Новости за 19.11.2019

Пакистандын мурдагы премьер-министри Наваз Шарифти дарылаш үчүн 19-ноябрда Лахордон Лондонго атайын учак менен алып кетишти. Анын жанында бир тууган иниси, «Пакистан мусулмандар лигасы» оппозициялык партиясынын лидери Шехбаз Шариф коштоп жүрөт. Мунун алдында Жогорку сот Наваз Шарифтин саламаттыгына байланыштуу чет өлкөгө чыгышына уруксат берген. Өткөн айда сот абакта анын саламаттыгы кескин начарлап кеткени үчүн күрөөгө бошоткон жана анда экс-премьердин абалы өтө начар экени, ал тургай өлүм алдында жатканы айтылган. Читать дальше...

20-ноябрда түнкүсүн Чүй, Талас, Ош, Жалал-Абад, Баткен облустарынын кээ бир райондорунда жаан, кар, тоо этектеринде жана тоолуу райондордо кар жаашы мүмкүн. Ысык-Көл, Нарын облустарында жаан жаабайт. Жолдор тоңголок жана тайгак болуп, кар күрткүсү күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүйдө түнкүсүн -3…+2, күндүз 3…8; Таласта түнкүсүн 0…-5, күндүз 3…8; Баткенде, Ошто, Жалал-Абадда түнкүсүн 0…-5, күндүз 8…13; Ысык-Көлдө түнкүсүн 0…-5... Читать дальше...

Тажикстандын футбол боюнча курама командасы 17-ноябрда Бишкекке келип, 18-ноябрда Бишкектеги акыркы машыгуусун өткөрдү. Өткөн аптада тажик футболчулары Мьянмага 3:4 эсебинде утулуп калышкан.

Жогорку Кеңештин мурдагы депутаты, Казакстанда 10 жылга эркинен ажыратылган Дамирбек Асылбек уулу Кыргызстанга эстрадицияланды. Ал учурда Бишкектеги №1 тергөө абагында кармалууда. Бул тууралуу «Азаттыкка» Жаза аткаруу боюнча мамлекеттик кызматтын (ЖАМК) басма сөз борбору  кабарлады. Маалыматка караганда, экс-депутат 18-ноябрда Кыргызстанга алынып келген.  «Азыркы убакта Казакстандын өкүмүн Кыргызстандын өкүмүнө шайкеш келтириш үчүн тиешелүү документтер (переквалификация) Жогорку сотко жөнөтүлдү. Читать дальше...

Райондун тоолуу Кызыл-Үңкүр айылында курулушу мындан төрт жыл мурда башталган жаңы мектеп пайдаланууга берилди. Алтын-Кыя мектебинин ачылышына Жогорку Кеңештин вице-спикери Мирлан Бакиров, вице-премьер министри Алтынай Өмүрбекова жана жергиликтүү тургундар катышты. Быйыл жыл башынан бери тогуз мектеп жана 81 бала бакча жергиликтүү жана республикалык бюджеттин эсебинен курулуп, пайдаланууга берилген.  - Биз жыл сайын эски мектептерди оңдоп, жаңысын салганга аракет кылып жатабыз. 2010-жылдын бюджети азыр каралып атат... Читать дальше...

Коррупция - бул сөз азыркы биз жашап жаткан коомдун ырбаган жарасы.

Жогорку Кеңештин депутаты, мурдагы министр Кубанычбек Жумалиев Кыргызстандын аймагында катталган 33 фирмасын декларацияда көрсөткөн эмес. ​Economist.kg басылмасы жана «Декларатор» долбоору депутаттын мүлкү тууралуу тапшырган декларациясы менен ачык булактарды салыштырып көргөн. Ачык булактарда Жумалиев айрым фирмалардын жетекчиси экени  көрсөтүлгөн. Муну менен ал депутаттын ишмердүүлүгү жөнүндө («Жогорку Кеңештин депутатынын макамы жөнүндө») негизги мыйзамды бузганы белгиленет. Мыйзам боюнча ЖК депутаты... Читать дальше...

Бүгүн, 19-ноябрда Бишкектеги Дөлөн Өмүрзаков атындагы стадиондо,  кечки саат 20:00дө Кыргызстан менен Тажикстандын курама командалары беттешет. Оюн 2022-жылы Катарда өтө турган футбол боюнча дүйнө чемпионатынын тандоо оюндарынын алкагында өтөт.  18-ноябрда эки команда тең оюн алдындагы расмий машыгууларын өткөрүштү.  Кыргызстандын футбол боюнча курама командасынын башкы машыктыруучусу Александр Крестинин эртеңки оюнда жеңишке жетүүнү көздөп жатат. Анын пикиринде, ​«Кыргызстандын бул беттештеги эң башкы каршылашы - бул биз өзүбүз». Читать дальше...

