбек президентинин улуу кызы Дүйнөлүк экономика жана дипломатия унинверситетинде, Юридикалык университетте окуган. Ал атасы президент... Читать дальше...

Ысык-Көл облусундагы «Хан-Теңири» лагеринде эки кишини өлтүрүп, бир адамды барымтага алды деп шек саналган Сергей Смирнов ушул күнгө чейин табыла элек. Аны издөө иштери жүрүп жатат. Бул тууралуу Ысык-Көл облустук башкармалыгынын басма сөз катчысы Сталбек Усубакунов билдирди. Смирновдун кайда экени белгисиз болуп жаткандыктан, ага октябрь айынын башында эл аралык издөө жарыяланган. Июль айында «Хан-Теңири» альплагеринде Сергей Смирнов аттуу киши эки адамды атып өлтүрүп, үчүнчүсүнө бычак сайып, аялды барымтага алып качып кеткен. Читать дальше...

52 жаштагы спортчу Константин Суриков Кыргызстандын Гольф федерациясынын өтмө кубогун утуп алды. Бул тууралуу аталган федерациянын басма сөз катчысы Андрей Мымрын билдирди.   Маалыматка ылайык, мелдеш Чүй облусунун Кара-Жыгач айылындагы гольф клубда өтүп, ага жети өлкөдөн 56 оюнчу катышты. Эркектер арасындагы оюнда баш байгени Константин Суриков алды. Экинчи орунду дагы бир кыргызстандык Рустам Курбаналиев, үчүнчү орунду түштүк кореялык Ким Сок Тё ээледи. Баш байгеден сырткары Суриковго “Спорт чеберине талапкер” наамы ыйгарылды. Читать дальше...