د پاکستان تحریک انصاف (پي ټي ای) غړو او پلویانو د پېښور های کورټ پر هغه پرېکړه خوشالي کړې ده چې له مخې یې هغه ګوند د فبرورۍ پر اتمه کېدونکو انتخاباتو لپاره د کرکټ د بیټ (بلې) نخښه کارولی شي. د جنورۍ پر ۱۰مه دوه کسیزه جرګګۍ د پاکستان انتخاباتي کمېشن ته امر وکړ چې پي ټي ای ته دې خپله پخوانۍ انتخاباتي نښه ورکړي. کمېشن په ډېسېمبر کې ویلي ول چې د هغه ګوند داخلي انتخابات له قانون سره سم نه ول نو ځکه د کرکټ بیټ نخښه نه ورکوي. ویډیويي رپورټ.
په پېښور کې له څه باندې یوې اوونۍ راهیسې د سړو څپې او لړې (په اردو کې دهند بلل کېږي) د خلکو ژوند اغېزمن کړی دی. د موسمي چارو پوهان وايي چې یخني او وچکالي دواړه د لړې لامل کېږي. روغتیاپالان وايي چې لړه عموماً صحت ته تاوان نه رسوي خو چې د دوړو یا ګرد او لوګي ذرې پکې شاملې شي نو د تنفس د نظام او سترګو د ناروغیو سبب کېدای شي. روغتیاپالان د لړې پر وخت د تمبوزک یا ماسک په مخ کولو سپارښتنه کوي. د پېښور د لړې په اړه د رویټرز اژانس دا انځورونه وګورئ.
ټاکل شوې ده چې د فبرورۍ پر اتمه په پاکستان کې عام انتخابات وشي خو د دې ترڅنګ هلته د انتخاباتو پر ټاکلي وخت د نه کېدو ګنګوسې هم دي. د مشال تر رڼا لاندې بحث کې مو دا ځل د پاکستان له پخواني سېنېټر، سیاستوال، د بشري حقونو فعال او شنونکي افراسیاب خټک سره د پاکستان پر سیاست، جمهوریت، په هغه هېواد کې د پوځ پر رول او امنيتي حالاتو خبرې کړې دي. په دې اړه تفصیل په ویډیويي بحث کې وګورئ.
د ټولنې یو بل مشر غلام یاسین خان مشال راډیو ته وویل چې حکومتي ځواکونه دې د هغو غلو پرضد پراخ عملیات وکړي ځکه چې دا ډول پېښې په بیا بیا کېږي چې ټرانسپورټران یې زښت اندېښمن کړي دي.
دا اوونۍ مو په مشال مرکه خپرونه کې د اسلام اباد های کورټ وکیل اصف ايوب مېلمه کړی دی. نوموړي له تېرو شپږو کلونو راهيسې په اسلام اباد کې وکالت کوي او د صوابۍ د يار حسين سیمې دی. ایوب وايي، په پوځي عدالتونو کې پر ولسي وګړو د مقدمو چلولو اجازې ورکولو په اړه د سپریم کورټ پرېکړه ناسمه ده. د پاکستان د سترې محکمې یوې جرګګۍ د ۲۰۲۳ز کال په ډېسېمبر کې په پوځي عدالتونو کې پر ولسي وګړو د مقدمو لغوه کولو په اړه خپله پخوانۍ پرېکړه وځنډوله چې د وکیلانو د ټولنو او ځینو سیاسي ګوندونو غبرګونونه یې وپارول. ایوب وايي، دا پرېکړه د عدلیې لپاره ښه مثال نه شي ثابتېدای.