Орусиянын Агартуу министрлиги жана Кыргызстандын Билим берүү жана илим министрлиги уюштурган «Билим берүүдө тажрыйба алмашуу» гуманитардык долбоорунун алкагында Орусиядан келген 17 мугалим Ош шаарынын мектептеринде орус тилин окутуп жатат. Алардын сегизи орус тили жана адабияты сабагын, экөө математика сабагын окутса, калган жетөө башталгыч класстарды окутууда. Ош шаарындагы №7 Нариманов мектебинде башталгыч класстарга билим берип жаткан Ольга Птушкина аталган долбоор жана билим берүүнүн күңгөй-тескейи тууралуу ой бөлүштү.

Баш кеңсеси Нью-Йоркто жайгашкан “Хьюман Райтс Уотч” (HRW) уюму Бишкекте иштей баштаган адамдын жүзүн тааный алган камераларга байланыштуу тынчсыздануусун билдирди. Анын чоо-жайын уюмдун адам укуктары боюнча бөлүмүнүн изилдөөчүсү Лаура Миллс “Азаттык" менен курган маегинде кенен түшүндүрүп берди.

Президент Сооронбай Жээнбеков 19-ноябрда эл аралык донорлордун катышуусунда Бишкекте өтүп жаткан жыйында “Кытай-Кыргызстан-Өзбекстан темир жолу” долбоорун жол тармагындагы эң ири долбоор деп баалады. - Бул эл аралык мааниси чоң долбоордун өнөктөштөр тарабынан колдоого алынышы өтө маанилүү. Мунун саясий жагы чечилди. Иштер жүрүп жатат. Бул жолду курууга өнөктөштөрдөн жардам керек. Биз туңгуюктан чыгыш үчүн Кытай-Кыргызстан-Өзбекстан темир жолу аба менен суудай керек болуп турат. Силерди ушул маселеге көңүл бурууңуздарды суранып кетем. Читать дальше...

Кыргызстан «Түркиянын абактарында «Ислам мамлекети» террордук уюмуна мүчө 23 кыргызстандык бар» деген маалыматты тактоодо. Тышкы иштер министрлигинин маалымат департаментинин жетекчиси Улан Дыйканбаев «Азаттыкка» айтканына караганда, учурда бул маалымат бир жаңсыл болуп тактала элек. - Кабар чыккандан кийин эле биз маалымат сураганбыз. Бизге азыр маалымат келе элек. Бизде бул боюнча иштеген консулдук департаментибиз бар. Биз аларга жана Түркиядагы элчилик менен башкы консулдукка айтканбыз. Азырынча маалымат келе элек, - деди ал. Читать дальше...

Президент Сооронбай Жээнбеков Бишкектеги «Ала-Арча» мамлекеттик резиденциясында өтүп жаткан жыйында «биз адам укуктарын коргоого жана саясий плюрализмди, сөз эркиндигин камсыз кылууга багытталган жолубуздан кайтпайбыз» деп билдирди. Мамлекет башчы Кыргызстан шайлоо системасын өнүктүрүүнүн жаңы баскычына келгенин айтып, өлкөдө тынчтык болгондо гана донорлордун өлкөгө болгон ишеними артарын белгилеп, донорлорду колдоо көрсөтүүгө чакырды. Учурда Кыргызстанда шайлоо мыйзамдарына байланыштуу талкуулар жүрүп жатат. Читать дальше...

Саламаттык сактоо министрлигинин маалыматына караганда, Кыргызстанда он айда гепатитти 6600 киши жугузуп алган. Бул көрсөткүч 2018-жылга салыштырмалуу 10,2% аз. Алардын 94% жакыны илдеттин А түрүнө кабылгандар. Өткөн жылдын ушул маалында вирустук гепатиттин 7200 учуру катталган. Гепатит дарты боорду жабыркатып, адамды алсыратат. Жалпы катталгандардын басымдуу бөлүгүн 14 жашка чейинки балдар түзөт. Министрликтин маалыматы боюнча, вирустук гепатит А оорусунун булагы оорулуу адам болот. Оору турмуш-тиричиликтеги катнаш... Читать дальше...

Кыргызстан Крымдагы адам укуктарын коргоо боюнча БУУнун резолюциясына каршы добуш берди.

Бул тууралуу президент Сооронбай Жээнбеков бүгүн, 19-ноябрда Бишкектеги «Ала-Арча» мамлекеттик резиденциясында өнөктөш донорлор менен болгон жолугушууда айтты. Өлкө башчынын маалыматы боюнча 2024-жылга чейин дагы 552 айылга таза суу жеткирүү маселесин чечүү зарыл. Анын ичинен 207 айылды каржылоо булактары аныкталды. Ал эми каржылоо булактары аныктала элек 345 айыл бар. Аларга таза суу киргизиш үчүн 481 млн. доллар же 34 млрд. сом керек. Президент бул каражаттын 450 млн. долларын донорлор тарабынан каржылоо зарыл экени аныкталганын билдирди... Читать дальше...

Грузия полициясы парламент имаратынын кире беришин тосуп алган демонстранттарды күч менен таркатты. Тартип коргоочулар нааразылык акциясына чыккандарга суу чачып, 18 адамды кармап кетти. Бирок жүздөгөн митингчилер кайра эле аянтка топтолду.

