Новости за 15.11.2019

Алмазбек Атамбаевдин мурдагы жан сакчысы Эркин Мамбеталиевдин күч органдарына белек кылган эки жолтандабасы Чек ара кызматынын Баткен облусундагы бөлүгүнө берилген. Бул тууралуу Эркин Мамбеталиев өзү билдирди. Маалыматты Баткен чөлкөмдүк чек ара башкармалыгынын башчысы Замирбек Мийзаев ырастаганы менен толук маалымат берген жок. Октябрь айында Интернеттеги социалдык түйүндөрдө жана айрым маалымат агенттиктеринин сайтында «Эркин Мамбеталиев күч органдарына автоунаа белек кылды» деген кабар тараган. Читать дальше...

Сүрөтчү жана кино актёр Сүймөнкул Чокморовду туулган күнүнө карата күйөрмандары Бишкекте даңазалуу эскеришти. Коомчулукта анын тагдыры, өмүрү, эмгектери жетиштүү деңгээлде изилденбей, анын турмушундагы айрым маалыматтар элдин калың катмарына жетпей келатканы айтылып келет.

Мамлекеттик каттоо кызматында автоунаанын мамлекеттик номурлары чектелүү гана санда калгандыктан айрым аймактарда тартыш болуп жатат. Бирок, бул маселе 20-ноябрда чечилет. Тактап айтканда номур жасоочу темир Орусиядан келет. Бул тууралуу аталган мекеменин басма сөз кызматкери Адилет Бейшеналиев “Азаттык” радиосуна маалымдады. “Номерлер бар бирок, саны аз калды. Тендердин жыйынтыгы боюнча номерге керектелүүчү темир ноябрдын жыйырмаларында келет. Андан кийин бул көйгөй чечилет. Азыр чектелүү болгондуктан... Читать дальше...

Гонкондо билим алып жаткан студенттердин ата-энелери президент Сооронбай Жээнбековго кайрылышты. Алар аймактагы саясий абалга, соңку кагылышууларга байланыштуу балдарын Кыргызстанга аман-эсен кайтарып келүү ишине жардам берүүнү суранышкан. “Биздин балдар бир нече татаал сынактардан кийин миңдеген жаштарды озуп чыгып, Гонконг шаарындагы дүйнөнүн эң алдыңкы окуу жайларына студент катары тандалып алынган эле. Өлкөбүздүн эртеңки келечеги болгон алтын муунга мамлекет тарабынан камкордук болот деген терең ишенимдебиз”... Читать дальше...

Бишкектеги «Антошка» ашканасындагы жарылуудан жабыркаган сегиз киши Травматология жана ортопедия илим-изилдөө борборунда дарылануусун улантууда. Алардын абалы турукташып калганын «Азаттыкка» бул оорукананын башкы дарыгери Алмаз Кубатбеков билдирди. Анын айтымында, алгачкы күнү амбулатордук дарыланууга коё берилген бирөө эки күндөн кийин келип кайра жаткан. Анын денесинин эки пайызы күйгөн. Бардыгы жандандыруу бөлүмүнөн палатага которулган. Буга чейин айтылгандай, жарылуудан 26 жаштагы бир адамдын денесинин 30 пайызы... Читать дальше...

Т. Сатылганов атындагы Улуттук филармонияда Кыргыз Республикасынын эл сүрөтчүсү, атактуу актёр Чокморовдун 80 жылдык мааракесине арналган салтанаттуу иш-чара өтүп жатат. Ага катышкан президент Сооронбай Жээнбеков кыргыз киносунун кереметин, кыргыз сүрөт өнөрүнүн ийгиликтерин Сүймөнкул Чокморовдун тагдырынан бөлүп кароого болбой турганын белгиледи. - Турмушта жашоосу кыска болсо да, элдин эсиндеги өмүрү узун, мекен үчүн өтө чоң, бир адамдын өмүрүнө сыйбай турган эмгек өтөгөн инсандар унутулбайт. Читать дальше...

Айлана-чөйрөнү коргоо жана токой чарбасы боюнча мамлекеттик агенттиктин маалыматына караганда, Кыргызстан Казакстандан кайтарымсыз түрдө 50 баш жейрен алуу боюнча протоколго кол койду. Бул жаныбарлар Ысык-Көлдүн түндүк жээгинде, Орто-Токой суу сактагычынын аймагында тукумун көбөйтүү үчүн алынып келет. Учурда Айлана-чөйрөнү коргоо жана токой чарбасы боюнча мамлекеттик агенттик Казакстандын тийиштүү органдарына долбоордун биологиялык негиздемесин жөнөтүп, жаныбарларды алып келүү боюнча сүйлөшүү жүрүп жатат. Читать дальше...

Былтыр кармалып, камакка алынганы жарыяланган «Түндүк-Чыгыш» бажы бекетинин башчысынын орун басары Элнура Мамбетжунушова Мамлекеттик бажы кызматынын төрагасынын орун басарлыгына көтөрүлдү.

Жыл башынан бери мыйзамсыз паспорт берүү фактысына байланыштуу 36 кылмыш иши козголду. Бул тууралуу ички иштер министринин орун басары Мирлан Каниметов Жогорку Кеңештин «Республика – Ата Журт» фракциясынын 15-ноябрдагы жыйынында билдирди. Анын маалыматына караганда, мыйзамсыз паспорт берүү боюнча Мамлекеттик каттоо кызматынын кызматкерлерине байланыштуу сотко чейинки өндүрүш иши жүрүп жатат. Жакында эле Стамбулда киши колдуу болгон Кытай жараны Айеркен Саймаитиге жасалма кыргыз паспорту берилгени аныкталган. Читать дальше...

Ушул жылдын тогуз айында 12 судьяга кылмыш иши козголуп, үчөөнүн иши сотко өткөрүлдү. Дагы тогузунун иши тергелип жатат. Бул тууралуу Башкы прокуратуранын өкүлү 15-ноябрда Жогорку Кеңештеги «Республика – Ата Журт» фракциясынын жыйынында айтты. Аталган фракциянын мүчөсү Закир Шарапов коррупцияга байланыштуу чуулгандуу иштер аягына чыкпай, жемкорлукка шек саналгандар кармалбай жатканын белгиледи. Эл өкүлү коррупция үчүн айыпталып кармалгандардын иши сотко өткөндөн кийин эркиндикке чыгып кетип жатканын айтып... Читать дальше...

Кыргыз өкмөтү Кытай жана Индия мамлекеттери менен өнүктүрүү фонддорун түзүүнү көздөп жатат.

Бул тууралуу Экономикалык кылмыштарга каршы күрөш боюнча мамлекеттик кызматтын (Финансы полициясы) жетекчиси Бакир Таиров «өрдөк этине» байланыштуу чуу тууралуу суроого жооп берип жатып айтты: - Тажикстандан келген өрдөк эти боюнча былтыр «Аткезчилик» беренеси менен кылмыш иши козголуп, сот чечим чыгарган. Финансы полициясы тарабынан кармалган 80 тонна өрдөк эти соттун чечими менен жок кылынган. Депутат Нурбек Тотонов социалдык тармактарда, кармалган өрдөк эти толук өрттөлбөй, 2-3 тоннасы гана жок кылынып... Читать дальше...

Кыргызстандын муфтийи Максатбек Токтомушев 14-ноябрда Азербайжандын Баку шаарында өткөн бүткүл дүйнөлүк дин өкүлдөрүнүн саммитине катышты. Бул тууралуу муфтияттын басма сөз кызматы кабарлады. Дин өкүлдөрүнүн экинчи саммити Азербайжан мамлекетинин президенти Илхам Алиевдин демилгеси менен өткөрүлүп, ага дүйнөнүн 70тен ашуун мамлекетинин муфтийлери, дин кызматкерлери, эл аралык уюмдардын өкүлдөрү, жалпысынан 500дөй конок чакырылган. Иш-чаранын жүрүшүндү дин аралык кызматташтыкты мындан да жандантып... Читать дальше...

12-ноябрда Ички иштер министрлигинин Ички иликтөө кызматына аял кайрылып, укук коргоо органдарынын кызматкери ага карата сотко чейинки өңдүрүшкө алынган ишти чечип бериш үчүн 20 миң сом сурап жатканын айткан. Бул арыз Кылмыштар менен жоруктардын бирдиктүү реестрине 326-беренесинин 1-бөлүмү («Опузалап пара талап кылуу») боюнча катталган. Ички иштер министрлигинин маалыматына караганда, ыкчам тергөө иштерининин алкагында 14-ноябрда шаардагы кафелердин биринен 20 000 сом акча каражатын накталай алып... Читать дальше...

Кримтөбөл Азиз Батукаевдин түрмөдөн мыйзамсыз бошотулушуна байланыштуу баштапкы соттук жыйын 29-ноябрга жылдырылды. Мындай чечимди бүгүн Бишкектин Биринчи май райондук соту кабыл алганын мурдагы президент Алмазбек Атамбаевдин жактоочусу Замир Жоошев билдирди. Анын айтымында, Атамбаев соттук отурумга катышуудан баш тарткан. Ал эми Улуттук гематология борборунун мурдагы жетекчиси Абдухалим Раимжанов ооруп жатканына байланыштуу келген эмес. Ага операция жасалары айтылды. Адвокат Сергей Слесаревдин... Читать дальше...

Гонконгдогу соңку кагылышууларга байланыштуу жогорку окуу жайлар жабылды. 13-ноябрга караган түнү демонстранттар менен полициянын ортосундагы кагылышуулар университеттик шаарчада уланган.