АКШнын президенти Дональд Трампка карата импичмент маселеси Өкүлдөр палатасында иликтенип жаткан кезде президенттин Украинага аскердик жардам берүүдөн баш тартуу боюнча чечимин мамлекеттик катчы коргоп чыкты. Майк Помпео 18-ноябрдагы басма сөз жыйынында президент Трамп Украинага курал берүү боюнча Обама администрациясынын аракетин жокко чыгарганын билдирди.  - Мен биздин кылганыбыз менен сыймыктанам. Президент Трамптын саясаты ар тарабынан туура болгон. Мамлекеттик департамент аны толук колдойт, - деди Помпео. Читать дальше...

29 жаштагы кыргызстандык жарандын өлүмү боюнча Орусиядагы элчилик тиешелүү органдар менен кызматташып, иликтөө жүргүзүүдө. Алдын-ала чыгарылган маалыматтар боюнча маркумдун өлүмү кырсыктан болушу ыктымал экендиги айтылууда. Кыргызстандын Орусиядагы элчилиги кабарлагандай, так маалымат соттук-медициналык экспертизанын корутундусунан соң гана берилет. Маркумдун сөөгү 17-ноябрда мекенине жеткирилген.  Орусиянын айрым маалымат каражаттары 29 жаштагы кыргызстандык жаран киши колдуу болгонун жазып чыгышкан. Читать дальше...

«Орус президентинин бул кадамы Парижде өтүүчү Орусия-Украина мамилесине арналган саммиттин алдында ишеним жаратат» деп билдирди француз лидери. Макрон бул тууралуу 18-ноябрда Орусиянын мамлекет башчысы Владимир Путин менен телефон аркылуу сүйлөшкөндөн кийин билдирди. Анда тараптар декабрга белгиленген саммит тууралуу да талкуулашкан.  Украинанын «Бердянск» жана «Никополь» аскердик катерлери жана «Яны Капу» чиркегичи 17-ноябрда Орусиянын деңиз кароолунун коштоосунда Керч кысыгынан, «Генмола» акваториясынан... Читать дальше...

"Кыргызстандагы ишкерлер коомдун өнүккөн бөлүгү болуп туруп, укуктары тебеленген учурлар көп. Бул инвестициялык климатка жана өлкөнүн экономикасына түздөн-түз таасир этет. Бул тууралуу премьер-министр Мухаммедкалый Абылгазиев 18-ноябрь күнү өткөн жыйында билдирди.  Ал ошондой эле ишкерликти текшерүүгө мораторий жарыялоо менен тармактын өнүгүшүнө мүмкүнчүлүк түзүлгөнүн да баса белгиледи. Бирок айрым укук коргоо органдарынын иши ишкерликти колдоо жана коргоо жагын күчөтүүнү, текшерүүчү органдардын... Читать дальше...

Бишкектин мурдагы мэри Албек Ибраимовдун жактоочусу Сергей Слесарев «Азаттыкка» ушундай маалымат берди. Анын айтымында, бул күнкү отурумда Ысык-Көлдөгү «Күнөстүү жээк» пансионатына жана «Дастан» заводуна тетик сатып алуу маселесине байланыштуу иш каралган. Слесарев айыптоочу тарап бул эки иште тең негиздүү далилдерди көрсөтө алган жок деген оюн айтты: - Алар пансионаттын сатылышына Ибраимовдун тиешеси бар экенин жана иште айтылгандай, муну менен кызмат абалынан кыянаттык менен пайдалануусун далилдей алышкан жок. Читать дальше...

19-ноябрда Бишкектин Биринчи май райондук сотунда Улуттук тарых музейи менен Чолпон-Атадагы ат майдандын оңдолушуна байланыштуу кылмыш иши боюнча соттук отурум ишин улантат.  Бир жума мурдагы сот жараянында күбөлөр айыпталуучулардын бири, президенттик аппараттын жарандык өнүктүрүү, диний жана улуттук саясат бөлүмүнүн мурдагы жетекчиси Мира Карыбаевага каршы көрсөтмө беришкен. Алар 2017-жылы кабыл алынган долбоордо музейдин кызматкерлери ага чейин иштеп чыккан концепциядагы сунуштардын 90 пайызы камтылбай калганын билдиришкен. Читать дальше...

ЕККУнун байкоочулары Беларуста мөөнөтүнөн мурда өткөн парламенттик шайлоодон кийин ушундай билдирүү таратышты. Анда бир да оппозициячыл талапкер жеңишке ээ болгон эмес. «Саясий партияларды каттоодогу, эркин жыйын өткөрүүгө тоскоолдуктар» уюму чукул сурамжылоолорду жүргүзүүгө мүмкүнчүлүк берилбегенин маалымдады. - Бул шайлоо демократиялык милдеттенмелер сыйланбай турганын көрсөттү. Парламенттин укуктары чектелүү өлкөдө парламенттик шайлоо шайлоочулар үчүн да, талапкерлер үчүн да жөн гана формалдуу... Читать дальше...