Грузин парламентинин депутаттары 14-ноябрда өткөн жыйында Конституцияга өзгөртүүлөрдү киргизүү боюнча коалициялык көпчүлүк сунуш кылган мыйзам долбоорун четке кагышты. Ага ылайык, 2020-жылдан тарта өлкөнү пропорционалдык шайлоо системасына өткөрүү каралган.

Туйлаган, тыбырчылаган комузчу эле, арабыздан кеткен Нурзат.

Башкы прокуратуранын башкармалыгынын башчысы Уланбек Чалбаевди былтыр пара алууга шектүү катары кармаганда далил зат катары алынган 200 миң доллар тергөө маалында жоголгону ачыкка чыкканы айтылууда.

Орусия мурдагы казак президенти Нурсултан Назарбаевдин Украина боюнча сунушуна жооп берди. Орус президенти Владимир Путин Украина лидери Владимир Зеленский менен норманд форматында пландалып жаткан жолугушууга чейин кайсы бир сүйлөшүүлөрдү өткөрүүнүн кереги жок деп эсептейт. Бул тууралуу ал бейшембиде журналисттердин суроосуна жооп берип жатып айтты: - Норманд форматына чейин жолугушуу өткөрүү тууралуу сөз жок. Себеби биз норманд форматында сүйлөшөбүз деп макулдашканбыз. Ошондуктан даярдыгы... Читать дальше...

Акыйкатчы Токон Мамытов Аскер жана күч кызматкерлеринин укугун коргоо кеңешин түздү. Негизинен укук тартибин коргоо тармагында иштеген ардагерлерден турган орган Акыйкатчыга кеңеш, маалымат берип турат. Жаңы түзүлгөн коомдук структуранын мүчөсү, "Жоокерлердин энелери" республикалык комитетинин төрайымы Уулкан Байгубатова: - Коомдон жардам бере турган орган болот. Ар кандай окуялар болууда, ошолорду алдын алуу максатыбыз. Кеңештин курамына 22 адам кирди. Жоокерлердин укугун сотто коргоп... Читать дальше...

Грузияда мөөнөтүнөн мурда пропорционалдык система боюнча парламенттик шайлоо өткөрүү жана азыркы өкмөттү кетирүү талабын койгон нааразылык акциясы уланууда. Митинг борбор шаар Тбилисиде кечээ парламентте 2020-жылда өтө турган шайлоону пропорционалдык система боюнча өткөрүү мыйзамы көпчүлүктүн колдоосуна ээ болбой калгандан кийин башталган. Митингчилер парламент алдындагы аянтчага чатыр тигип, мөөнөтсүз акция өткөрөрүн билдиришкен. Полиция эч кимди кармап, күч колдонгон жок. Депутаттарды шайлоо... Читать дальше...

Бүгүн Жогорку Кеңештин Бюджет жана финансы комитетинде Социалдык фонддун, андан соң Милдеттүү медициналык камсыздандыруу фондунун келерки жылга карата бюджеттери боюнча коомдук талкуу болот. Талкууну уюштурууга Бириккен Улуттар Уюмунун Өнүктүрүү программасы жана Швейцариянын Өнүктүрүү жана кызматташтык башкармалыгы көмөктөштү. Жыйынга мамлекеттик органдардын, жергиликтүү жамааттардын, бейөкмөт коомчулуктун өкүлдөрү катышат. Социалдык фонддун бюджетинин киреше бөлүгүнүн негизи камсыздандыруу төлөмдөрүнөн турат. Читать дальше...

Орусияда дайыны табылбай жаткан кыргызстандык ооруканада экени аныкталды. Бул тууралуу Ички иштер министрлиги кабарлады. Мекеменин маалыматына караганада, министрликтин Орусиядагы өкүлчүлүгүнө 33 жаштагы кыргызстандык келин кайрылып, өткөн айдан бери күйөөсү машинеси менен жумушка чыгып кеткен бойдон дайынсыз болуп жатканын айткан. Ыкчам иликтөө иштеринин натыйжасында ал адам оор жаракат менен ооруканада экени белгилүү болду. Аны 11-октябрда Москванын айланма жолунан таап, реанимацияга жеткиришкен. Читать дальше...

Бишкекте бүгүн «Бир дүйнө - Кыргызстан» кинофестивалы жыйынтыкталат. Бул жылы фестиваль БУУнун Балдардын укуктары боюнча конвенциясынын кабыл алынышынын 30 жылдыгына арналып, «Балдар үнү жана тең укуктуулук» деген темада өттү. Фестивалга ондон ашык өлкөдөн 20дай даректүү тасма катышты. Бул тасмалар катаал шарттагы балдардын укуктарын коргоо өңдүү бир топ темаларды чагылдырат. Мындан сырткары фестивалдын алкагында балдардан укуктары боюнча талкуулар, семинарлар өттү. «Бир дүйнө - Кыргызстан» уюму уюштурган фестиваль быйыл 13-жолу өттү.